ياترى أنا كان إسمى إيه؟؟ ياترى كان إسمى إيه؟؟

محمد فتحى الطباخ · #1 2014/12/23, 06:14 AM

ياترى انا كان اسمى ايه...؟؟؟
الله أكبر الله أكبر..أذان
-يارب.. يارب بحق ده الآدان تنجح يا سوسو يابن ابنى وأشوفك دكتور قد الدنيا
-ياجدتى بس أنا فى تجارة
-وماله يابنى هو يكتر علىربنا...... ده ربنا قادر على كل شئ
-ياجدتى ونعم بالله بس اللى بيطلع دكتور لازم يكون فى كلية الطب مش التجارة
-ياللا تجارة تجارة ..ومالها التجارة ..دى حتى التجارة شطارة..ده الله يرحمه جدك كان تاجر فى الوكالة أد الدنيا
-ياجدتى التجارة اللى فى الوكالة حاجة واللى فى الكلية حاجة تانية
-ع العموم شد حيلك أنته وانا أخلى جدك يخدك معاه الوكاله عشان تتدردح وتتودك فى السوق
-جدى إيه اللى هايخدنى معاه .....ده جدى مات من زمان ياستى
- عبد الواحد مات..ياحبيبى ياأخويا..-ياجدتى ده ميت من تلتين سنة
-تلتين سنه..ده العمر بيجرى ياولاد تصدق ولا حسيت بيهم....ياللا أهو غار فى داهيه....قطع وقطعت سيرته..ده كان بخل الدنيا فيه..أن ما عمره دخل عليه ببطيخة ولاكيس جوافة
-ياجدتى حرااام عليكى عايز أذاكر بقى
-يوه..وأنا ماسكاك ياوله..ذاكر ...ذاكرعشان ربنا يكرمك وتنجح وتاخد الدبلون
-ياجدتى دبلون إيه..أسمه البكالوريوس
-أنته هتضحك عليه ياوله..أسمه الدبلون الواد ابن فايزة جدع زيك كده فى مدرسة التجارة وخد الدبلون
-خلاص دبلوم دبلوم ياجدتى ..سيبينى بقى عشان أذاكر
-ذاكر ..ذاكر ياأخويا ذاكر... تعرف ياواد ..ندرن عليا يوم ماتنجح لأكون رايحه خاطبالك عبير بت رئيسه....دى إيه ياواد.. أدب- وأخلاق..وعلام كمان
-ياجدتى عبير دى معاها أعدادية
-وماله يابنى ...الراجل مايعبهوش إلا جيبه
-راجل ...راجل مين ياستى...عبير دى بنت
-عبير ...عبير مين ياوله..أنته بتعرف بنات من ورانا
-لا إله إلا الله....أبوس رجلك ياستى أرحمينى بقه
-طب ذاكر....ذاكر جتك نيله وأنته طالع براوى كده زى أمك....قطعت وقطعت سيرتها...أنامش عارفه أبوك كان أجوزها على إيه..حكم...قال لبس البوصة تبقى عروسة..بس واللى نبى النبى نبى لكون مبوظه الخطوبة دى ومجوزاه أنيسة بت أختى
-ياجدتى خطوبة إيه..أبويا مجوز أمى من خمسة وعشرين سنة ..وبعدين أنيسة دى بنت أخوك مش بنت أختك ..وأساسا إنتى ملكيش إخوات بنات
-صحيح ياوله ..أنته عندك حق أنا مليش إخوات بنات..أصلى أناأمى ماكنتش بتخلف صبيان
-حراااااااااااااااااااااااااااااااااام ..... .......جدتى ماتطلعى البلكونة شويه ...ده الهوا
حلو بره
-ولا اقولك روحى المطبخ ...أهو زمان أمى خلصت الرز
-رز...رز إيه يابنى....هوأنا ليه سنان للرز...أناهطلع البلكونه أحسن
-طب أبقى خلى بالك من الهوى ياجدتى
-هوى لما يلطشك
الحمد لله أخيرا خرجت وقدرت أذاكر .. رحت الأمتحان تانى يوم وربنا كرمني وحليت كويس لكن للأسف المراقب سحب مني الورقة قبل ما أكتب أهم حاجة فيها
ياترى أنا كان إسمى إيه؟؟ ياترى كان إسمى إيه؟؟

عمر السيد الديب · #2 2014/12/23, 01:14 PM

رائع بارك الله فيك

جلال العسيلى · #3 2014/12/23, 01:45 PM

بارك الله فيك اخى الكريم
على الطرح الطيب

helmy oscar · #4 2014/12/25, 12:39 PM

بارك الله فيك

abonada266 · #5 2014/12/31, 12:56 PM

بارك الله فيك

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ما السبب ياتري	sheryosman	كيوماكس 999 HD ( H1, H2, H3, H4, H5, H6, H7, H8 ,H9,H10)	5	2013/05/27 12:27 PM
ياتري من أي الأنواع أنت ؟!	slhshlby	الشعر و الخواطر	2	2012/12/17 02:13 AM