[ابوحماده2]

لو سمحتوا اخوانى الكرام تردد قناة ايدمان على القمر الازربيجانى كان شغال معايا كويس باليل وبالنهار اشاره ضعيفه ولعبت فى القطعه قطع اشاره ورجعت ظبط الطبق تانى طبق متر وجبت اشاره ممتازه لبعض الترددات مثل تردد 11014 عامودى 13333 واشارته حوالى 81% لكن اشارة تردد ايدمان لايوجد اشاره اطلاقا علما بان الرسيفر كيوماكس h3 ارجو الافاده من حضراتكم فى هذا الاشكال وان كان هناك تردد اخر لهذه القناه ارجو من حضراتكم تخبرونى به
ولكم جزيل الشكر

[حورس العاطفى]

لايوجد تردد اخر سوى 7شرق وغير مفيد وعليك بظبط الطبق
منقول للمساعده

[حماد]

المشاركة الأصلية كتبت بواسطة حورس العاطفى

لايوجد تردد اخر سوى 7شرق وغير مفيد وعليك بظبط الطبق
منقول للمساعده

اخ حورس.. حضرتك تقصد انه ما فيش تردد للايدمان غيلا فى 7شرق فقط ولا ايه..

على العموم.. الاديمان على الازربيجانى 46شرق..

11170 افقى 20400

ويعمل بنسبة اشارة 95%

اما بخصوص الادمان اللى على 7شرق.. فهذا ترددها..

11492عامودى 30000

وتعمل ايضا بنسبة اشارة 99%

وللاخ السائل حاول تجيب اعلى اشارة للتردد اللى حضرتك ذكرته.. وان شاء الله هاتشغتل ادمان معاك..

[محمد القن]

بص يااخي جرب قطعه اخري من نوعيه جيده بس مهم تكون جديده

ان ظهر نفس الخطأ يبقي القناه غير مستقره في منطقتك لإنها تعمل في مناطق كويس وفي مناطق اخري تحتاج لإمكانيات عاليه من طبق وقطعه
انا في كفر الشيخ والتردد اللي انت ذكرته اشارته اقل عندي وقطر الطبق اقل وقناه ايدمان تعمل طول الليل والنهار بدون مشاكل

[ابوحماده2]

انا من البحيره يعنى مش اخر الدنيا ولا حاجه والقناه كانت شغاله عندى وجايبه اشاره 51% باليل وشغاله كويس وثابته وبالنهار كانت حوالى 45 او 46 % ومش مستقره فى النهار الان بعد ظبط الطبق والحصول على اشاره اقوى واعلى لم تعد تعمل اطلاقا
دا كل مافى الامر وانا هجرب التردد بتاع استاذ حماد واشوف يارب يكون شغال

[ابوحماده2]

على فكره ياجماعه انا غيرت القطعه بس هى مش جديده بصراحه والتردد بتاع ايدمان وAZ TV ال هو 11169عامودى 20400 جايب برضه اشاره 52 % الله اعلم فى النهار هيعمل ايه لسه اما اشوف بقى يارب تستقر عشان الدورى الانجليزى

[bello32]

الطبق مقاسه كام يا غالي ؟

[ابوحماده2]

المشاركة الأصلية كتبت بواسطة bello32

الطبق مقاسه كام يا غالي ؟

متر ياغالى

[22aaaaa]

انا كمان نفس المشكلة فجأة الاشارة ضعفت بعدلما كانت كويسة ولم تعد تعمل

[NOOR SAT]

الاشارة بقالها يومين فيها مشاكل كتير ..

كلامى عن منطقة شرق القاهرة وشمالها..

كانت اقوى من كدة بكتييير من كام يوم

الان لو جابت 52% فى المساء على طبق متر يبقى انجاز

والنهار تقطيع ومشاكل ..

اظن اصبح يلزمها الاريون فقط لاغير .. وطبعا الطبق لو زاد عن متر بسيط

يبقى 120 يبقى افضل بكتيير

مش عارف ليه حاسس ان بى ان سبورت وراها يد فى مايحدث

مثل موضوع تضعيف اموس قبل بداية المباريات ايام كأس العالم

عموما هنشوف اليومين دول الدنيا فيها ايه ..

[ابوحماده2]

ربنا يخليك يا استاذ نور طمنتنى انا كمان اول ماركبته كان اشارته كويسه وبعدها بيومين ضعفت الاشاره ومن بعدها مش مظبوط وكنت هغيره واجيب قمر تانى خلينا بقى نصبر لما ربنا يحلها من عنده

[NOOR SAT]

طيب جرب تركب lnb اريون

لانى احتمال اعمل كدة النهاردة

اللى يعمل كدة الاول يرد بحالة الاشارة هنا ..

وياريت تعرفنى الاشارة الان عندك .. لانى للاسف ليس امام السيستم..

واكون شاكر لك..

[خالدقدافى2]

المشاركة الأصلية كتبت بواسطة NOOR SAT

الاشارة بقالها يومين فيها مشاكل كتير ..

كلامى عن منطقة شرق القاهرة وشمالها..

كانت اقوى من كدة بكتييير من كام يوم

الان لو جابت 52% فى المساء على طبق متر يبقى انجاز

والنهار تقطيع ومشاكل ..

اظن اصبح يلزمها الاريون فقط لاغير .. وطبعا الطبق لو زاد عن متر بسيط

يبقى 120 يبقى افضل بكتيير

مش عارف ليه حاسس ان بى ان سبورت وراها يد فى مايحدث

مثل موضوع تضعيف اموس قبل بداية المباريات ايام كأس العالم

عموما هنشوف اليومين دول الدنيا فيها ايه ..

فعلا البى ان اشتغلت شغل عالى امبارح السبت انا اتحدى ان كان فيه حد شاهد ماتش تشلسى امبارح كل القنوات الناقله حصل لها تشويش فكرتنى بايام الشوتايم الحلوه

[محمد القن]

المشاركة الأصلية كتبت بواسطة خالدقدافى2

فعلا البى ان اشتغلت شغل عالى امبارح السبت انا اتحدى ان كان فيه حد شاهد ماتش تشلسى امبارح كل القنوات الناقله حصل لها تشويش فكرتنى بايام الشوتايم الحلوه

علي فكره البين سبورت مش ليها دخل
وانا سمعت ماتش تشيلسي امبارح علي قناه ايدمان ازربيجان بدون اي تقطيع

[NOOR SAT]

المشاركة الأصلية كتبت بواسطة محمد القن

علي فكره البين سبورت مش ليها دخل

المشاركة الأصلية كتبت بواسطة محمد القن

وانا سمعت ماتش تشيلسي امبارح علي قناه ايدمان ازربيجان بدون اي تقطيع

اخى الكريم

ممكن حجم الطبق؟؟

لان لو هناك تشويش وحجم الطبق كبير لايؤثر كما لو كان على طبق متر..

او يمكن التأثير الاكبر كان فى اماكن معينة فى حال طبقك كان متر .. كلها احتمالات..