[elhawabry_2030]

بسم الله الرحمن الرحيم

بعد اذنكم اريد عمل كارنيه المحاماه ومش عارف الاجراءات ولا الورق ولا حتى اعرف الرسوم كام دلوقتى فياريت اى حد يفيدنى بالذات فى موضوع الرسوم وازاى اخلص الورق وشهاده التحركات وبتطلع فى كام يوم وشهاده التامينات ارجو الافاده؟
ولكم جزيل الشكر.....

[waleed2010]

أولا :- بدايه تستطيع سحب طلب الالتحاق من النقابه الرئيسيه أو اى نقابه فرعيه فى المحافظات كافه ..

ثانيا :- البدء فى جمع الاوراق المطلوبه وهى موضحه بالطلب كالاتى ...

1- شهادة ميلاد كمبيوتر.

2- صحيفة الحالة الجنائية حديثة وموجهة لنقابة المحامين.

3- شهادة عن السمعة (فى طلب الالتحاق مجرد ملئ البيانات)

4- سداد رسوم القيد بالنقابة والحصول على الايصال.

5- شهادة النجاح في ليسانس الحقوق من جامعتك.

6- شهادة المعاملة العسكرية ( بيان موقف – تأجيل – اعفاء – تأدية )

7- شهادة من مكتب المحامي الذي سوف تتدرب عنده. (امضاء وختم المحامي)

8- 6 صور شخصية 4X6 + صورة بطاقة الرقم القومي.نموذج (111)
9- كشف طبى .. استفسر من موظف النقابه عن جهه الكشف المعتمده لتسحب النموذج وتقوم بالكشف وترفقه بالمستندات.
10- شهادة من التأمينات (ده لو تجاوزت 24 سنة). مكتب التأمينات التابع له محل الاقامة
11- شهادة من الجوازات ) (شهادة تحركات) بتأخد اسبوعين من الجوازات (ده بردو لو تجاوزت 24 سنة).
:- عند الانتهاء من جميع المستندات الموضحه تقدم بها لنقابتك الفرعيه أولا لتراجع وتكمل ما بها من نقص ان وجد وتختم وتكون جاهزه .. فى حاله تقديمها للنقابه الفرعيه يمكن ان تقوم هى بارسالها الى النقابه الرئيسيه بالقاهره "ولكن غالبا ما تأخذ وقتا أطول وأمكانيه الخطأ وارده " لذا فيفضل التوجه للنقابه الرئيسيه بنفسك ..

عند الوصول للنقابه الرئيسيه والتى تقع فى بشارع رمسيس بجوار محكمه النقض اوقات عملها الرسميه من الساعه التاسعه الى الثانيه ظهرا ويفضل الذهاب مبكرا توجه الى الموظف المختص باستلام ومراجعه الاوراق واذا كانت كامله تتوجه لدفع الرسم فى الخزينه وتأخذ ايصال بالسداد تتوجه به وبالاوراق للموظف مره اخرى ليعطيك ملف تملاء بياناته وتقدمه ويحدد لك ميعادا لتاديه القسم واستلام كارنيهك الاول وتصبح مقيدا جدول عامـ بنقابه المحامين ..

تم تعديل رسم القيد المنصوص عليها فى المادة 167 من قانون المحاماه لتصير على النحو التالى:-
أولا: رسوم القيد بالجدول العام:

السن حتى 30 عام = 2284 جنيه مصرى

السن من 30 الى 35 عام = 4142 جنيه

السن من 35 الى 40 عام = 5452 جنيه

السن من 40 الى 45 عام = 7262 جنيه

السن من 45 الى 50 عام = 8882 جنيه

السن من 50 الى 55 عام = 11192 جنيه


** الأوراق المطلوبة.
01- شهادة ميلاد مميكنة.
02- صحيفة الحالة الجنائية موجهة للنقابة (خد بالك لأن ليها تاريخ إنتهاء بعد 3 شهور).
03- شهادة تحديد موقفك من الخدمة العسكرية.
04- شهادة الحصول علي الليسانس (الشهادة المؤقتة).
05- عدد 6 صور شخصية (خلي معاك 8 احتياطي).
06- صورة البطاقة.
07- شهادة من أحد المحامين المعتمدين من النقابة بالنقض أو بالإستئناف (دي في وش الطلب اللي سحبناه من النقابة الفرعية).
08- شهادة عن السمعة تعتمد من 2 موظفين وتختم بخاتم المصلحة الحكومية ( ودي في ظهر الطلب اللي سحبناه من النقابة الفرعية).
09- مبلغ 250 جنية للكشف الطبي ( بتشتري نموذج من النقابة العامة من القاهرة وبتطلع تعمل الكشف الطبي جنب النقابة - النموذج ب 250 جنية).
10- شهادة من التأمينات (ده لو تجاوزت 24 سنة).
11- شهادة من الجوازات (ده بردو لو تجاوزت 24 سنة). بتقوم بكتابة طلب موجود بياناته بالجوازات وتقديمه للموظف المختص وتسأل عليه بعد اسبوعين


والافضل انك تروح اى نقابة فرعيه وتسأل على رسوم واوراق استخراج كارنيه لاول مرة وتجيب طلب الالتحاق

بالتوفيق يا غالى

[elhawabry_2030]

اولا شكرا لردك
بس عندى استفسار فى ناس قالتلى ان شهاده التحركات لو عملتها من مجمع التحرير تاخد يوم خصوصا ان انا ماليش باسبور وممكن حضرتك توضحلى يعنى ايه طلب الالتحاق؟

[waleed2010]

لو انت من القاهرة اعملها في مجمع التحرير بس ما اعرف المدة الفعليه لاستلامها
لكن لو بعيد عن القاهرة اعملها في اى جوازات
طلب الالتحاق بيتم الحصول عليه من مقر اى نقابة فرعيه فى اى محافظة او نقابه عامة