امتي هنشوف قناة مصرية HD وكيف تخدعنا قناة صدي البلد ؟ تقرير

hany yasser · #1 2014/09/05, 07:20 PM

امتي هنشوف قناة مصرية HD ؟
كل القنوات ال HD علي القمر ( المصري ) نايل سات
خاصة بـ ( قطر - الإمارات - البحرين - عمان - الكويت وغيرها من الدول العربية أو القنوات الأجنبية )
والدوري الإماراتي والقطري وغيره والأفلام والمسلسلات بتتعرض HD علي قنواتهم
لكن مصر مالهاش أي قناة HD علي قمرها والدوري المصري والأفلام المصرية بتتذاع بجودة SD وأقل منها

ومحدش يفتكر ان قناة صدي البلد فعلا HD , دي بتستغل جهل الشعب المصري بالموضوع ده وبتضحك عليه و كاتبة انها HD وهيا جودة ترددها SD

جودة تردد قناة HD علي النايل سات هي 1080i وأقل حاجة تكون 720 لكن صدي البلد زيها زي كل القنوات الأخري جودة بثها 576i ودي جودة كل القنوات العادية علي النايل سات
عشان كده النايل سات رفض يكتب علي اسم القناة في التردد انها HD لكن القناه كاتبينها في اللوجو بتاعهم بيضحكوا علي الناس

ممكن تكون كاميرات التصوير عند صدي البلد HD وممكن يعرضوا عليها محتوي يدعم الشاشة العريضة بنسبة أبعاد Aspect Ratio 9:16 زي قنوات CBC و قنوات MBC المفتوحة وليس 3:4 كأغلب القنوات
لكن جودة البث اللي بتوصلنا هيا SD العادي

معلومة بالنسبة للقنوات الـ HD هيا زي Sky News Arabia HD
و Aljazeera HD و Jeem Tv HD و Dubai Tv HD
وهي قنوات لا تستقبل إلا علي ريسيفر بيستقبل قنوات HD وعشان تشوفها بجودتها الأصلية لازم مع الريسيفر تلفزيون بيدعم HD ووصلة HD لكن غير ذلك هتشوفها بصورتها العادية SD
لكن قناة صدي البلد بتستقبل علي أي ريسيفر عادي

الموضوع قد لا يهم البعض لكن مفيد ان نعرف مين بيضحك علينا
ونعرف قد ايه احنا متأخرين عن دول عربية حتي في القمر الخاص بمصر
ونتمني نشوف قناة مصرية HD بجد قريب ان شاء الله

حمدى العسالى · #2 2014/09/05, 07:27 PM

والله عنك حق دا حتى قنوات دريم كانت عامل قناة HDوقفلت لية متعرفشي

محمد فتحى الطباخ · #3 2014/09/05, 08:51 PM

موضوع رائع===== وقول ياباسط تلقاه هاصت

medo361974 · #4 2014/09/05, 09:00 PM

والله عندك حق

monyfox · #5 2014/09/06, 03:04 AM

يا مــــســــــهــــــــــــــــــل

حودة الاهلاوى · #6 2014/09/06, 03:38 AM

البركة فى المسئولين دى حاجة تغم لابد ان نكون اخر الدول فى كل شىء حتى الانترنيت بقى محدود من الشهر دة يعنى لو عندك خط 2 ميجا لك 125 ميجا داونلود وبعد كدة ينزل 256 دى بلد بقت متاخرة فى كل شىء دا احنا ترتيبنا الاخير فى الانترنيت بعد كل الدول الافريقية ربنا يولع فى المسئولين عن البلد دىعايزين ياخدوا فلوس من الغلابة باى طريقة

محمد_saper · #7 2014/09/06, 04:55 AM

لذلك انا بحب البين سبورت عارف لو فكرنا نعمل باقه زيها كده هنحتاج سنين ويقولك افرح مصر عملت قناة HD ورياضيه كمان ويوقلك الدورى المصرى HD لاول مره فى الكون وفى العالم وكلام مساطب يا غالى احنا ولا عندنا اعلام ولا كوره ولا اى شئ احنا مش فالحين غير فى الكلام اتفرج على القنوات المميزه سواء عل النيل سات او الهوتبيرد واستمتع وسيبك من اعلامنا الى جايبنا ورا ده احنا لو عملنا باقه HD
البين سبورت وغيرها من القنوات هتكون بتبث بتقنية ال 3D و 4K

