[wearewell]

بداية أنا عملت الموضوع ده لكثرة المواضيع عن اللى حصل للدونجل الميكروبكس والمحول ليه من هيروشيما وباركليبس

الكل أكيد عارف موضوع إن الشركة (الإنتهازية ) حددت بعض سيريالات ووقفتها والناس بدأت تستغرب هوا فيه
بس كل ده عشان تكسب
....
وفى منتدانا هنا لقيت ناس كتير بدأت تسطعبت وبدأوا يهجصوا

من مواضيع يقولك الحل النهائى للسيريالات المنتهية، لسوفتات قديمة
على سوفتات مابتشتغلش ألا على السيريالات الغير منتهية وتلاقيه كاتب فى أسم الموضوع...لكل أصحاب السيريالات المنتهية فقط...على اللى يقول حول للقمر قبرص بدلاً من W3 أو W6 وشغل الشيرنج منه هتلاقى القنوات المشفرة فتحت، لدرجة فى موضوع هنا كان اللى كاتبه بيرد على نفسه ويقول لنفسه أشتغل أشتغل شكرا أخى.....(وهو ده اللى بنقول عليه بيشتغل نفسه)
....

نرجع للمشكلة الأساسية وهى الفكرة اللى أبتدعتها الشركة وقالت إيه المشكلة لما أشوف شوية سيريالات شغاله وأديلها إستمارة سته
وأنزل أنا فلاشة لازم يشتروها عشان الدونجل يشتغل تاني

بس لازم الواحد مننا يفكر ألف مرة قبل مايغير الفلاشة
أولاً الشركة مالهاش أمان، لأن مش هيعدى أكتر من سنة والشركة تنزل فلاشة جديدة والقديم كله يقف...ويقعدوا يشتغلونا بقى

غير كده الفلاشة اللى عمرها ماتغلى عن عشرة، عشرين جنية فى حد علمى
لكن التجار اللى مش ناويين يتعدلوا -حتى بعد ما عملنا الثورة وقلنا كل حاجة هتتظبط- عاملنها بـ 50 وفى بيبعها بـ 80 وممكن نلاقى حد عملهالى بـ 100 جنية .. ماهما أصلاً معندهمش مبدأ متفرقشى معاهم إنهم يلعبوا بينا
وروح الإستغلال والإحتكار لسه عندهم

ده ميمنعش إن فيه منهم الكويس وبيرفض إستغلال الزبون...لكن أظن دول قليلين

بس حاجة تانية
الشركة العبيطة دى والتجار الإنتهازيين دول مفكروش فى حاجة مهمة..إن الدونجل ده بالأساس كثير التقطيع وكثير السوفتات على عكس أغلب الدناجل والناس كلها عارفة كده بس هما معندهمش إدراك لكده؟؟!!!

أنا عارف أنا طاولت بس صدقونى أنا نفسى الموضوع ده يتثبت ويبقى فيه حوار حتى من التجار اللى بيدخلوا على منتدانا...يقولولنا إيه السر فى الإستغلال ويبقى فيه مبادرة منهم إنهم يبطلوا إستغلال ويكسبوا بقى بما يرضى الله

لأن فى كتيييير مننا فكر إنه يحول الدونجل اللى عنده إلى ريسيفر أو يشترى دونجل جديد نوع تانى غير الميكروبكس أو يشترى ريسيفر زى الجولد أو الجوكر ويشترك فى أى ***** بـ 50 جنية فى 3 شهور ويشغل النايلسات والهوتبيرد ويريح دماغه
ده حتى أرخص من اللى إحنا بندفعه فى إشتراك النت مش كده ولا أيه

فالمهم الكل لازم يشارك ودى هى الديموقراطية
مش كله يدخل يشوف حل لو ملاقاش يمشى

[mohmed_saber200]

واللهى كلمك كلة عين العقل يا اخى نفسنا نتغير لااحسن يا مصرى

[777أهلاوي]

