[gerrard888]

للاسف الجهاز كان شغال كويس
غيرت القمر ملقتش فيه اشارة
رجعت للنايل سات ملقتش اشارة
طلعت السطوح لقيت الطبق واقف على سيفة وجاى على ورا كده
للاسف انا مش فنى ومش عارف ايه اللى حصل ده
وعلى فكرة وحدة التحكم شغالة عادى يعنى بيتنقل بين الارقام عادى بس المشكلة فى الطبق
طيب هو انا ينفع كده اعمله لو الموضوع بسيط ياريت تقولولى ازاى ولو جيبت فنى كده المدار كله ضاع ولا ايه

[gerrard888]

حد يرد عليا بالله عليكم يا جماعه

[المهندس رجب غريب]

عمل بعض الخطوات لمعرفه الاسباب
الطبق قد تجاوز الحد الشرقى له ولا يستطيع الرجوع
مره اخرى الى الغرب وذلك يتطلب الصعود الى السطح و مساعده الطبق
او
الطبق قد تجاوز الحد
الغرب ولا يستطيع الرجوع الحد الشرقى
فى الرجوع بلطف الى القمر انايل سات

وفى نفس الوقت يقوم احد بمساعدتك بتحريك الطبق بريموت وحده التحريك
من اسفل فى نفس الوقت الذى تقوم فيه بمساعده الطبق فى الرجوع
قم بالتأكد من ان جميع الكابلات الواصله بوحده التحريك من الخلف سليمه


ملاحظة هامة:
من الضروري معرفة عدد الأقمار التي تتسع لها ذاكرة البوزيشنر
في تخزين الأقمار, ففي حال كانت سعة الذاكرة 25 قمر فبمقدورك تخزين 25 قمر ليس أكثر من ذلك.
أتمنى من الله أن يكون وفقت فى الشرح المتواضع

[الحاج شريف]

المشاركة الأصلية كتبت بواسطة gerrard888

للاسف الجهاز كان شغال كويس
غيرت القمر ملقتش فيه اشارة
رجعت للنايل سات ملقتش اشارة
طلعت السطوح لقيت الطبق واقف على سيفة وجاى على ورا كده
للاسف انا مش فنى ومش عارف ايه اللى حصل ده
وعلى فكرة وحدة التحكم شغالة عادى يعنى بيتنقل بين الارقام عادى بس المشكلة فى الطبق
طيب هو انا ينفع كده اعمله لو الموضوع بسيط ياريت تقولولى ازاى ولو جيبت فنى كده المدار كله ضاع ولا ايه

ربنا يسهل وإن شاء الله تكون بسيطه
مطلوب من سعادتك تصوير نهايه الموتور "العروه اللى بيركب فيها مسمار ربط الطبق بالموتور " وتصوير مكان تثبيت الموتور بالطبق ورفعهم هنا
حسب وصفك وحده التحريك عاديه بتنقل وبتحس بحركه الموتور يبقى المشكله فى دراع الموتور نفسه وهى إنه مفصول عن الطبق
إما من النهايه المسمار مفكوك مثلا
أو العروه اللى بيركب فيها المسمار اتخلعت من مطرحها
أو العروه نفسها مكسوره
أو قلاووظ دراع الموتور فك من الداخل
يعنى فيه إحتمالات كتيره مايقدرش حد يفتيك بدون ماترفع الصور اللى قلت لك عليها والله المستعان

[gerrard888]

متشكر لمساعدتك لى يابشمهندس
هو بالفعل الطبق تجاوز الحد الشرقى له بس الطبق تحس انه واقف كده على سيفة ملامس للارض تقريبا وجاى على ورا
طيب ما معنى اساعد الطبق هل ارفعه على فوق بايدى كده وحد من تحت يحرك من وحدة التحريك ولا اييه
هل الموضوع حيحتاج افك اى مسامير ولا لا
معلش بالله عليك استحملنى شوية يا بشمهندس لانى اتصلت بفنيين كتير ومحدش عايز يجيي وفيه تليفوناتهم مقفولة

[elfox]

