[gerrard888]

السلام عليكم
اساتذتى العمالقة والاعضاء المميزين فى مصراوى
محتاج مساعدتكم فى معرفة طريقة حساب البعد البؤرى الصحيح
وهناك نقطة مش قادر افهمها هل معنى البعد البؤرى هو المسافة بين العدسة وبؤرة الطبق لو كان هذا هو التعريف الصحيح لاحظت اعضاء بيقولوا لما تلامس الفلانشة بالقطعه حيجيب اشارة اكبر يعنى لما ارجع القطعه خالص حتى تلامس الفلانشة تجيب اشارة اعلى وبالفعل ده اللى حصل معايا وفعلا جابت اشارة اعلى بدون ما احسب البعد البؤرى
وياريت الطريقة تكون مزودة بصور
انا عايز اظبط وضع القطعه بتاعتى بالضبط لان عندى بعض المشاكل فى الاستقبال مثل
اشارة الاقمار عندى غير مرتفعه فالنايل مثلا اعلى اشارة فيه ٨٣ مفيش غير تردد قناة اليوم فقط جايب ٩٣ غير كده معظم الترددات حاجة وسبعين وهناك حاجة وستين كمان لكن مش كتير
الاوروبى المعظم حاجة وستين
قمر استرا ٢ مش عارف اجيبه خالص
قمر استرا ١٩ مش جايب غير ١٧٧ قناة
قمر استرا ٢٣ مش جايب غير ٨٩ قناة
عدم وجود اشارة على قناة جورجيا على قمر الهيلاس واشارة تونس على ١٢ غرب جايبه ٦٤ درجة
قناة ستان سبورت بتيجى بالعافية وليس كل الوقت
يوجد عدم ثبات فى الاشارة فى معظم الاقمار الاشارة بتطلع وتنزل ما بين درجة و٥ درجات خصوصا فى قمر المنتصف عرب سات ٣٠ عدم الثبات فيه اكتر من ١٠ درجات
واهم شئ الفيدات معظمها مش بيجى معايا
انا والله لا يهمنى كل ده وميهمنيش القط اقمار لمجرد التقاطها اكيد فى ده لذه كبيرة لمعظم الناس لكن ماىيهمنى فقط هو سبب شرائى للطبق
فانا كنت مشترك فى الجزيرة ولكن بعد غلوها الملحوظ وبعد ما ربنا رزقنى بطفلين فطبعا صعب ادفع كل سنة هذه المصاريف وفى نفس الوقت بحب الكورة جدا وبحب اتفرج على الدوريات الاوروبية جدا خصوصا الانجليزية
فقررت اشترى الطبق الكبير ١٨٠ واركبة وبالفعل حتى اللحظة مفيش ماتش اوروبى مش متابعه اى ماتش بتفرج عليه على الاقمار المختلفة يعنى الموجود مكفى لكن فقط واجهتنى مشكلة فى البطولات الافريقية مفيش قنوات للاسف بتذيعها لانها محتكرة من الجزيرة للاسف الا بعض المباريات الضئيلة
وحل هذه المشكلة فى الفيدات وعلشان اظبط الفيدات لابد من تظبيط المدار
وانا دلوقتى ببدا واحدة واحدة اريد فى البداية تظبيط القطعه والبعد البؤرى علشان بعد كده احاول اظبط المدار عن طريق البولار
فارجو مساعدتى منكم
واسف لكثرة كلامى بس بحاول اوضحلكم الصورة الكاملة
واشكركم جزيلا
تحيات. وتقديرى واحترامى لكم جميعا
والله المستعان

[احمـــد اليكس]

