[shikopc]

الصوره شغاله تمام والصوت لا يعمل نهائى

[shikopc]

من فضلكم ممكن رسم توضيحىى ل اى سى الصوت وازاى اقيس عليه الصوت

[shikopc]

من فضل الخبراء ارجو المساعده
وربنا يباركلكم فى كل حاجه

[م ربيع الجادورى]

اخى الكريم طالما لم تستطيع التعرف على ic الصوت يبقى اكيد حتتلف اشياء اخرى انت فى غنا عنها
من الافضل الذهاب الى اقرب مركز صيانه حفاظا على سلامتك اولا وسلامة جهازك
ارجو ان تقبل كلامى بصدر رحم

[shikopc]

اشكرك يا باشا على النصيحه ولكن انا عندى فكره عن باقى العناصر وعايز اتعلم
وبالنسبه للعطل انا غيرت المكثفات اللى بجوار سوكت السماعات والان الصوت يعمل عند الضغط على الشاسيه فما الحل

[حمدى البندى]

ياغالى لو حضرتك مش متمكن بالصيانة
عليك بالذهاب لاقرب مركز صيانة او فنى
متخصص حفاظا على سلامتك اولا ثم جهازك
ولو عايز تعرف عن مشكلة ايسى الصوت
اعلى القسم بالمثبتات

[shikopc]

شكرا يا باش مهندس بس هو الغرض من المنتدى ايه ؟ انا قصدى ان استفيد من خبره مصراوى سات ليه كل الناس بتنصحنى ان اروح مركز صيانه ؟

[حمدى البندى]

طيب ياغالى احنا اسفين وضح المشكلة اية معاك حاليا
واحنا انشاء الله نساعدك

[shikopc]

شكرا جزيلا للمهندس حمدى البندى المشكله دلوقتى ان صوت التليفزيون بيشتغل عند ثنى الشاسيه من ناحيه السوكت وتم قياس السوكت واصل وتمام لو بعد اذن حضرتك توضحلى ايه اللى ممكن يتسبب فى العطل ده وجزاك الله خيرا وانا بتاسف لحضرتك انا بحثت فى المنتدى مش لاقى اعطال شبيهه هو دلوقتى الصوت شغال تمام بس انا مش عايز اديه لصاحبه يفصل تانى لانه بيفصل لما يتحرك البورده والله يباركلك يا باشا

[وليد هانى]

شكرا مهندسنا الكرام على المتابعة
مشكلتك ياغالى فى فك لحام فى الايسى الصوت راجع علية بلحمات وتاكد من لحمات السمعات

[shikopc]

يا هندسه انا كنت طالب صوره ic الصوت فى بدايه الموضوع لوتكرمتم ممكن صورته فى الشاسيه علشان اتاكد منه والف مليون شكر على المتابعه

[وليد هانى]

ياغالى الشسهات مش زيى بعضها وللاسف معنديش صورة للبردة الجهاز
بس الايسى غالبنا بيكون جنبة سكوتات السمعات

[shikopc]

طيب هو 8 رجل صح كده والف شكر لاهتمامك

[وليد هانى]

ايوة ياغالى وراجع على الحمات
بتوفيق

[shikopc]

الف شكر لاهتمامك والله يصلح لك حالك واحوالك الحمد لله قمت بلحام الاى سى والصوت شغال 100/100