ان لم تسطيع ان تعمل بكلام الباشمهندس كريم عليك بالاتى ان تفك المسمار الذى يربط الموتور بالطبق ثم تلف الذراع اللى بيطلع وينزل الى الاسفل بما مقدار من ثلاث الى اربعة سم ثم اربط المسمار مكانة وحرك الموتور الى اسفل فى حالة اذا ما كان الطبق قد تجاوز حدة الاعلى اى بعد التركسات والهولندى اما اذا كان من اسفل فيرجى ان اى حد يدوس على زر الطالع من ريموت البوزيشن وانت فى نفس الوقت تطلع الطبق بايدك مع رفعة الطبق بالبوزيشن الى ان ياخذ مدارة العادى ثم اعد تخزين الاقمار على البوزيشن وشكرا لك

[gerrard888]

الحمد لله يا جماعه مطلعتش مشكلة كبيرة
المسمار اللى بيربط بين الطبق والموتور كان محلول
وركبته والاشارة جت وكله تمام
بس المشكلة انى حاولت اربطه بايدى بس للاسف كل ما احرك الماتور لغاية بعد الاسترا كده تقريبا فالمسمار بيطلع تانى من مكانه
المشكلة بقى معنديش عده
ياريت تقولولى محتاج مفتاح كام علشان اجيبة من اى حد واربطه
وهل بيتربط جامد اوى ولا مش اوى
وانا على فكرة لسه شارى الطبق ده ومركبة من ٣ شهور وبعد ما ركبته بشهر تقريبا شحمته وشحمت المسمار ده هو كده سبقى غلط المفروض المسمار ده ميتشحمش ولا ملوش دعوى
وانا كده حتفرج على النايل سات والقمر الاسرائيلى للاسف الشديد علشان بس الدوريات الاجنبية لغاية لما اريطة كويس علشان مش عايز المسمار يتفك تانى بس قولولى بالله عليكم محتاح مفتاح ايه وكام وبيتربط جامد اوى ولا اهويه كده شوية
وجزاكم الله كل الخير ومتاسف جدا لازعاجكم

[الحاج شريف]

المشاركة الأصلية كتبت بواسطة asharif

ربنا يسهل وإن شاء الله تكون بسيطه
مطلوب من سعادتك تصوير نهايه الموتور "العروه اللى بيركب فيها مسمار ربط الطبق بالموتور " وتصوير مكان تثبيت الموتور بالطبق ورفعهم هنا
حسب وصفك وحده التحريك عاديه بتنقل وبتحس بحركه الموتور يبقى المشكله فى دراع الموتور نفسه وهى إنه مفصول عن الطبق
إما من النهايه المسمار مفكوك مثلا
أو العروه اللى بيركب فيها المسمار اتخلعت من مطرحها
أو العروه نفسها مكسوره
أو قلاووظ دراع الموتور فك من الداخل
يعنى فيه إحتمالات كتيره مايقدرش حد يفتيك بدون ماترفع الصور اللى قلت لك عليها والله المستعان

مشكلتك إنك بتقرا علي سطر وتسيب سطر
ماعلينا المسمار لازم مسمار 19 "19مم " زى اللى فى الصوره وتربط عليه بورده زنق زى اللى فى الصوره وكمان صاموله بلوك بلاستيك أو صامولتين ورا بعض كل ده بإحكام شديد علشان مايفكش تانى

[خالد الغمراوى]

متابعة متازة من الاخ اشرف

[gerrard888]

والله يا استاذ اشرف انا قرات كويس
بس المشكلة ان الطبق محطوط على شخشيخة ولازم علشان تشوف القصة دى كلها لازم سلم وللاسف السلم اللى موجود على اده وفيه خشبة مقصورة وانا جسمى تخين وكمان النقرص شادد عليا انهارده يعنى من كله هههههه
فعلشان كده مكنتش عارف المشكلة فاية بالضبط ولما لقيت ان ممكن انا احلها جيبت ٢ يمسكولى السلم وقلت ما بيدهاش بقى ه‍هههه
والحمد لله ربنا ستر ولقيت اللى قلتلك عليه ده
طيب هو كده كده المسمار ده موجود وانا يادوبك ربطته كده بايدى مؤقتا وقلت اشغل النايل سات ويادوبك القمر اللى جنبه ومبعدش عن كده لغايه لما اربطة كويس
على العموم انا متشكر لحضرتك جدا جدا جدا ولكل من ساعدنى ورد عليا فى الموضوع جزاكم الله كل الخير