المشاركة الأصلية كتبت بواسطة gerrard888

السلام عليكم
اساتذتى العمالقة والاعضاء المميزين فى مصراوى
محتاج مساعدتكم فى معرفة طريقة حساب البعد البؤرى الصحيح
وهناك نقطة مش قادر افهمها هل معنى البعد البؤرى هو المسافة بين العدسة وبؤرة الطبق لو كان هذا هو التعريف الصحيح لاحظت اعضاء بيقولوا لما تلامس الفلانشة بالقطعه حيجيب اشارة اكبر يعنى لما ارجع القطعه خالص حتى تلامس الفلانشة تجيب اشارة اعلى وبالفعل ده اللى حصل معايا وفعلا جابت اشارة اعلى بدون ما احسب البعد البؤرى
وياريت الطريقة تكون مزودة بصور
انا عايز اظبط وضع القطعه بتاعتى بالضبط لان عندى بعض المشاكل فى الاستقبال مثل
اشارة الاقمار عندى غير مرتفعه فالنايل مثلا اعلى اشارة فيه 83 مفيش غير تردد قناة اليوم فقط جايب 93 غير كده معظم الترددات حاجة وسبعين وهناك حاجة وستين كمان لكن مش كتير
الاوروبى المعظم حاجة وستين
قمر استرا 2 مش عارف اجيبه خالص
قمر استرا 19 مش جايب غير 177 قناة
قمر استرا 23 مش جايب غير 89 قناة
عدم وجود اشارة على قناة جورجيا على قمر الهيلاس واشارة تونس على 12 غرب جايبه 64 درجة
قناة ستان سبورت بتيجى بالعافية وليس كل الوقت
يوجد عدم ثبات فى الاشارة فى معظم الاقمار الاشارة بتطلع وتنزل ما بين درجة و5 درجات خصوصا فى قمر المنتصف عرب سات 30 عدم الثبات فيه اكتر من 10 درجات
واهم شئ الفيدات معظمها مش بيجى معايا
انا والله لا يهمنى كل ده وميهمنيش القط اقمار لمجرد التقاطها اكيد فى ده لذه كبيرة لمعظم الناس لكن ماىيهمنى فقط هو سبب شرائى للطبق
فانا كنت مشترك فى الجزيرة ولكن بعد غلوها الملحوظ وبعد ما ربنا رزقنى بطفلين فطبعا صعب ادفع كل سنة هذه المصاريف وفى نفس الوقت بحب الكورة جدا وبحب اتفرج على الدوريات الاوروبية جدا خصوصا الانجليزية
فقررت اشترى الطبق الكبير 180 واركبة وبالفعل حتى اللحظة مفيش ماتش اوروبى مش متابعه اى ماتش بتفرج عليه على الاقمار المختلفة يعنى الموجود مكفى لكن فقط واجهتنى مشكلة فى البطولات الافريقية مفيش قنوات للاسف بتذيعها لانها محتكرة من الجزيرة للاسف الا بعض المباريات الضئيلة
وحل هذه المشكلة فى الفيدات وعلشان اظبط الفيدات لابد من تظبيط المدار
وانا دلوقتى ببدا واحدة واحدة اريد فى البداية تظبيط القطعه والبعد البؤرى علشان بعد كده احاول اظبط المدار عن طريق البولار
فارجو مساعدتى منكم
واسف لكثرة كلامى بس بحاول اوضحلكم الصورة الكاملة
واشكركم جزيلا
تحيات. وتقديرى واحترامى لكم جميعا
والله المستعان

اخي الكريم البعد البوري كما ذكرت هي
المسافه بين العدسه وبوره الطبق
بنقوم بحساب البعد البوري لو
تلف الازرع حامل العدسه و مش متاكد
ان الازرع حامل العدسه بتاعه الاصلي
لكن لو متاكد انها الازرع الاصليه
يبقي عليك بظبط القطعه جيدا وذالك
بخفض ورفع القطعه للوصول لاعلي اشاره
وتاكد ان القطعه تنظر الي منتصف الطبق
مع لف القطعه حول محورها ببط لموازنه اقمار الشرق مع اقمار الغرب
لو تم ظبط ماذكر من الممكن ان يكون الطبق مفتول
او يحتاج الي ظبط المدار

[gerrard888]

بشمهندس احمد ازى حضرتك مش باين والله نورت موضوع
انا اسكندرانى مثلك يابشمهندس على فكرة
طيب انا شارى الطبق من شهر ٦ جديد وطبعا دى الاذرع بتاعته
يعنى معنى كده انا مش محتاج احسب البعد البؤرى
موضوع بقى انى اعرف ان القطعه تنظر الى المنتصف دى اعملها ازاى
يعنى نظريا كده احسب القطر واقسمة على اتنين ده كده النص طيب بعقلى برضه بو جيبت اى شئ زى عصاية مثلا ووصلتها بين الاتنين القطعه ونصف الطبق هل كده القياس حيكون دقيق
طيب سؤال اخر لو عرفت ولاحظت انها مش القطعه مش بتنظر فى المنتصف ازاى اجعلها كذلك واساسا القطعه مربوطة فى الفلانشة والفلانشة مربوطة فى الاذرع ومهما لفتها او طلعتا لفوق او تحت حتفضل تنظر فى نفس المكان اللى بتنظر فيه حضرتك فاهمنى ياريت لو انا غلطان قولى الصح يابشمهندس
وانا حاسس ان بنسبة كبيرة المدار محتاج ظبطا جيدا لكن الاول محتاج اظبط القطعه حتى اتفرغ للمدار والبولار لان اعتقد تظبيط القطعه اسهل بكثير من المدار

