[daador22]

عندى النايل سات شغال بس فى كام تردد مش شغال زى cbc والنهار .المهم غيرت السلك مفيش اشاره غيرت القطعه برده مفيش غيرت الريسيفر وغيرت الطبق ومجاش اشاره بس الغريب بقا ان وانا بظبط الطبق بدا يجيب اشاره سى بى سى وظبطتها تمام بس مجرد ما اشيل ايدى من على الطبق الاشاره تقطع ولما اتحرك من ورا الطبق الاشاره تختفى ارجع اقرب تانى من الطبق ترجع الاشاره شوية وماتثبتش الا لو لمست الطبق بايديا وهكذا فياترى فى حد عنده علم ممكن تكون المشكله فين

[حسام مشعل]

اخى لو جهازك استرا غير من 3/4 الى 6/5 فى التردد

[waheed]

ياسيدى معنى ان شيلت ايدك من على الطبق الاشارة تروح يبقى الطبق مش مظبوط لان من كلامك عملت كل اللى كنا ح نقولك علية فحاول ان تربط الطبق ويدك على الميل بحيث ياخذ الميل وضعة بشرط بعد رفع يدك لا يتحرك الميل ومعنى ان تحرك يعنى الربط مش كويس وبعدين حاول تظبط على التردد 12418 الخاص بقناة ذى الوان فهى ضعيفة ومعنى انها اشتغلت يبقى كلة تمام ثم ارجع للتردد 11488 الخاص ب سى بى سى وشوف النتيجة

[ahmed_desh]

اولا انت عندك شبكات محمول قريبة منك او شبكات يوجد بها ضغط عالى وحلها كما فهمت من موضوعك ان تجيب خشبة مربعة حوالى 50 فى 50 سم وتحطها خلف الدش فى المكان اللى فية الضغط العالى طبعا انت مش هتعرف تجيبة هتجرب يمين الطبق او شماله من الخلف هتلاحظ ان الاشارة بترتفع معاك بعد كدة تثبت الخشبة بى اسمنت والطريقة مجربها وكان فية فديو كان على المنتدى مرفوع من حوالى سنتين يوضح اللى انا بكتبة وجرب وانا معاك

[waheed]

المشاركة الأصلية كتبت بواسطة حسام مشعل

اخى لو جهازك استرا غير من 3/4 الى 6/5 فى التردد

غير صحيح لان الاخ يقول ان التردد بيجى وبعدين بيروح معنى هذا ان التردد بيشتغل وكلامك صج فى ان الاسترا لازم تغير ال 3.4

[daador22]

استاذ ahmed desh كلامك مظبوط جنبى شبكة محمول قريبه وتقريبا هى السبب لان انا استنتجت ده من مجرد انى بقرب من الطبق تبدا الاشاره تيجى ابعد تروح ولو لمست الطبق الاشاره تعلى والقناة تشتغل

[daador22]

استاذ waheed انا اقصد انى لما المس الطبق او اقرب منه الاشاره تيجى مش قصدى انى اضغط على الطبق او احركه لا ده لمجرد انى اقرب منه الاشاره تعلى

[ahmed_desh]

المشاركة الأصلية كتبت بواسطة daador22

استاذ ahmed desh كلامك مظبوط جنبى شبكة محمول قريبه وتقريبا هى السبب لان انا استنتجت ده من مجرد انى بقرب من الطبق تبدا الاشاره تيجى ابعد تروح ولو لمست الطبق الاشاره تعلى والقناة تشتغل

تمام جرب تجيب خشبة وتعمل اللى انا كاتبة واهم حاجا طبعا من غير اسمنت لحد ما تعرف الوضع اللى هتعملها بى اسمنت واهم حاجة تحط الخشبة وتبعد عن الطبق نهائى وتجرب وانشاء الله الموضوع يتحل

[daador22]

والمشكله مش فى النايل سات لانه متظبط تمام وكمان التردد 10757 متظبط وشغال زى الفل والريسيفر بتاعى مش استرا انا جربت 3 ريسيفرات سترونج 4300 وستارسات2020 وباناسات وبردو التلاته نفس الكلام

[السيد الوحش]

المشكله مليون الميه شبكه محمول حول تنقل الطبق ويكون في عازل بينك وبين الشبكه وللتاكد التردد ده مش بيجي معي الشبكه بتاعت المحمول 10873 v

[daador22]

استاذ السيد الوحش تمام انا غيرت مكان الطبق فى كل اماكن السطح والتردد مالقطش غير فى مكان واحد اللى هو لقط الاشاره حاليا بس لما ببعد عن الطبق زى ماشرحت الاشاره بتروح وانا هجرب فكرة استاذ ahmed desh بتاعت الخشبه واشوف

[hazzuma]

حط الخشبة مكان مانتا بتقف بالظبط,ولو الأشارة جت تمام, مسمرها, أنا عندى مشكلة مشابهة لكن مع ترددات اخرى زى 12380 و 12341 الخاصة بقنوات الأهلى وموجة واون تى فى لايف,من مدة ليست بالقليلة,تحياتى

[daador22]

تمام طب لو الاشارة ماجتش بالخشبه ممكن يكون ايه الحل البديل عشان اجربه بالمره

[احمد رياض]

منى الى الجميع بما انى واجهتنى نفس المشكلة العام الماضى الى الاخ السائل يوجد بجوارك برج لشبكة محموووووووووووووووول هو السبب على مسؤوليتى
اخوكم احمد رياض

[ahmed_desh]

المشاركة الأصلية كتبت بواسطة احمد رياض

منى الى الجميع بما انى واجهتنى نفس المشكلة العام الماضى الى الاخ السائل يوجد بجوارك برج لشبكة محموووووووووووووووول هو السبب على مسؤوليتى
اخوكم احمد رياض

تمام هو الراجل عاوز يعرف حلها