[gerrard888]

انا من اسكندرية ونزلت انهارده علشان ادور على قطعه كويسة للطبق بتاعى ال ١٨٠ كنت بدور على ستار بورت او جولد اللى متعدلين جاهزين للاسف ملقتهاش نهائى
المهم لقيت قطعه اسمها كيوماكس ln5007 هى شبه الفوجى طبعا انا معرفش شكل الفوجى الراجل هو اللى قالى وبعدين كنت عارف شكلها من النت
السؤال هنا هل القطعه دى كويسة ولا شربت مقلب فيها
هو الراجل قالى بكفاءة الفوجى طبعا انا مش مصدقة بس اعمل ايه مش لاقى غيرها متعدلة وتمنها ٨٠ جنيه
المهم انا عندى مشكلة فى تركيب اى خاجة بحس انى ببوظ الدنيا
للاسف رحت لفنى جنبى شغال فى المتحرك قلتله عايز اركب دى يقولى وماله ١٠٠ جنيه قلتله نعم ازاى يعنى قالى ده طبق متحرك وفيه ظبط مدار وكده قلتله ياعم انا عايزك تشيل القديمة وتحط دى
يمين شمال مفيش فايدة
المهم الراجل استفزنى جدا ونفسى بجد اركبها
هى القطعه معاها الفلانشة ومعاها مسمارين وصمولتين صغيرين
ممكن تقولولى بالراحه كده وبالله عليكم اعذرونى لجهلى طريقة انى افك الفلانشة القديمة والقطعه القديمة وتركيب الفلانشة والقطعه الجديدة
وياريت صور الله يباركلكم
انا عارف الموضوع تافه وبسيط عند ناس كتير بس والله بالنسبالى الموضوع مش سهل لان نادرا لما اعمل حاجة بايدى للاسف الشديد
فى انتظاركم خصوصا اخى الكبير حماد رحم الله والده وادخله فسيح جناته

[gerrard888]

ياريت الاخوة العمالقة يردوا عليا

[اشرف محمود سيد]

ها تفك الفلانش القديمه وبعد ما تفكها ها تجمع الدرعدت بتاعت الطبق وتربطهم بى مسمار واحد وتسبهم بتاع نص ساعه وتفك المسمار وتركب الفلانش التانيه وتركب القطعه واظبط اشاره وعيش

[عادل عامر]

حل القديمة براحة وركب الجديدة واللمح الازرع على بعض بحيث ميكنش الازرع ملفوتة
ودى سهلة جدا والمواضيع دى هتفيدك فى تركيب الاطباق
لضبط الطبق المتحرك بتردد واحد مصورة لعيون مصراوى سات $$$

طريقة ظبط الماتور واللميت للمبتدئين @@@ مصراوى سات@عادل عامر


طريقة تركيب الطبق المتحرك للمبتدئين @العملاق الفضائى @مصراوى سات@ عادل عامر ‏


احتراف تركيب الاطباق والبداية من اين @@@$$$### عادل عامر[/QUOTE]

[gerrard888]

اشكرك اخى اشرف على ردك واهتمامك وهو ردك وافى بصراحه بس للاسف بالنسبالى غير وافى اريد صور فى كل خطوة وليا كام استفسار على كلامك علشان احاول اجمع ومعلش راعى انى تحت الصفر فى التركيب
لما افك الفلانشة القديمة يعنى ايه اجمع الدراعات واربطهم بمسمار هل المسمار ده موجود فعلا دلوقتى
وليه اسيبهم نص ساعه الجملة دى محيرانى اوى
الفلانش بيتركب ازاى
القطعه بتتحط ازاى فى الفلانش بمعنى جزى كبير من القطعه بيكون اكتر من بعد ما اربطها ولا فى الحتة قبل الربط هى اللى تكون اكبر ولا ليها طريقة معينة
واظبط الاشارة ازاى هل احرك القطعه يمين وشمال او الفها ولا ازاى

