[mohamed 1010]

السلام عليكم ورحمه الله وبركاته
اخواني الكرام انا لدي بعض الاستفسارات وارجو ان حد يفيدني

انا لدي طبق 120 مستقبل عليه الهولندي في السنتر بس التردد الوحيد اللي شغال عليه هو قناه دهوك غير كده مفيش (بس مش مهم :) )
دوران الطبق الي حد ما كويس لاني بلقط النايل سات عادي والهوتبرد ومن ثم العرب سات ثم والهيلاسات والازري بس مش كامل طبعا ثم التركي

بس عندي مشكله في الاكسبريس مش بييجي معايا خالص جربت اكتر من مره ونفس المشكله لا قدرت سنتر ولا قدرت علي مسطره مع ان الهولندي قدرت القط منه دهوك ...

بس قدرت القط تردد 12168 وبينزل قنوات FOX علي قمر تقريبا ياه سات مش عارف هو ولا لا ....وكذلك انتل سات 62 برضه مش بييجي معايا مش عارف ليه ...

هل ممكن يكون مكان الطبق مشكله فغيره لمكان تاني خصوصا ان الطبق امامه حاجز في حدود 3 متر بس لو عامل مشكله طيب ما الهولندي شغال
ياريت اللي عنده حل يساعدني خاصه في الاكسبريس والانتل سات

شكرا لكل المشرفين والمراقبين والقائمين علي هذا الصرح الكبير
شكرا لكم مقدما وجزاكم الله خيرااااا .......

للعلم انا من محافظه بني سويف اخر مركز فيها يعني اول حدود المنيا كده :) ....... شكرا لكم

[mohamed 1010]

ايه يا جماعه مفيش حد عايز يساعدني

[ابومختار]

اتفضل صورة للقمرين مع بعض
قمر النيس 57 شرقا سنتر وبجواره قمر انتل سات 62 شرقا

[mohamed 1010]

ربنا يبارك فيك يا باشا .... انا فعلا جربت زي ما انت عامل كده بس للاسف مش عارف القطه الانتل سات خالص ...ولا حتي سنتر لوحده ... مش راضي ييجي معايا مش عارف ليه ...هو هل ممكن يكون الحاجز اللي قدامه ده مأثر عليه ..

[ابومختار]

طيب مفيش صورة للطبق بتاعك

[mohamed 1010]

هحاول اصورهولك دلوقت .... لو عرفت علشان انت عارف ليل بقي .. بس هو طبق 120 سم في السنتر عليه الهولندي وبحاول القط الانتل سات من علي اليمين وانت خلف الطبق .. او الاكسبريس برضه مش بييجي معايا خالص .... برضه لا سنتر ولا علي مسطره

[ابومختار]

طيب هو الطبق زي ده ولا بدراعات

[mohamed 1010]

لا يا باشا مش زي ده ... التاني اللي هو بدراعات ده

[mohamed 1010]

دي صور الطبق بتاعي يا جماعه معلش الصور كانت بالليل بقي والجوده مش كويسه يعني :)









ودا لينك الصور مجمعه مش راضيه تظهر علي المنتدي مش عارف ليه
http://postimg.org/gallery/c312y9ds/cbce41b9/

... يا ريت يا جماعه الي عنده خبره يقولي . ممكن اعمل ايه وجزاكم الله خير

[احمد انور خضر]

الافضل يا غالي هو ضبط مدار الطبق كانك هتشغله متحرك علشان تقدر تستقبل القمر الايراني....
وبعد كده تركب الهولندي علي مسطر





ة

[mohamed 1010]

احمد باشا ربنا يجازيك خير يا غالي .... شكرا جزيلا ليك
طيب هو لو المدار مش مضبوط كويس كان هيجيب معايا الاقمار كلها ...يعني انا بقدر القط الاقمار كلها من بعد النايل سات الي الهولندي من غير ما احرك الطبق فوق او تحت هو من الشمال لليمين والاقمار بتيجي معايا ...فقولت كده يبقي مضبوط المدار بتاعه خصوصا اني معنديش خبره كفايه في المواضيع دي ..انت رأيك ايه ؟؟

يعني كده انت شايف ان المشكله في المدار يعني مش في الجاجز اللي قدامه ؟ .. خصوصا برضه ان مش بييجي معايا الاكسبريس خالص ... بس هو تردد قنوات fox اللي علي ياه ساه وحاولت مع الباقي مش بيلقط ..

وكنت بحبذ ان الهولندي هو السنتر علشان قناه دهوك اشارتها اصلا ضعيفه وصعب تيجي علي مسطره معايا خالص .. علشان كده قولت اخليه السنتر ومنه خلاله كده هقدر اجيب الباقي لو التركي او الهيلا سات او عرب سات 30 بس المشكله معايا مع الانتل سات والاكسبريس مش بييجو معايا لا سنتر ولا مسطره .... ؟ فأنت شايف ايه ؟ اغير المدار ولا اسيبه زي ما هو ؟؟

يا ريت يا جماعه اللي عنده خبره يحاول يفيدني ..... وشكرا لحضراتكم جميعا ... جزاكم الله خير

[mohamed 1010]

مفيش حد عارف يا جماعه

[ابومختار]

هي الصور دي اللي انت منزلها لطبقك اللي انت عايز تظبطه
وهل هي دي التركيبة اللي انت مش عارف تعملها ولا انتا موجه الي اقمار تاني
يعني العدسة اللي في النص دي بتاعت دهوك واللي علي مسطرة دي للانتل سات
ومش عارف تجيب علي الوضع ده
رد علي هذا السؤال كده

[mohamed 1010]

لا يا باشا الطبق سنتر علي دهوك واللي جمبه دي الهيلا سات ....انا بقي لما بحرك الطبق ده علشان القط الانتل سات سنتر او احاول ارجعه كام سم لليمين وانت خلف الطبق علشان الاكسبريس للاسف لا ده بييجي معايا ولا ده بييجي معايا .....لا سنتر ولا علي مسطره خالص...

[ابومختار]

طيب انت رجعه علي دهوك وخليه عليه والمسطرة دي هتكون علي هيلاسات
والمسطرة اللي في الناحية التانية هيكون عليها الانتل سات بس هتكون العدسة علي نفس وضع دهوك بالظبط وممكن تلاقي القمر امام المسطرة مش خلفها بالظبط جنب المسمار اللي المسطرة راكبة فيه علي الطبق علشان المسافة قريبة جدا جدا 5 درجات فقط لازم تلاحظ دي كويس وممكن القمر يكون لازق في المسمار اللي المسطرة راكبة فيها وعلشان كده انت مش لاقيه
ركز تاني وانت بتظبط القمر ده وايه نوع الريسيفر اللي عندك