[gerrard888]

وحاجة اخيرة يابشمهندس بخصوص البعد البؤرى
عايز اعرف موضوع ان القطعه تلامس الفلانشة دى كده معلومة خاطئة صح ولازم كل واحد يلتزم البعد البؤرى طيب ليه لما نفذت كلام احد الاعضاء وخليت القطعه تلامس الفلانشة جابت اعلى اشارة ولا كده بالصدفه هو ده البعد البؤرى
مش عارف انا حاسس عندى حاجات غلط كتير ونفسى افهمها واصلحها

[gerrard888]

ياريت الاعضاء والعمالقة يقولولى على الطريقة الصحيحة لظبط القطعه واجعلها تنظر فى المنتصف تماما والبعد البؤرى
يعنى انهارده مثلا معرفتش اجيب فيد ماتش مصر على يوتلسات ١٠ وجيبته على يوتلسات ٣.١ بس بتقطيع رهيب بالرغم ان الفيد اشارته قوية
فى انتظاركم

[حماد]

المشاركة الأصلية كتبت بواسطة gerrard888

بشمهندس احمد ازى حضرتك مش باين والله نورت موضوع
انا اسكندرانى مثلك يابشمهندس على فكرة
طيب انا شارى الطبق من شهر ٦ جديد وطبعا دى الاذرع بتاعته
يعنى معنى كده انا مش محتاج احسب البعد البؤرى
موضوع بقى انى اعرف ان القطعه تنظر الى المنتصف دى اعملها ازاى
يعنى نظريا كده احسب القطر واقسمة على اتنين ده كده النص طيب بعقلى برضه بو جيبت اى شئ زى عصاية مثلا ووصلتها بين الاتنين القطعه ونصف الطبق هل كده القياس حيكون دقيق
طيب سؤال اخر لو عرفت ولاحظت انها مش القطعه مش بتنظر فى المنتصف ازاى اجعلها كذلك واساسا القطعه مربوطة فى الفلانشة والفلانشة مربوطة فى الاذرع ومهما لفتها او طلعتا لفوق او تحت حتفضل تنظر فى نفس المكان اللى بتنظر فيه حضرتك فاهمنى ياريت لو انا غلطان قولى الصح يابشمهندس
وانا حاسس ان بنسبة كبيرة المدار محتاج ظبطا جيدا لكن الاول محتاج اظبط القطعه حتى اتفرغ للمدار والبولار لان اعتقد تظبيط القطعه اسهل بكثير من المدار

بالنسبة لملامسة القطعة للفلانشة .. فهذا الامر يزيد منالاشارة بشكل عالى جدا ويجيب اخر اشارة للقطعة للزيى ما بنقول..

لكن: ليس هذا الامر سارى على كل القطع ..

ثانيا: انت ممكن ترفع القطعة من خلال رفع الدراع لفوق او لتحت كما تريد ..

ثالثا: انا انصحك بضبط المدار اولا: حتى يتثنى لك معرفة الخلل ..

اخيرا: اليك اقوى الطرق لضبط المدار..

هـــــــــــــنــــــــــا

وايضا اقوى الترددات..

هـــــــنـــــــــا

بالتوفيق ان شاء الله ....

[gerrard888]

اشكرك استاذى حماد للتواصل
انا فقط اريد ابتدى بالاسهل
بمعنى انا متاكد المدار محتاج ظبط
لكن اريد استفيد من وضعية القطعه اقصى استفادة
معلش حتقل عليك ممكن اعرف ازاى ارفع القطعه عن طريق رفع الدراع معلش مش وصلالى

[Mr.M!DO]

ما معنى ملامسة القطعة للفلانشة

[gerrard888]

المشاركة الأصلية كتبت بواسطة Mr.M!DO

ما معنى ملامسة القطعة للفلانشة

يعنى نرفع القطعه لفوق حتى فيد القطعة يلامس الفلانشة

[عادل عامر]

http://www.masrawysat.com/vb/showthread.php?t=1595644

[gerrard888]

المشاركة الأصلية كتبت بواسطة عادل عامر

http://www.masrawysat.com/vb/showthread.php?t=1595644

تسلم ياحاج عادل عامر