[gerrard888]

اشكرك جدا استاذ عادل عامر وان شاء الله حراجع المواضيع ولو فيه شئ انا مش فاهمه حكتبه اشكرك مرة اخرى

[gerrard888]

استاذ عادل عامر معلش يعنى ايه "واللمح الازرع على بعض"
وايه الحكمة انى احل القديمة بالراحة
ومعلش برضه يعنى ايه "متكونش الازرع ملفوتة"

[gerrard888]

ياجماعه انا حاسس انى مش حقدر اغير القطعه هل الاحساس ده مظبوط
ياريت لو حاسين انى ممكن اغيرها تقولولى محتاج ادوات ايه بالضبط وتعلمونى الطريقة من الالف للياء
بصراحه مفتقدك يا استاذ حماد

[gerrard888]

ياجماعه بالله عليكم عايز اغير الفلانش انهارده
عايز قبل ما اطلع اكون عارف انا حعمل ايه بالضبط
طيب ليا كام تساؤل كده
حستخدم ايه فى الفك والتركيب هل مفك فقط ولا ححتاح حاجة تانية
لما افك القديم استاذ عادل كاتبلى افكها بالراحه ممكن اعرف ليه علشان اخلى بالى لو حصل حاجة وانا بفك اعرف اعدلها بس ايه هى الحاجة دى
والاستاذ اشرف كاتبلى اجمع الاذرع واربطهم بمسمار نص ساعه طيب ليه برضه مهو انا حفك القديمة واحاول اركب الجديدة واخلى بالى من المسافات بتاعة الاذرع تكون متساوية صح كده ولا ايه
ايه بقى موضوع النص ساعه دى
ولما اجى اركب الجديدة ان شاء الله اخلى القطعه نازلة لتحت كده من الحتتين اللى ماسكينها ولا اطلعا لفوق على الاخر يعنى ايه احسن وضع ليها
وبغد ما اركب القطعه كده الاشارة حتيجى كويسة ولا احرك القطعه يمين وشمال لغاية اعلى اشارة
وهل اظبط اعلى اشارة مع النايل فقط وبكده الاقمار كلها اتظبطت الاشارة ولا لازم اشيك على الباقى
يارب العمالقة والاخوة الاعزاء يجاوبونى على اسالتى
واسف جدا لكثرتها بس ده بسبب جهلى
وبجد اول مرة اكون نفسى اعمل حاجة بايدى وحاسس انى حكون سعيد جدا
اتمنى تساعدونى وشكرا

[darsh2020]

يا غالي ده حاجه بسيطة جدا انت كل ما عليك ان تشوف القديمة راكبة ازي وتركز فية وبعد كده تفكه وتركب الجديده علي نفس الوضع

[darsh2020]

والافضل تنزيل الطبق لاقصي الغرب علشان تبقي طايل الفلانشة

[gerrard888]

متشكر جدا يا استاذ درش
طيب ممكن ترد على تساؤلاتى اللى فوق اللى قبل مشاركتك على طول
واشكرك مرة اخرى اخى
وحضرتك جبتلى معلومة مفيدة جدا انى انزل الطبق على الهيسبا علشان اكون طايل الفلانشة وحنفذ ان شاء الله واشكرك على المعلومة الجديدة

[شريف عبدألمنعم]

انت مكبر الموضوع نزل الطبق بحيت تكون ايدك طايلة الفلانشة حتلا قي قفيز بمسمارين فكهم بالمفك ركب قطعتك تاني بزاوية ميل مناسبة بحيث القنوات كلها تكون شغال معاك لو الزور رفيع لف شكزتون علي الزور بحيت القطعة ما تتحركش ركبت حرك طبقك وابق قولي القطعة عامله ايه عشان حشاريها بكره من عند نفس الراجل بس علي فكرة الراجل ده سمعته حلوه ولو المدار مش مظبوط هات حديظبطهولك لأنك بتقول انا تحت الصفر يعني اول ماتبدأ تبدأ بالمتحرك صعب عليك او حاول عشان متزعلش ولك التحية