يا عم دى منظومة وخطط متستقبلية وقطاعات شغاله وعندها احترافيه وفكر

مش قنوات مساطب وناس مغيبه بتدافع عنها وخلاص

الحمد لله على نعمة البين سبورت والهوتبيرد وغيرها من القنوات الممتعه

algohre · #8 2014/09/06, 05:55 AM

اقتباس:

المشاركة الأصلية كتبت بواسطة tbaah

موضوع رائع===== وقول ياباسط تلقاه هاصت

ههههه ده مثل شعبي ولا ايه .... وانت الفائز بالمسابفة الاسلامية وتقول تلك الامثال الشعبية التي تهين الاسلام وتقلل من قيمة العمل .....

mohandes341 · #9 2014/09/06, 06:06 AM

خلاص زعلان اوى انهم خدعوك بكلمة HD ربنا يولعهم كلهم
هما سبب الفساد و المشال المنتشرة فى العالم

mohd_atef86 · #10 2014/09/06, 09:39 AM

انت بتقارن بين دول الخليج الfree spending وبين مصر حرام عليك
ياعم دول شاريين مان سيتي وباؤيس جيرمان وكتير غيرهم غير رعاية ميلان ةارسنال ومدريد وبرشلونة

عشان المقارنة متكونش ظالمة شوف لبنان أو الاردن أو المغرب وتونس والجزاير
وأصلا تجربة دريم كانت فاشلة فطبيعي انها تتأجل لحد ما الناس أغلبها يبقى عنده رسيفرات Hd أنه مش منطقي قنوات زي بتاعتنا تفتح أكتر من قناة لنفس القناة

اشرف السيد عبد العزيز · #11 2014/09/06, 02:51 PM

اقتباس:

المشاركة الأصلية كتبت بواسطة حمدى العسالى

والله عنك حق دا حتى قنوات دريم كانت عامل قناة HDوقفلت لية متعرفشي

تمام

hany yasser · #12 2014/09/06, 07:52 PM

اقتباس:

المشاركة الأصلية كتبت بواسطة mohandes341

خلاص زعلان اوى انهم خدعوك بكلمة HD ربنا يولعهم كلهم
هما سبب الفساد و المشال المنتشرة فى العالم

مش زعلان أوي ولا حاجة بس بنكشف حقيقة كذبهم

اقتباس:

المشاركة الأصلية كتبت بواسطة mohd_atef86

انت بتقارن بين دول الخليج الfree spending وبين مصر حرام عليك
ياعم دول شاريين مان سيتي وباؤيس جيرمان وكتير غيرهم غير رعاية ميلان ةارسنال ومدريد وبرشلونة

عشان المقارنة متكونش ظالمة شوف لبنان أو الاردن أو المغرب وتونس والجزاير
وأصلا تجربة دريم كانت فاشلة فطبيعي انها تتأجل لحد ما الناس أغلبها يبقى عنده رسيفرات Hd أنه مش منطقي قنوات زي بتاعتنا تفتح أكتر من قناة لنفس القناة

وفيها ايه لما القنوات بتاعتنا يحجزوا تردد HD ويعرضوا عليه القناة بصورة أوضح للناس اللي عندها HD ؟
مفتكرش ان مجرد تأجير تردد اضافي هيكلفهم أكتر من تكاليف القناة والدليل ان شبكات CBC و النهار والحياة شوف لكل شبكة كام قناة علي النايل سات و+2 لكذا قناة يعني قناة اضافية مش هتفرق كده ومتنساش ان القمر اللي عليه كل القنوات دي هوا مصري أولا وأخيرا

bebo606 · #13 2014/09/07, 02:35 AM

اشتريت شاشة سامسونج ( فول اتش دي ) لمدارس العربي ( full hd ) لمدارس اللغات

المهم اكتشفت اني اشتريت التروماي والعتبة الخضرا

والسبب ايه ان 99% من القنوات على النايل سات عاديه sd وليست hd

وان قنوات النايل سات ممكن تكون hd بعد نصف قرن وان قنوات الـ full hd سوف تكون متوفرة بعد قرن زي خاصية 3d الفاشلة فشلا ذريعا لأن العالم كله فيه تقريبا 4 قنوات 3d وغير كدا تدور على افلام 3d وتلبس النظارات وتقعد انت واولادك تلطشوا في بعض حتى نهاية الفيلم

