[walid_elfeqi]

انا لاحظت خلال الايام السابقة ان فيه اصدقاء بيسألوا كتير على تحديث السوفت بالجهاز علشان كده فكرت اعمل مشاركة جديدة بها خطوات تحديث السوفت بالجهاز لكل الاعضاء الجدد وطبعا بيكونوا مش عارفين يتعملوا مع الموقع أو البحث وبصراحة اى حد هيدخل وميعرفش اساليب البحث عن المعلومة فى الموقع هيدوخ علشان يحدث السوفت ولازم فعلا يسأل علشان كده دى مشاركة بالخطوات السليمة وسيتم تثبيتها للأستفادة وبشرح فيها الخطوات السليمة لتمرير السوفت وتحديث الجهاز :::: ولابد فى البداية اوضح للأصدقاء الجدد أن افضل سوفت للجهاز "هو السوفت الذى تستريح انت ليه ويحقق رضاك نحو الجهاز" مش اى رأى لعضو فى سوفت يخليك تحمل هذا السوفت بارغم أنك تعمل على سوفت أنت تفضله " اما الطريقة الصحيحة التى يجب على اى عضو اتباعها فهى كتالى :-

1- حضر فلاشة وياريت تسجل الاول من الجهاز عليها للتأكد انها تناسب الجهاز وبعدها اعرض الى مسجلة اذا سجلت وعرضت كله تمام
2 - اعمل فورمات للفلاشة على نظام " fat 32 أو ntfs " أو فورمات من على الرسيفر .
3 - انقل عليها ملف السوفت داخل فولدر اسمه files .
4 - اعمل ضبط مصنع للجهاز " الرسيفر " .
5 - ضع الفلاشة فى الرسيفر .
6 - اغلق الرسيفر من زرار الباور ثم شغله مرة ثانية .
7 - انتظر السوفت هينزل وبعد تمام نزول السوفت فيه رسالة هتظهر امامك . وكلمة end هتظر على شاشة الرسيفر انتظر 3 دقائق ثم انزع الفلاشة بعدها .
8 - الجهاز هيرستر وهيشتغل .
9 - اعمل ضبط مصنع للجهاز وده طبعا المرة الثانية الى بتعمل فيها ضبط المصنع .
10 - ابتدى تبحث عن القنوات التى انت عوزها .
11 - أو حمل ملف قنوات جاهز للجهاز من خلال وضعه بالفلاشة والدخول عليه والضغط على زرار ok ثم اختار yes وانتظر حتى تنزل القنوات وينتهى تحميلها .
12 - بس ملحوظة مينفعش تعطى ملف قنوات للجوكر والسوبر للأصلى والعكس مينفعش .
13 - بس تقدر تدى ملف قنوات من سوفت اصلى من فيرجن 1 الى سوفت اصلى لفيرجن 2 وكذلك بالنسبة للسوبر .
14 - تقدر تحفظ ملف قنوتك من خلال الدخول على اليو اس بى وضغط الزرار الاحمر ابلوود واختار ابلوود داتا واختار الحفظ على usb وبعد كده استخدمه عادى لأى سوفت بس بالتعليمات التى اشرت ليها قبل كده

مع ارق امنياتى القلبية للجميع ::::: بمشاهدة ممتعة بأذن الله ليس فيما حرم الله :::::: أخوكم / وليد الفقى

[mahmoudeia]

دايما للامام يا استاذ وليد
بس انا عملت حاجة وعايزك تتابعنى
انا نزلت سوفت 3.43 مباشرة من غير ما اعمل ضبط مصنع
نزل السوفت وفتح الاوربت اللى كانت مابتفتح على السوفت السابق
والقنوات ما اتغيرش ترتيبها

[walid_elfeqi]

المشاركة الأصلية كتبت بواسطة mahmoudeia

دايما للامام يا استاذ وليد
بس انا عملت حاجة وعايزك تتابعنى
انا نزلت سوفت 3.43 مباشرة من غير ما اعمل ضبط مصنع
نزل السوفت وفتح الاوربت اللى كانت مابتفتح على السوفت السابق
والقنوات ما اتغيرش ترتيبها

انت كنت على سوفت أصلى 3.41

[mahmoudeia]

ايوة كنت على سوفت 3.41

[walid_elfeqi]

بتحصل المشكلة اكتر لما تعمل حاجه زى كدة وتحول من سوفت اصلى لسوبر بدون ضبط المصنع وتجد مشاكل فى التشغيل واحيانا توقف الجهاز بس الافضل متنساش ضبط المصنع مرتين قبل وبعد تمرير السوفت ده مهم علشان احسن تشغيل ممكن للسوفت على الجهاز بدون اى مشاكل فنيه او تقنيه تحصل للجهاز .

[mahmoudeia]

الف شكر يا استاذ وليد
ودايما سباق لكل جديد

[amro 1963]

موضوع يستحق التحية

77777777777755555555555555555555555555

[الخديوي]

موضوع ممتاز استاذ وليد

وحينفع كل الاعضاء
ولو سمحت اضيف شئ
انا بعمله \ اني بفرمت الفلاشه علي الرسيفر
ايه راي حضرتك
تقبل تحياتي

[walid_elfeqi]

المشاركة الأصلية كتبت بواسطة الخديوي

موضوع ممتاز استاذ وليد

وحينفع كل الاعضاء
ولو سمحت اضيف شئ
انا بعمله \ اني بفرمت الفلاشه علي الرسيفر
ايه راي حضرتك
تقبل تحياتي

والله يكون احسن وشكرا على الاضافة ولخاطر الخديوى نضفها فى البنود

[الخديوي]

المشاركة الأصلية كتبت بواسطة walid_elfeqi

والله يكون احسن وشكرا على الاضافة ولخاطر الخديوى نضفها فى البنود

[ookaa]

طب أنا عايز أحدث بوت و أحدث سوفت وأحدث ملف قنوات عربي
لجهازى Qmax MET-999 v2
ودى صور لجهازى ....





ممكن تجبلى احدث وآخر بوت نزل وعايز آخر سوفت كمان وعايز ملف قنوات عربي
وجزاك الله كل خير

[walid_elfeqi]

جهازك مش الجوكر اطلب طلبك من قسم الجولد

[خالداحمد]

الف شكر استاذ وليد

ولي سؤال استاذ وليد ما فيش امكانية لتحويل جوكر v2 للتايجر ابدا صراحة عجبني التايجر جدا

شكرا لك

[walid_elfeqi]

المشاركة الأصلية كتبت بواسطة خالداحمد

الف شكر استاذ وليد

ولي سؤال استاذ وليد ما فيش امكانية لتحويل جوكر v2 للتايجر ابدا صراحة عجبني التايجر جدا

شكرا لك

للآسف الى الان لا بس ممكن ربنا يكرم والوكيل
يقتنع وينزل اصدار من التايجر للجوكر فيرجن 2

[خالداحمد]

المشاركة الأصلية كتبت بواسطة walid_elfeqi

للآسف الى الان لا بس ممكن ربنا يكرم والوكيل
يقتنع وينزل اصدار من التايجر للجوكر فيرجن 2

بارك الله فيك ونحن بالأنتظار ان شاء الله