أسمحي أقولك لا حياة لمن تنادي أنتي عايز الناس دي تخاف من ربنا تراعي ربنا فينا وهما أبعد مايكون عن ذلك لإنهم الأهم ليهم الفلوس وبس وزي ما أنت قولت إن الشركة كل فتره هتعمل الجديد عشان تبيع وتكسب مش عشان خاطر سواد عيون الناس هي لايهما الناس ولايهما حد يتفرج علي حاجة المهم بالنسبة ليها البزنس وبس والتجار كذلك تقدر تقول كده ناس معندهاش دم لكن ربنا ينصرنا عليهم كلهم وعلي العموم الشركات كلها زي الجزيرة والباقي سوف يتجه للتشفير الجديد زي الشو تايم ووقتها لاينفع شيرينج ولا غيره بس أنا عاتب علي القائمين علي المنتدي إنهم تركوا المجال لكل من تلاعب بأعصاب الناس وعلق امالهم وبعد كده خلى بهم وأرجو من الإدارة أنه إذا كان في حد بيعمل كده تتحذف العضوية بتعته عشان يكون عبره لمن يريد التلاعب بالناس ولكي لا يفقد المنتدى مصداقيته
شكرا لطرحك الموضوع ويارب نلاقي حل عشان نرجع نتفرج تاني علي الدوريات والبطولات الأوربية

[مالك المصرى]

نعم معك انها سوف تخسر اكثر مما كسبت
خسرت سمعتها ومنتجها
وياريت الكل يقاطع منتجات هذه الشركه ولايقوم حتى بتركيب او شراء الفلاش ويحول جهازه الى ريسفر عادى لانها فعلا سوف تغير الفلاش مرة اخرى بعد شهور
مثل هذه الشركه الرد الصحيح عليها هو المقاطعه
لانها اصبحت سيئه السمعه

[wearewell]

شكراً على المرور يا شباب

أخى محمد صابر: نتمنى فعلاً أن نتغير للأفضل

أخى أهلاوى 777: وجهة نظرك جيدة جداً ومتوافقة مع اللى قلته كله

أخى مالك المصري: فعلاً أنا معاك...وأنا عن نفسى مغيرتش فلاشة والله العظيم
وفعلاُ أدعو الناس كلها إنها متغيرش فلاشات...وتتعامل لإما مع دونجل نوع تانى غير الميكروبكس والمحول ليه
أو تشترى ريسيفر يتعامل مع ***** شيرنج حتى لو هتدفع
بس على الأقل مفيش تقطيع وهتتفرج كمان على الإسكاى لو عندك أوروبى

[محمد ابو جعفر]

انت عندك حق بس فين بقي الي يسمع

[wearewell]

محمد أو جعفر...شكرا على المرور

وزى ما بتقول احنا نفسنا صوتنا يتسمع للناس كلها اللى فى المنتدى
من تجار وناس عاديه شكلنا

[وائل صوان]

والله موضوعك هايل ونتمنى فعلا عدم استغلال التجار فى كل شىء عشان للاسف اسغلال التجار بقى فى كل شىء اكل وشرب وكأن مفيش ثورة حصلت وكانت بتنادى بخفض الاسعار وربنا ينتقم من يسغل اى سلعة او منتج بيبيعه

[م/مصطفى محمود محمد]

جزاك الله خيرا وجعله فى ميزان حسناتك

[احمدسلمان]

وانا معاكوووووووووووووووووو

[ابو سرور]

اذا ترك الجميع هذا المنتج سيبقى برخص التراب وسلملى على التجار

[ياسر احمد]

جزاك الله خيرااخي الكريم وشكرن علي الموضوع

[khalidsaid385]

ايد فى ايد منعا للاحتكار لالشراء الفلاشة الملعونه وخليهم يشربوها بكرة تبقى ببلاش الا ربع منعا للغش والاحتكار والاستغلال لالشراء الفلاشة لالشراء الفلاشة خليهم يشربوها

[شمس الاصيل]

كلام جميل بس بشرط نفضل نحاول ممكن نعرف نفك السريل نمبر برضو مش نضع ايدنا على خدنا كدة مش هنشترى الفلاشة الغالية لكن ممكن نتشترى الفلاشة ونعرف السريل نمبر منها يعنى عايز اقول اة انا معكم لكن برضو نبحث عن حل

[mbc6net]

وانا كمان معاكوووووووووووووووووو