[cutekimo]

السلام عليكم و رحمة الله وبركاته
ارجوكم يا جماعة افيدوني بالرد على مجموعة الاسئلة دي خاصة بالجوكر v2 سوفت الاصلي 3.43
انا لسه جايبه جديد و عندي شوية استفسارات :
- كيفية البحث عن القنوات و اضافتها للرسيفر
- كيفية ترتيب القنوات بالرسيفر
- ما هو افضل ضبط للصورة من الرسيفر للتعامل مع التلفزيونات lcd
- ما هي قنوات ال hd الموجودة على قمر النايل سات
- كيفية معرفة اذا كان ******* يعمل بكفاءة ؟ يعني العيب من ******* مش النت نفسه و العكس ومعرفة مدة انتهاء ******* المجاني
- ما هي فائدة مخرج loop out
اسف ع الاطالة و شكرا مقدما

[hany_h2001]

1- بالنسبة للبحث حضرتك ها تخش علي قائمة installation وتكتب 0000 ها تلاقي قدامك خانة اسمها satellite اقف عندها واضغط سهم يمين من الريموت واختار القمر المراد البحث عليه ثم أوك ستجد القمر اصبح أمام قائمة satellite ثم الخانة الي تحتها وهي mode وبتحريك السهم يمين ويسار تقدر تغيرها الي auto search او manual search .
لو عايز بحث الي auto search انزل بالسهم لتحت start search وبالسهم يمين ويسار ها تختار satellite وهي تبحث في الترددات المحفوظة في الجوكر للقمر ويوجد أيضا blind search وهو يقوم بالبحث علي كل الترددات المتاحة في القمر وايضا network وهو البحث الشبكي عن مجموعة ترددات معينة مرتبطة ببعض .
وبعد الضغط علي أوك سيقوم بإعطاءك رسالة تحزيرية ( do you want to delete the existing program ? ) معناها هل تريد استبدال القنوات الحالية عندك بالبحث الجديد لو اخترت نعم سيقوم بمحو القنوات القديمة واستبدالها بالقنوات الجديدة . ولو اخترت لا
سيقوم بوضع القنوات الجديدة فقط في آخر القمر .
أما لو عايز بحث manual search البحث اليدوى ستجد الخانة frequency أكتب أمامها التردد المراد البحث عنه ثم قائمة polarity قم بالتغيير من والي ver و hor (افقي و عمودى ) ثم خانة symbol rate وتكون عادة 27500 أو حسب التردد ثم scan mode تختار كل القنوات أو القنوات المفتوحة فقط واخيرا قائمة network search لو اخترت no سيبحث عن التردد المطلوب فقط اما لو اخترت yes سيبحث عن التردد المطلوب + ترددات أخرى ويعطيك نفس الرسالة التحزيرية ( do you want to delete the existing program ? ) .

[kadrey]

انت فين يا استاذ هانى فى الموضوع بتاع الشوتايم فى انتظارك

[hany_h2001]

2- بالنسبة لترتيب القنوات ها تقف علي القناة المراد العمل عليها وتدخل علي قائمة channel manger ستجد علي اليمين مجموعة من الخيارات وهي
move ( لتحريك القناة الي الرقم الذى تريده )
delete ( لمسح القناة )
lock ( لقفل القناة بكلمة سر )
rename (لتغيير اسم القناة )
set fav (لإضافتها الي القنوات المفضلة ) وتوصل لها من زرار fav من الريموت .
swap ( مبادلة ) وتختار رقم القناة فيقوم بمبادلتها بالقناة الي اخترت مبادلتها .

[hany_h2001]

3- أفضل ضبط للصورة ادخل علي قائمة stb setting ومن tv type أجعلها auto .
ومن tv screen mode أجعلها auto >

4- بالنسبة للقنوات الاتش دى النايل سات فهما الجزيرة الرياضية hd1 + hd2 علي التردد 12265 افقي 27500
وايضا قناة Dream hd وترددها 11219 افقي 27500
5- لمعرفة تاريخ ******* المجاني أضغط علي الزرار الأزرق مرتين ثم أضغط بالسهم من الريموت لليسار مرة واحدة ستجد تاريخ بدأ وانتهاءالسيرفر

[hany_h2001]

لمعرفة اذا كان ******* يعمل بكفاءة والعيب من النت نفسه ولا لا
اضغط علي الزرار الأزرق ثم الأحمر ستدخل صفحة الايبيهات
لو وجدت في نهاية الصفحة من الاسفل net state .....connected
هذا معناه ان النت واصل للرسيفر

وتقبل تحياتي يا غالي

[cutekimo]

الف شكر بجد يا استاذ هاني ... بس مقولتليش ايه هي فائدة المخرج loop out اللي موجود في الرسيفر من الخلف

[hany_h2001]

المشاركة الأصلية كتبت بواسطة cutekimo

الف شكر بجد يا استاذ هاني ... بس مقولتليش ايه هي فائدة المخرج loop out اللي موجود في الرسيفر من الخلف

معلش نسيت ارد عليك من كتر الإستفسارات

بص يا سيدى loop out بتتطلع منه سلك علي رسيفر اخر ليعملا علي نفس الطبق ولكن به مشكله .
انت عارف ان القنوات v + h
يعني عمودى وافقي فلوا انت بتتفرج علي قناه التردد بتاعها افقي والرسيفر التاني الي انت مديله الوصله القناه الي بيتفرج عليها ترددها افقي ايضا القناتين ها يشتغلوا عندك وعنده عادى .
انما هو لو قلب علي قناه ترددها عمودى وانت افقي الاشارة ها تقف عندك وعنده
والخاصية دى بيستخدموها بتوع الدش المركزى فا بيخصصوا طبق للترددات الافقي وطبق للترددات العمودى
وتقبل تحياتي يا غالي
وسيتم نقل مشاركتك الي قسم كيوماكس 999 جوكر v 2 للإختصاص

[أ/حــمــاده الــجــوكــــر]

تمااااااااام يا هانى متابعه و شرح ولا اروع

تحياتى لك يا حبيبى

[cutekimo]

الف شكر بجد يا استاذ هاني معلش تعبتك من كتر الاسئلة

[hany_h2001]

المشاركة الأصلية كتبت بواسطة cutekimo

الف شكر بجد يا استاذ هاني معلش تعبتك من كتر الاسئلة

ولا يهمك يا غالي انت تأمر بس

[سميرعبدالعزيز]

انت روعة استاذ / هانى
برجاء معرفة تريب الاقمار بالجوكر

[muhammad iprahem]

المشاركة الأصلية كتبت بواسطة سميرعبدالعزيز

انت روعة استاذ / هانى
برجاء معرفة تريب الاقمار بالجوكر

تم الرد هنااااااااا