[الحاج شريف]

المشاركة الأصلية كتبت بواسطة gerrard888

ياجماعه بالله عليكم عايز اغير الفلانش انهارده
عايز قبل ما اطلع اكون عارف انا حعمل ايه بالضبط
طيب ليا كام تساؤل كده
حستخدم ايه فى الفك والتركيب هل مفك فقط ولا ححتاح حاجة تانية
لما افك القديم استاذ عادل كاتبلى افكها بالراحه ممكن اعرف ليه علشان اخلى بالى لو حصل حاجة وانا بفك اعرف اعدلها بس ايه هى الحاجة دى
والاستاذ اشرف كاتبلى اجمع الاذرع واربطهم بمسمار نص ساعه طيب ليه برضه مهو انا حفك القديمة واحاول اركب الجديدة واخلى بالى من المسافات بتاعة الاذرع تكون متساوية صح كده ولا ايه
ايه بقى موضوع النص ساعه دى
ولما اجى اركب الجديدة ان شاء الله اخلى القطعه نازلة لتحت كده من الحتتين اللى ماسكينها ولا اطلعا لفوق على الاخر يعنى ايه احسن وضع ليها
وبغد ما اركب القطعه كده الاشارة حتيجى كويسة ولا احرك القطعه يمين وشمال لغاية اعلى اشارة
وهل اظبط اعلى اشارة مع النايل فقط وبكده الاقمار كلها اتظبطت الاشارة ولا لازم اشيك على الباقى
يارب العمالقة والاخوة الاعزاء يجاوبونى على اسالتى
واسف جدا لكثرتها بس ده بسبب جهلى
وبجد اول مرة اكون نفسى اعمل حاجة بايدى وحاسس انى حكون سعيد جدا
اتمنى تساعدونى وشكرا

الموضوع بسيط لكن إنت يلزمك الدقه فى التركيب علشان تجيب إشاره كويسه
أول حاجه تنزل للهسبا زى ماقالك الأخ شريف علشان تقدر تفك وتركب وتختبر الإشاره براحتك ولو عندك كاميراموبايل صور الوضع القديم .
ثانيا : لو القطعه القديمه بزور رفيع مثل الفوجى أو الكيوماكس اللى إنت أشتريتها حيبقى سهل تغييرها بفك الفلانشه الصغيره المربوطه بمسمارين 10
لكن لو القطعه القديمه لها زور بلاستيك فإن فى الحاله دى مضطر تفك الفلانشه القديمه كلها لانها ماتناسبش الكيومكاس الجديده
وهى بتتفك بمفتاح 10 بلدى أو مشرشر أو بوكس ولازم مفتاحين مفتاح للمسمار ومفتاح للصاموله ولو المسمار مصدى لازم مزيل للصدأ علشان تفكه
بعد ما تفك الفلانشه القديمه لو إنت مش متأكد من ضبط الدراعات اربطهم مع بعض بمسمار 10 من اللى فكيتهم من شويه وسيبهم فتره علشان الدراعات ياخدوا وضعهم صح " ودى حكمه النص ساعه اللى كنت بتسأل عليها "
وبعد كده حتركب فلانشه الكيوماكس زى ماكانت راكبه الفلانشه القديمه
وهنا ممكن تضبط البؤره زى ما انا باعمل باحط ماسوره ألومنيوم بقطر القطعه مكان القطعه واتأكد من أنها تشير إلى منتصف الطبق تماما
إن ماكانتش مضبوطه باضغط علي الدراعات المناسبه حتى تشير الماسوره لمنتصف الطبق .
إن ماكانش فيه ماسوره ممكن يد مكنسه خشب أو بلاستيك
بعد كده تركب القطعه الجديده وتلفهاشمال ويمين وجوه وبره حتى تحصل علي أكبر إشاره فى الهسباسات
لو لقيت إن الهسباسات ما ضبطش ومحتاج تلف البولار سنه يمين أو شمال لا مانع من ذلك وعند أفضل إشاره اربط البولار ولا تحركه بعد ذلك
بعد كده جرب المدار لو المدار فصل منك فى مرحله ما إضبط مسمار الميزان عند قمر العربسات 5 علي تردد 10924/17000/افقى
يعنى كفايه لغايه كده فى الوقت الحالى ولو عايز تستوضح شىء إتفضل
مع تمنياتى بالتوفيق

