كيفيه تجميع اسلاك الدش الموجوده فى البواط مع السلك النازل من الطبق بشكل سليم

abdo_750 · #1 2014/07/05, 01:07 AM

انا كنت عملت موضوع انى هركب طبق متر علية اوربى ونايل سات

الفنى ركبلى وكلة تمام .. المشكلة بقا

السلك نازل من الطبق على بواط فى الطرقة الى الكهربائى مجمع فية كبلات فيش الدش والبواط واخد منة كبل ماشى فى الحيطة لحد مكان فيشة التلفزيون .. القنوات فيها تكسير رهيب
قام الفنى وصل الرسيفر ديركت على الكبل الى نازل من الطبق بعد مخلعو من كبل البواط اشتغل عشرة على عشرة
يوصلو بالسلك الى فى البواط الى فى الحيطة القنوات تتكسر تانى
الفنى قلى فى حاجة بتظبط الموضوع دا بس مش معاى دلوقتى بعدين اعملهالك وطبعا انا مش هشوف وشة تانى

دلوقتى انا مقدرش امشى السلك ع الارض وانا عامل بواط ومجهز فيش فى الحيطة

اية الحل دلوقتى اللحم سلك الطبق بسلك البواط بمكوة لحام ولا اعمل اية
الراجل لحمة مرة بشريط لحام
ومرة بحاجة كدا عاملة زى البلبلة بس عاشق ومعشوق ونفس المشكلة

حبيبة سات · #2 2014/07/05, 01:14 AM

الحل انك تجيب فنى كهربائى سلسيون يقوم بسحب السلك من داخل الحائط ثم يقوم بتغييرة بواسطت سوستة وبعد ذلك تقوم بتركيب سلك من نوع الاسبانى من الداخل وانسى بعد كدة اى تقطيع او اشارة سيئة بالتوفيق

abdo_750 · #3 2014/07/05, 01:35 AM

اقتباس:

المشاركة الأصلية كتبت بواسطة حبيبة سات

الحل انك تجيب فنى كهربائى سلسيون يقوم بسحب السلك من داخل الحائط ثم يقوم بتغييرة بواسطت سوستة وبعد ذلك تقوم بتركيب سلك من نوع الاسبانى من الداخل وانسى بعد كدة اى تقطيع او اشارة سيئة بالتوفيق

الى متركب فى الحيطة سلك ايطالى كنت جايب اللفة من السويدى ب 280 جنية 50 متر يعنى سلك نضيف اوى

انا عايز طريقة للحام كويسة

الجندول2 · #4 2014/07/05, 02:16 AM

انتا تعمل زي الصور دي بالظبط الصور مش مختاجه شرح

الجندول2 · #5 2014/07/05, 02:21 AM

اسف علي حجم الصور كبير جدا حصل خطأ غير مقصود

صلاح الزهار · #6 2014/07/05, 02:29 AM

اخى الغالى افصل شئ السلك من الطبق الى الرسيفر من البواط مباشر الى الرسيفر

بس الصح من الاول
علبة ماجك ويوجد 3 امكن على التوصيل 1 من الطبق 2 من الطبق الى الرسيفر
3 الى غرفة تانية

اشرف فهمى · #7 2014/07/05, 02:55 AM

ياغالى اعوجاج وثنى وتكسير السلك داخل الحائط بيفقد فى الاشاره ودى بيعرفها اى فنى فرق كبير بينها وبين انك تمشى السلك براحته خالص نصيحه مشى السلك على الارض على فكره انا زيك تماما ومدكك السلك فى الحائط ولكن مشيت السلك على الارض منعا لهذه المشكله

abdo_750 · #8 2014/07/05, 08:50 AM

الف الف شكر يا رجالة انا هشوف الاسبلتر دا لو منفعش امشية ع الارض بقا وخلاص

abdo_750 · #9 2014/07/05, 01:59 PM

نزلت جبت الاسبلتر يا ريس بس ملقتش النوع الى فى الصورة

لقيت نوع لونة احمروالراجل قلى دا اسبانى

الجندول2 · #10 2014/07/05, 02:04 PM

اقتباس:

المشاركة الأصلية كتبت بواسطة abdo_750

نزلت جبت الاسبلتر يا ريس بس ملقتش النوع الى فى الصورة

لقيت نوع لونة احمروالراجل قلى دا اسبانى

تمام ياغالي اي اسبليتر يفي بالغرض المهم الشغل يكون صح الصح

abdo_750 · #11 2014/07/05, 02:05 PM

تسلم يا معلم خدمتنى كتير والله

richard2006 · #12 2014/07/05, 03:50 PM

جرب وابقى وافينا بالنتيجه يا غالي وبالتوفيق في حل المشكله

abdo_750 · #13 2014/07/05, 04:47 PM

هبلغكم النهردة بعد الفطار

غبور 7 · #14 2014/07/05, 04:56 PM

ربنا يوفقق الى الصواب

abdo_750 · #15 2014/07/05, 11:06 PM

للاسف حصل مشكله تانيه

القنوات الى كان فيها مشكلة وبتكسر اشارة اتظبتت
لكن فصل اشارة قنوات تانية خالص يعنى حتى مبتتكسرش لادى طعت خالص بيجيب نو سجنل معرفش لييه

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تجميع السلك داخل البواط	Mohamedessam	تركيبات الدش و الدش المركزي	2	2020/03/07 03:16 AM
استفسار من عمالقة التركيبات بخصوص توصيل وتجميع أسلاك الدش وتوصيلها مع السلك النازل من الطبق على عدسة 2 مخرج	محمد سيد محمود	تركيبات الدش و الدش المركزي	2	2018/02/04 02:12 AM
كيفيه ضبط المدار بشكل سليم على طبق 180 سم	الطرف التالت	تركيبات الدش و الدش المركزي	8	2014/10/12 09:47 AM
كيفيه ضبط المدار بشكل سليم	mohamedlove	تركيبات الدش و الدش المركزي	6	2014/10/01 12:57 AM
كيفيه توزيع اسلاك الدش داخل الغرف	compuscience	تركيبات الدش و الدش المركزي	4	2014/08/09 03:51 PM