[هاني عامر2]

بعد تفكير طويل وتجربة اجهزة كتير في الشيرنج والايبي تي في قررت اشترك شرعي في البين سبورت
طبعا الشيرنج البقاء لله متشات بدون تعليق عربي زي اكل بدون ملح
انا جربت حجات كتير من ايام البث الامن الموسم الماضي زي صوت من الكمبيوتر وصورة من اي قناة اجنبية وبالتايم شفت بنظبط الفارق كانت مقبولة نوعا ما ولكن بتعملي توتر كل شوية الصوت يقف وارجع اظبط من الاول متعة الماتش بتضيع جربت اجهزة كتير زي سوبر ماكس بتاع اولاد حماد واتش 3 وجهازي المميز تايجر بصراحة صورة الاي بي تي في على الشاشة الكبيرة زبالة انا ايام الشيرنج كنت بتبغدد على قنوات الاس دي ومبعرفش اتفرج الى على قناة اتش دي فكده ان خلصة كل المحاولات للفرجة المجانية بصورة كويسة وصوت عربي فكان القرار بالاشتراك الرسمي ونحسبها بالفلوس جهاز زي اتش 3 او الهايبر سرفر الايبي تي في 3 شهور فقط وعاوز نت سريع وبعد كدة تشترك السنة ب 36 دولار غير تمن النت السريع يعني اقل حاجة 50 جنية باقة نت موبيل عشان القنوات متقطعش
حسبتي انا الجهاز الشرعي ب 429 جنية وده تمن الهايبر مثلا
و265 اشتراك 3 شهور وهبداء الاشترك في 25 -8 وهجدد كمان مرتين يعني اشتراكي هينتهي 25 -5 العام القادم وال3 شهور من اخر 5 الى اخر 8 مفهمش حاجة مهمة تقريبا مش هشترك فيهم انا الفكرة بتراودني من قبل كاس العالم بس كنت مستخسر ادفع 600 جنية في بطولة واحدة ودهوك عملة الواجب وزيادة
نصيحة الي يحب يشترك رسمي يبعد عن الموزعين ويروح يشتري من فروع ال cne مباشر هتاخد الجهاز بتمنة بدون اي زيادة وليهم 3 فروع المعادي والمهندسين والهرم اي مكان تاني فده موزع معتمد من الشركة وهياخد منك فلوس زيادة تحت اي مسمى يعني مثلا انا من المنصورة الموزع قلي 795 يعني 100 جنية زيادة فرع 6اكتوبر 750 ولما عرفتة اني عارف سعر الجهاز وان كده في 50 جنية زيادة قلي دي برمجة وترتيب يا استاذ قلتلة انا مش عاوز ارتب قلي كده مفيش ضمان !!!!!!!!!!!
انا من المنصورة ولي قريب في القاهرة كان عندي اليوم اديتة 700 جنية وهيجبة معاه الاسبوع القادم وهو جاي
اتمنى تكون الفكرة وصلة ونحسبها بالعقل ونبطل شعرات الخنزيرة ولو ببلاش مش هشترك انا شايف انها ارحم كتير من الايه ار تي

[حسين 2020]

كلام سليم انا مثلك جربت كل الطرق فوجدت الاشتراك افضل طريقه 90 جنيه شهربا وتشاهد جميع البطولات وتعليق عربى وجوده صورة ممتازة ولكن انا اشتريت منه الشركة رسيفر هيوماكس 3030 بسعر 950 جنية بة 2 كامة وبه تطبيقات على النت

[هاني عامر2]

المشاركة الأصلية كتبت بواسطة حسين 2020

كلام سليم انا مثلك جربت كل الطرق فوجدت الاشتراك افضل طريقه 90 جنيه شهربا وتشاهد جميع البطولات وتعليق عربى وجوده صورة ممتازة ولكن انا اشتريت منه الشركة رسيفر هيوماكس 3030 بسعر 950 جنية بة 2 كامة وبه تطبيقات على النت

بالتوفيق اخي انا اختارت الجهاز الصغير عشان يكون مستقل انا هشغلة بين سبورت فقط وسهل حملة في اي مكان يعني هخدة معي المحل واجيبة وانا راجع بالليل وعندي تايجر t6class خطير وسرفرة شغال وتب تن وطقس ويوتيوب الخ

[omer hassan]

كلام سليم وخاصه حتى الأقمار بعيدة المدار

[PRO WAEL]

الواحد احتار جدا

[karikataker]

انا ان شا الله هشترك شرعى :)

[مجدى خضر]

الاستاذ هانى عمر
برجاء توضيح تمن الجهاز و التكلفة الشهرية وهيشتغل ازاى هل مباشر على التلفزيون ام لابد من ريسيفر ؟
وهل يوجد كارت لبن سبورت زى كارت الايه ارتى زمان بحيث يشتغل على كامه ام لا ؟
وهل بيحتاج نت ام لا ؟
تقبل تحياتى

[هاني عامر2]

المشاركة الأصلية كتبت بواسطة مجدى خضر

الاستاذ هانى عمر
برجاء توضيح تمن الجهاز و التكلفة الشهرية وهيشتغل ازاى هل مباشر على التلفزيون ام لابد من ريسيفر ؟
وهل يوجد كارت لبن سبورت زى كارت الايه ارتى زمان بحيث يشتغل على كامه ام لا ؟
وهل بيحتاج نت ام لا ؟
تقبل تحياتى

تمن الجهاز 429 جنية الجهاز + الكارت وهيشتغل مباشر على التلفزيون زي ايى رسيفر عادي وهتجيب القنوات المفتوحة عادي جدا والاشتراك السنوي 1050 ممكن تشترك 3 او 6 او 12 شهر حسب رغبتك
ولو حابب تشترك بكرت فقط ممكن بس في انواع محددة من الاجهزة هي الي هتقبل الكارت عشان معتمدة من الشركة

[الجنيتل]

وانا كمان انشاء الله هشترك شرعى باذن الله

[okshh]

وانا كمان انشاء الله هشترك شرعى باذن الله

[هاني عامر2]

بالمنطق الاسعار مقبولة نوعا ما وللعم الاشتراك بيتحسب بالدولار يعني لو حسبت الاشتراك في السعودية 650 ريال تقريبا يعني 1250 جنية مصري
ولو الحالة الاقتصادية في مصر زي زمان كان الدولار ب5 جنية كنت هتلاقي الشتراك مش هيزيد عن 50 جنية في الشهر
ملاحظة بسيطة اشتراك الشوتايم 500 جنية في الشهر في الباقة الكاملة و300 للباقة الاساسية خلي معاهم البطولات دي كلها تفتكر كان الاشتراك هيكون كام

[السمري 22]

الشيرنج يجري في دمنا مافي متعة من غير شيرنج

[agomaa]

مش هشترك بردة لازم يرخص عن كدة ......

[tokaham]

و الله كلمة حق...الشيرينج سرقة رسمى

[هاني عامر2]

الحمد لله الجهاز وصل ورجعة تاني بين سبورت