[mozeo]

ممكن اعرف الجهاز ده فين القسم بتاعه
وانى معالج ليه
والوصلة السوفت اسمها ايه 4 بن ولا اقدر اصنعها يدوى ولا اشتريها افضل
وازاى انزل كذا قمر عليه هل لابد من ملف قنوات ولا فيه طريقة تانية افضل عشان اقدر انزل اى قمر واشوف الاشارة بتاعته عند ضبط الاقمار



[IMG]http://*************/up/uploads/images/-656c3db11b.jpg[/IMG]

[م / سمير محمد]

جهازك معالج ali ويمكنك استخدام وصلة تحديث من اى جهاز تايجر او ستار سات الوصلة اللى فيها ترانزستورين و4 مقاومات وطريقة تشغيل الجهاز لو هتظبط علية اطباق يبقى افضل برمجة بعض ترددات القمر اللى انت عايز تشتغل علية منها الترددات القوية والضعيفة ولا تقوم بتحميل ملف قنوات لانة هيستهلك جزء كبير من ذاكرة القنوات يمكنك استخدامها لاقمار اخرى

[mozeo]

بس فيه عضو كان كاتب انه معالج GX

والوصلة اسمها ايه عشان انزل سوفت وير او ملف قنوات
اقوله ايه يعنى لفنى الدش

وانا عايز اظبط تردد قوى وضعيف للاقمار وانا مش عندى الاقمار
ازاى بقى هنزل القنوات وهى مش عندى لازم ملف قنوات صح

[م / وليد هانى]

المشاركة الأصلية كتبت بواسطة mozeo

بس فيه عضو كان كاتب انه معالج GX

والوصلة اسمها ايه عشان انزل سوفت وير او ملف قنوات
اقوله ايه يعنى لفنى الدش

وانا عايز اظبط تردد قوى وضعيف للاقمار وانا مش عندى الاقمار
ازاى بقى هنزل القنوات وهى مش عندى لازم ملف قنوات صح

انا مش فاهم حاجة أخى
وضح من فضلك

[mozeo]

الريسيفر ده معايا

الاخ سمير بيقوله انه معالج ALi

وكان فيه عضو كان منزل نفس صورة الريسيفر وواحد رد عليه قاله ده معالج GX

انى الصح
وبعدين انا عايز اطلعه السطح وانزل قنوات اقمار تانية مش عندى عشان اشوف قوة الاشارة
ازاى بقى لازم وصلة سوفت للصينى مش عارف اسمها ايه عند محلات الدش وتمنها كمان

[م / وليد هانى]

المشاركة الأصلية كتبت بواسطة mozeo

الريسيفر ده معايا

الاخ سمير بيقوله انه معالج ALi

وكان فيه عضو كان منزل نفس صورة الريسيفر وواحد رد عليه قاله ده معالج GX

انى الصح

هو فعلا فى الغالب جهازك معالج Ali وعشان نتأكد ارفع صورة من قوائم الجهاز

المشاركة الأصلية كتبت بواسطة mozeo

وبعدين انا عايز اطلعه السطح وانزل قنوات اقمار تانية مش عندى عشان اشوف قوة الاشارةازاى بقى لازم وصلة سوفت للصينى مش عارف اسمها ايه عند محلات الدش وتمنها كمان

موضوع انك تنزل قنوات تانية مش عندك ده
لازم فنى تركيبات عشان كل قمر وله قنواته الخاصة
والتركيبات ليس محتاجة لوصلة تحديث أخى

[mozeo]

انا هركب اقمار بنفسى

يعنى مثلا هركب الهوتبيرد

ومحتاج قناة zdf تنزل على الريسيفرعشان اشوف الاشارة

مش لازم ملف قنوات ولازم وصلة rs 232 للريسيفر الصينى عشان انزل ملف اقمار متحركة

[م / وليد هانى]

المشاركة الأصلية كتبت بواسطة mozeo

انا هركب اقمار بنفسى

يعنى مثلا هركب الهوتبيرد

ومحتاج قناة zdf تنزل على الريسيفرعشان اشوف الاشارة

مش لازم ملف قنوات ولازم وصلة rs 232 للريسيفر الصينى عشان انزل ملف اقمار متحركة

موضوع ان حضرتك تعمل ملف قنوات متحرك بالكمبيوتر
او يدوى دى ترجع لحضرتك
وبخصوص ضبط الهوت بيرد ( الاوربى )
أتفضل أفضل تردد
11747
أفقى
27500
3/4
هات اعلى إشارة لهذا التردد وسوف يعمل معك الباقى بكفاءة

[mozeo]

انتو مش فاهمنى ليه

دلوقتى عايز انزل اى قناتين من كل الاقمار عشان احرك الطبق واشوف الاشارة بس كده

ازاى بقى ينزلو على الريسيفر
مش لازم الاول وصلة السوفت بتاع الريسيفرات الصينى
عشان انزل ملف قنوات متحرك

[SHERFFAHMY]

لا يا غالى مش لازم وصلة سوفت ولا حاجة انت هتظبط الجهاز الاول على طبق يكون المدار بتاعه مظبوط و هتكتب اقوى تردد و اضعف تردد و تبحثه لكل قمر من الاقمار المهمة و هتبدا بالنايل و الاوروبى و هكذا و هتخلى من كل تردد قناة واحدة و تحفظ رقمها كام و تظبط عن طريق زرار الانفو فى الريموت وفى قسم التركيبات هتلاقى جميع المعلومات اللى بتدور عليها

[mozeo]

مفهمتش برضه

[م / وليد هانى]

المشاركة الأصلية كتبت بواسطة mozeo

مفهمتش برضه

أخى الفاضل احنا بنعرف حضرتك عايز ايه
بناءاً على كلامك
وحضرتك كلامك مش واضح
رجاء وضح لنا المطلوب واحدة واحدة عشان نقدر نفهمك
ومنقول لقسم التركيبات للإفادة

[mozeo]

المشاركة الأصلية كتبت بواسطة SHERFFAHMY

لا يا غالى مش لازم وصلة سوفت ولا حاجة انت هتظبط الجهاز الاول على طبق يكون المدار بتاعه مظبوط و هتكتب اقوى تردد و اضعف تردد و تبحثه لكل قمر من الاقمار المهمة و هتبدا بالنايل و الاوروبى و هكذا و هتخلى من كل تردد قناة واحدة و تحفظ رقمها كام و تظبط عن طريق زرار الانفو فى الريموت وفى قسم التركيبات هتلاقى جميع المعلومات اللى بتدور عليها

طب انا معنديش ف البيت غير نايل سات بس وعايز كذا قمر عشان انزل قناتين من كل قمر واظبط عليهم بس كده

[SHERFFAHMY]

لازم يكون طبق متحرك و يكون مداره مظبوط عند اى صديق

[mozeo]

مينفعش ملف قنوات على طول