شوفتوا المقلب اللى بيقع فيه معظم المصريين

نصيحة للى ناوي يشتري شاشة يكتفي بشاشة HD Ready سعرها رخيص وحنين وزي الفل
ولما تقلب القنوات إلى : full hd --- , 3d بعد 20 سنة نغير ونجيب الحديث أن شاء الله أن كان في العمر بقية

تحياتي لحضراتكم

mahmoud5005 · #14 2014/09/07, 03:10 AM

يا عم إحنا طايقين القنوات المصريه العاديه أصلا عشان عايزهم يخلوها إتش دي

hany yasser · #15 2014/09/08, 06:18 AM

اقتباس:

المشاركة الأصلية كتبت بواسطة bebo606

اشتريت شاشة سامسونج ( فول اتش دي ) لمدارس العربي ( full hd ) لمدارس اللغات

المهم اكتشفت اني اشتريت التروماي والعتبة الخضرا

والسبب ايه ان 99% من القنوات على النايل سات عاديه sd وليست hd

وان قنوات النايل سات ممكن تكون hd بعد نصف قرن وان قنوات الـ full hd سوف تكون متوفرة بعد قرن زي خاصية 3d الفاشلة فشلا ذريعا لأن العالم كله فيه تقريبا 4 قنوات 3d وغير كدا تدور على افلام 3d وتلبس النظارات وتقعد انت واولادك تلطشوا في بعض حتى نهاية الفيلم

شوفتوا المقلب اللى بيقع فيه معظم المصريين

نصيحة للى ناوي يشتري شاشة يكتفي بشاشة HD Ready سعرها رخيص وحنين وزي الفل
ولما تقلب القنوات إلى : full hd --- , 3d بعد 20 سنة نغير ونجيب الحديث أن شاء الله أن كان في العمر بقية

تحياتي لحضراتكم

هناك عدد قنوات ليس بالقليل Full HD علي النايل سات وتستحق نجيب شاشة Full HD ومنها
sky news
jeem tv
AD Sport 1 +2 + extra
Bein S News + Bein HD
Ad aloula + aloula +1
Dubai HD + sama dubai
aljazeera
alsharqiya HD
Qatar HD
oman tv HD + oman tv live
Al rayyan Hd
baynounah
al Ghad ak arabi
ad al emarat
mbc sports 1 +2 +3
oman tv sport
Waar
ومما يعمل علي الشيرنج كل باقة MBC HD
ده علي النايل سات حتي الاّن لكن
علي الأقمار الأخري هتلاقي قنوات HD كثيرة جدا

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
احمد شوبير يقترب من قناة صدى البلد وشلبي من قناة cbc	حسام مشعل	المنتدى الفضائى العام	10	2013/07/23 11:31 PM
قناة صدى البلد المصريه تعمل من شهر واهم برامجها استوديو البلد للاعلاميه رولا خرسا . التردد10719راسى	م. ايمن شلبى	ترددات الأقمار الصناعية و القنوات الفضائية	6	2012/02/17 11:16 PM
قناة صوت البلد و كلمة النائب أكرم الشاعر التى أبكت أعضاء البرلمان	ialwaysdid	المنتدى الفضائى العام	9	2012/01/28 04:41 PM
قناة النيل الدولية تستعد لأطلاق اول قناة مصرية hd	موسى محمد	ترددات الأقمار الصناعية و القنوات الفضائية	3	2011/12/01 10:18 PM
(قوات الافاعى السوداء) قوات مصرية تم انشائها فى مصر وبتدريبات مصرية بنسبة 100% دون اللجوء الى اى دو	تامربك	مصراوى سات كافيه	2	2011/08/31 02:15 PM