[AMR RMA]

كنت عايز اعرف ازاي افرق بين الطبق الصاج و الالمونيوم .. ولا بيبقى مكتوب على الطبق مثلا ؟

وهل الالمونيوم بيتفوق على الصاج حتى لو نوع الطبق اقل

يعني مثلا طبق متر المونيوم ecc افضل من طبق متر صاج بريفكس ؟؟

[mido20533]

الألمونيوم مش بيصدي على حد علمي أما الصاج مع الزمن والشمس والمطر بيصدي

[Ahmed.Elnady78]

ازاى تفرق طبعا لو جبت مغنطيس على الصاج هيشبك فية اما الالومنيوم المغنطيس هيفك منة دا اختبار بلدى وطبعا ECC الالومنيوم افضل من البريفكس الصاج

[عداس1]

كما اشار الاستاذ احمد ءانفا. تاتى بمغناطيس وتضعه على الطبق ..لو المغناطيس التصق بالطبق يكون الطبق فى الحالة جى صاج.. والعكس يكون الومنيوم..

وبالطبع الطبق الالومنيوم افضل من الصاج لكن ليس متوفر فى الاطباق الثابتة بشكل يغطى السوق.. وهناك نوع يسمى باسم اطباق عالية الجودة.. وهى افضل من الصاج المجلفن الف مرة.وللاسف الطبق البرفيكس او الـecc سيئين جدا .. خليك فى الطبق سمارت .فيمتاز ببؤرة مضبوطة عن النوعين الاخرين. وايضا لحاماته قوية ..

[AMR RMA]

شكرا ليكم يا شباب

انا نزلت سألت في المنطقة عندنا للاسف ملقيتش اطباق المنيوم خالص و مفيش غير الطبق التقليدي بريفيكس الصاج وفيه نوع تاني اسمه كامكس

اختار مين فيهم ؟؟

[بوره]

لو الاثنين صاج اختار بريفكس

[AMR RMA]

شكرا يا بوره هجيب البريفيكس ان شاء الله

[احمد انور خضر]

المشاركة الأصلية كتبت بواسطة AMR RMA

شكرا ليكم يا شباب

انا نزلت سألت في المنطقة عندنا للاسف ملقيتش اطباق المنيوم خالص و مفيش غير الطبق التقليدي بريفيكس الصاج وفيه نوع تاني اسمه كامكس

اختار مين فيهم ؟؟

اعتقد المتر كامكس اتوقف تصنيعه
لاكن لو موجود عند التاجر هاته افضل من بريفكس في احكام التقريط واشارته تمام اوي

[عادل عامر]

خد معاك مغناطيس وانت بتشترى

[satytree]

استعمل مغناطيس يلقط فى الصاج والسلستين ولايلقط فى الالمونيوم