[AhmedMedhat93]

يا أستاذي الفاضل أنت قفلت موضوعي الخاص بالتحذير من شراء منتجات توشيبا العربي و ذكرت السبب أن الموضوع خاص بالصيانة و حضرتك الموضوع بتكلم فيه عن تجربتى و اللى حصلي منهم و كان واضح من رد الأخوة أجمع أنهم كارهين الشركة و بردة حصلهم مشاكل معاها طب دة مش موضوع خاص بالصيانة ولا حاجة دة تحذير للناس عشان متدفعش دم قلبها فى منتجات بايظة و ربنا يعلم الواحد بيطلع عينه على ما يجيب الجنية بعد أذنك شوف الموضوع كويس و و هتعرف أنه لصالح كل الأعضاء و ليس لغرض الصيانة زى ما حضرتك ذكرت .

[arnoob2009]

كان واضح من رد الأخوة أجمع أنهم كارهين الشركة؟؟؟!!! محصلش الكلام ده راجع كلامك

[عماد رياض]

على فكرة انا معاك فى التحذير من اى شركة تعمل منتج ويكون فى عيب صناعة ولا ترضى تصلحو او حتى تقابل العملاء باحترام والله كنت مرة راكب مكروباص من امبابة الى رمسيس وكان جنبى واحد شايل شاشة توشيبا فقلت لهو مبروك الشاشة والراجل ما صدقا حد فتح معا الكلام قال الشاشة دى من توشيبا العربى الفرع بتاع شارع شبرا الرئيسى وقال بعد شهر سمع صوت تكتكا فى الشاشة وفصلت وفضل يحكى عن مشاكل الصيانة لدرجة ان الراجل قال ترددت على الصيانة خلال شهر 3 مرات

احنا لو عملنا قسم للشكاوى من المنتجات المصرية هيكون لة اهمية اولا كل واحد هيقول مشكلة مع الاجهزة المختلفة بما يرضى الله وبدون تجنى على الشركة وبذلك ناس كتير مش هتقع فى مصيدة تلك الشركات التى لا تحترم العملاء ثانيا لو الموضوع سمع والشركات خدت خبر بان هناك شكاوى على نطاق واسع على النت هتحترم نفسها وتعدل من سلوكها تجاة العملاء مش شرط يكون قسم هنا على مصراوى انما مجرد فكرة لانشاء صفحة على الفيس يكون عنوانها ( تجربتك مع المنتج المصرى )

[AhmedMedhat93]

شكرا أستاذ عماد لتفهمك و حياديتك معي و أتمني ذلك فعلا عشان للأسف أحنا كشعب نعاني أن محدش بيسمعنا طيب على الأقل نسمع بعض و ندعم بعض لأننا قوة لا يستهان بيها فى وجه كل واحد بيستغلنا :)

[™Mr.Mahmoud™]

موضوعك في غير قسمه
وممنوع ذكر اسماء أشخاص في عنوان موضوعك
ممكن حضرتك تعمل موضوعك في قسم الصيانه
لان ده قسم فضائي مش قسم للصيانه

ولو تكرمت اتفضل ادخل الموضوع ده
http://www.masrawysat.com/vb/showthread.php?t=1981393

[™Mr.Mahmoud™]

مغلق