[مستر ابراهيم فوزى]

السلام عليكم

ما هى افضل ماده لتنظيف البورده
هل الكحول الذي يباع في الصيدليات باسم isopropyl alcohol واي نسبه افضل ...؟؟؟
بالنسبه للتنر الذي يستخدم في الدهان جربته لكن يبقى ولاينشف ويصبح كالزيت

[م/السيد الغرباوى]

التنر او البنزين يا اخى وغير مكلف انما المواد اللى زى الكحول دى مكلفه عليك وكل شويه تروح الصيدليه تقوله ادينى سبرتو هيفكر مدمن هههههههههه استخدم البنزين بس اتقل عليه شويه

[مستر ابراهيم فوزى]

البنزين افضل من التنر ؟
وهل هو البنزين الاحمر بتاع التكاتك ده ولا نوع تانى ؟
سؤال تانى بالنسبه للسوائل بالمره
هو الفالكس عند وضعه على البروسيسور والتسخين عليه اثاره بتختفى بسرعه ولا يعوذ اتقل عليه علشان يجف ؟
اصل سخن على بروسيسور بيه قبل كده وعمل شورت

[ارميا الكينج]

المشاركة الأصلية كتبت بواسطة الكبير ساات

البنزين افضل من التنر ؟
وهل هو البنزين الاحمر بتاع التكاتك ده ولا نوع تانى ؟
سؤال تانى بالنسبه للسوائل بالمره
هو الفالكس عند وضعه على البروسيسور والتسخين عليه اثاره بتختفى بسرعه ولا يعوذ اتقل عليه علشان يجف ؟
اصل سخن على بروسيسور بيه قبل كده وعمل شورت

التنر افضل انا بستخدمه اما بنسبة لفالكس استتخدمة نوع اسمهM-R

[م/السيد الغرباوى]

ايوه هو البنزين العادى بتاع التكتك طالما متعرفش غير التكتك ههههههه
تانى حاجه الفلكس عمره ما هيجف طبعا لانه ماده شبيهه للشمع وحكايه الشورت دى حضرتك اكيد بتنظف المكوه فى علبه الفلاكس واكيد رايش من القزير اللى فى المكوه طلع معاك وعمل شورت او يكون عيب من حضرتك وانت شغال لان الفلوكس ماده غيره فلزيه مش موصله للكهرباء

[مستر ابراهيم فوزى]

المشاركة الأصلية كتبت بواسطة said_gharabawy

ايوه هو البنزين العادى بتاع التكتك طالما متعرفش غير التكتك ههههههه
تانى حاجه الفلكس عمره ما هيجف طبعا لانه ماده شبيهه للشمع وحكايه الشورت دى حضرتك اكيد بتنظف المكوه فى علبه الفلاكس واكيد رايش من القزير اللى فى المكوه طلع معاك وعمل شورت او يكون عيب من حضرتك وانت شغال لان الفلوكس ماده غيره فلزيه مش موصله للكهرباء

معرفشى غير التكتك ؟ ههههههههه
ما هو البنزين بتاع التكتك يا مدير العيال بتبيعه فى زجاجات بلاستيك على ناصيه الشوارع وشكله احمر وباين لكن ايلى فى البنزين ماحدش بيشوف شكله
وكده لى حق عرب

وبالنسبه للتسخين انا رحت لواحد صاحبى بتاع موبيل وبيستخدم فالكس المانى وسخن عليه بدون مكوه يا دوبك حط فالكس وسخن بهدوء وتمام
وحضرتك بتقولى العيب من حضرتك
يعنى بتيجى عليا للمره التانيه
انا مش عارف انت واخد منى موقف ليه ؟هههههههه

[م/السيد الغرباوى]

بس ياريس انت تستخدم الرجينه احسن من الفلاكس
ودى بتيجى من عند العطار
ولوعاوز منها انا جاى اصطاد عندكم شوفلى شويه سمك وانا اجبلك رجينه

[مستر ابراهيم فوزى]

المشاركة الأصلية كتبت بواسطة said_gharabawy

بس ياريس انت تستخدم الرجينه احسن من الفلاكس
ودى بتيجى من عند العطار
ولوعاوز منها انا جاى اصطاد عندكم شوفلى شويه سمك وانا اجبلك رجينه

يا باشا انت تنورنا بس واحلى شويه بلطى للباشا وبالطحينه كمان
ولا بلاش طحينه علشان تروح البيت وتقولهم انك انت ايلى مصطاده
هههههههههه
شوف انا بوجب معاك ازاى ؟ههههههه

[ابودنيا وامل]

متابعه رائعه تسلم ايدك