[memo_4500]

السلام عليكم ورحمه الله
اخوكم جديد في مجال الدش بس بفضل المنتدي الغالي بدات اكتسب خبرات
وده اول موضوع استفسار ليا
وده للتاكد حتي لا اعرض اي عميل للضرر لقدر الله نتيجه جهلي
لذلك لا اتقدم اي خطوه الا اذا كانت موثوقه او اكد عليها اكثر من عضو ( خبير )
ربنا رزقني ب 3 اجهزه فاطعين بور ( نهائي )
كيوماكس 777I
استرا جولد 700 +
ترومان 111

نزلت علي اساس اني هلاقي دوئر بور اصليه
فلاقيت كلو بيديني دوئر صيني فولتات مشابهه
عملت سيرش علي طرق التعديل ما لاقيتش
فهل يتم التعديل علي اساس لحام الاسلاك بتوزيع الفولتات
مثل الصوره المرفقه



وهل في مشكله اني اجمع الارضي علي نقطه

[ابوعلى للدش]

ايون بالظبط كلام سليم
فية دواير جاهز تخلع السوكت وتركب على الجديد على طول مع مراجعة الاطراف

[memo_4500]

يعني انا هقطع سلوك البور القديم ووصل علي الفولتات الجديد بنفس القيم والحم فيها ولا في طرق غير اللحام
ولو وصلت كل ال GND علي طرف واحد عادي

[ayman_irb]

بص يا اخي الكريم
اولا نصيحه لك طالما الرسيفر كوري متحاولش تستخدم له دائرة باور صيني وحاول تصلح القديمه افضل

ثانيا يمكن استبدال دائرة الباور باخري بانك تفك لحام الاطراف واستبدال الدائره القديمه بالجديده ولاكن احذر من اللحام الغير جيد او ان يكون في تلامس بين طرف والاخر

ثالثا الاجهزه القديمه وقطع الغيار الاصليه هتسهل عليك حجات كتير فحاول يكون عندك كمية اجهزة تالفه لانك هتحتاج منها بعض القطع

كمان لو وصلت الارضي علي طرف واحد مش مشكله ولو كان في فولتيات متشابهه مثلا خطين 5 فولت ووصلتهم من طرف واحد مش مشكله

وراجع كويس وفيس دائرة الباور قبل تركيبها في الرسيفر

كمان حاول تجرب الاجهزه علي سريا اختبار افضل لك

[memo_4500]

انا اسف يعني ايه سريا اختبار

[ابوosama]

سريه يعنى دايره اختبار ياغالى

[memo_4500]

هو رغم اني مش عارف بردو يعني ايه سريه
بس الحمد لله غييرت بور الكامكس وشغال كويس
وغيرت بور الاستر بس وجهتني مشكله
كان طالب فولت 23 فكان معايا بور صيني 21 فمشتغلش
فجربت ببور تاني 24 فاشتغل
وكان في رجل 33 فكنت عاوز اعرف هو في الفولتات ممكن ياخد اعلي ولا بحدود
وللعلم انا مسلمتش الزبون الرسيفر ومشغلو في بيتي تجربه عشان اتاكد انو مفيش مشاكل

ممكن تكون الفولتات الي كاتبها مش صح بس عمليه تقديريه عشان مش فاكر

امتا في الترومان رغم ان الفولتات مظبوطه الا انو بيفتح علي رقم 8 ومفيش اي رياكشن للجهاز
ثابت علي 8 ومبيغيرش اي حاجه وعلي التلفزيون مش جايب اي حاجه
فهل في حد يعرف ايه السببب ولا اطرح موضوع في ترومان
وايه تقيم الخبراء للشغل

[حمادة الطيار]

مرر سوفت للجهاز اولا ياغالى

اللى هو الترومان ده

وقيس مخارج الباور ولو فيع مكثفات منتفخه غيرها بنفس القيمة