[moneim67]

المشاركة الأصلية كتبت بواسطة asharif

الموضوع بسيط لكن إنت يلزمك الدقه فى التركيب علشان تجيب إشاره كويسه
أول حاجه تنزل للهسبا زى ماقالك الأخ شريف علشان تقدر تفك وتركب وتختبر الإشاره براحتك ولو عندك كاميراموبايل صور الوضع القديم .
ثانيا : لو القطعه القديمه بزور رفيع مثل الفوجى أو الكيوماكس اللى إنت أشتريتها حيبقى سهل تغييرها بفك الفلانشه الصغيره المربوطه بمسمارين 10
لكن لو القطعه القديمه لها زور بلاستيك فإن فى الحاله دى مضطر تفك الفلانشه القديمه كلها لانها ماتناسبش الكيومكاس الجديده
وهى بتتفك بمفتاح 10 بلدى أو مشرشر أو بوكس ولازم مفتاحين مفتاح للمسمار ومفتاح للصاموله ولو المسمار مصدى لازم مزيل للصدأ علشان تفكه
بعد ما تفك الفلانشه القديمه لو إنت مش متأكد من ضبط الدراعات اربطهم مع بعض بمسمار 10 من اللى فكيتهم من شويه وسيبهم فتره علشان الدراعات ياخدوا وضعهم صح " ودى حكمه النص ساعه اللى كنت بتسأل عليها "
وبعد كده حتركب فلانشه الكيوماكس زى ماكانت راكبه الفلانشه القديمه
وهنا ممكن تضبط البؤره زى ما انا باعمل باحط ماسوره ألومنيوم بقطر القطعه مكان القطعه واتأكد من أنها تشير إلى منتصف الطبق تماما
إن ماكانتش مضبوطه باضغط علي الدراعات المناسبه حتى تشير الماسوره لمنتصف الطبق .
إن ماكانش فيه ماسوره ممكن يد مكنسه خشب أو بلاستيك
بعد كده تركب القطعه الجديده وتلفهاشمال ويمين وجوه وبره حتى تحصل علي أكبر إشاره فى الهسباسات
لو لقيت إن الهسباسات ما ضبطش ومحتاج تلف البولار سنه يمين أو شمال لا مانع من ذلك وعند أفضل إشاره اربط البولار ولا تحركه بعد ذلك
بعد كده جرب المدار لو المدار فصل منك فى مرحله ما إضبط مسمار الميزان عند قمر العربسات 5 علي تردد 10924/17000/افقى
يعنى كفايه لغايه كده فى الوقت الحالى ولو عايز تستوضح شىء إتفضل
مع تمنياتى بالتوفيق

السلام عليكم
شرح جيداخى الكريم
بس شكل اخى السائل لم يجرب ذلك من قبل وخاصة انه بسأل اخد معايا عده ايه
الاحسن يستعين بصديق له خبره معقوله بدل ما الطبق يبوظ ويرجع يجيب حد
وخاصة فك مسامير البولار
وممكن يصور الطبق من كذا زاويه ويأخذ علامات بالالوان عشان يعرف يرجع كل حاجه مكانها فى حاله لاقدر الله عدم الضبط
تحياتى للاخ اشرف والاخوه الزملاء