[محمد حجاز]

حسبى الله ونعم الوكيل فى الفنيين البلطجية
قصتى ببساطة إنى متابع منتدى مصراوى سات منذ عام 2006 وكـ "هاو" ولست "فنى" تكونت لدى فكرة عامة عن تركيب بعض الأقمار

وبفضل السادة المشرفين والأعضاء تم تركيب قمر أموس بدون أى مجهود يُذكر
المهم
قمت بشراء رسيفر ترومان "Truman 9090W Plus HD" وطبق بريفكس 1 متر فى شهر يناير 2014 "القمر الأوروبى سنتر ونايل سات

على مسطرة مكان التركيب "مدينة نصر" والفنى الأول الذى قام بالتركيب كان مضيع عدد 25 تردد لقمر الهوت بيرد وعدد 6 ترددات للنايل

سات لكن بفضلكم وبعد تركيب عدسات بريفكس جدد بسعر 20 جنيه للعدسة لـ 3 أقمار تم التقاط جميع الترددات بما فيهم تردد "11411" الخاص

بالهوت بيرد ولحبى للرياضة اشتريت عدسة جديدة لتركيب قمر "Eutesat w2 16 East" يوتلسات دبليو2 16 شرق وعند تركيب العدسة وبعد

محاولات كثيرة تم التقاط عدد 3 ترددات فقط فقمت بإحضار "فنى وهو ليس بفنى ولكن بلطجى" وقلت له قبل التركيب إن الهوت بيرد سليم

بجميع تردداته بحيث عند التركيب إن الهوت بيرد تردداته تضعف أو تختفى واتفقت معه على مبلغ "30" جنيه لتركيب العدسة وركب العدسة

الجديدة بجوار وأمام الهوت بيرد بـ"شريط لحام" وعند البحث عن الترددات الخاصة بالقمر وجد حوالى 10 ترددات فقط من 123 تردد وحجته

إن الرسيفر الخاص به لديه ملف قنوات قديم وأيضاً اصدار قديم وليس HD فقلت له مش مهم ولكن تأكد إن قمر الهوت بيرد تمام بما فيهم تردد

"11411" فوجدناه صفر فى المائة فقلت له رجع لى القمر مثل ما كان فقال لى هذا عيب من الطبق وليس منى فقلت له مستحيل هذا التردد يعمل

عندى فأستعوضت ربنا وعند دفع المبلغ الـ "30" جنيه قال لى لأ أنا عاوز "50" جنيه فقلت له ضيعت لى ترددات كثيرة بالهوت بيرد

ويوتلسات دبليو2 ففوجئت بأنه فتح شنطة العدة وطلع منها "كتر" وقال لى هاتدفع ولالالالالالالالالالالالالا
دفعت المبلغ وأشهد أن لا إله إلا الله وأشهد أن محمد رسول الله
وحسبى الله ونعم الوكيل

[HANYTITI]

مش كل الناس كويس
مش كل الناس حلو

[سامح م]

حسبى الله ونعم الوكيل

[محمود عزت حسن]

ياه هو فى ناس لسة كدا

[mohamed_boss_1_9]

بص يا سيدي الفاضل 16شرق صعب يجي كامل مع الأوروبي و لو جه لابد أنه يضيع ترددات في الأوروبي و ترددات في 16 شرق نظرا لقربهما الشديد
فالأفضل تركيبه على طبق لوحده

[mohmedelhanafi]

تم استقبل القمر يوتلسات10 و16 مع الاوربي كامل عشان ده مش فني ده بلطجي حرام يعمل مع الراجل كدة

[محمد حجاز]

بص يا سيدي الفاضل 16شرق صعب يجي كامل مع الأوروبي و لو جه لابد أنه يضيع ترددات في الأوروبي و ترددات في 16 شرق نظرا لقربهما الشديد
فالأفضل تركيبه على طبق لوحده

أنا أعرف هذا الكلام ولكن يوجد بعض السادة المشرفين والأعضاء استقبلوا القمرين بسهولة على طبق 1 متر ومنهم السيد المهندس/ طارق السقا ولذلك جبت الفنى لخبرته فى التركيب
وعلى رأى المثل "إدى العيش لخبازه حت إذا أكل نصفه" ولا أنا غلطان

[علاء نبيل محمد]

انتة ايل غلطان حضرتك لو كنت محتاج اى شيى فى التركيبات كنت ادخل قسم التركيبات واكتب مشاركة باى مشكلة عندك كنت هتلاقى رد سريع على مشكلتك

وفى نفس الوقت حضرتك لو دخلت على المواضيع المثبتة كانت مشكلتك اتحلت لان مصراوى واعضاء مصراوى مميزين جدااا فى مواضيعهم وايضا الصور بتتحدث عن نفسها كل ايل كان عليك تنفذ الخطوات ايل فى شرح المواضيع ولا فنى ولا غيرة لان حاليا تركيب الاطباق خلاص كل واحد بيركب لنفسة وانتة راجل محترم وبتفهم مش قصدى يعنى لك حساب فى مصراوى ومتعلم غيرك مش بيعرف نشكر ربنا وكويس ايل جت على اد كدة واديك بتتعلم

[NASSER BSSIONY]

والله لو حصل معايا كده كنت زقيته من على السطح وقضاء وقدر

[ايهاب محمد عز]

انا حصل معايا حاجة زى كده بس بالادب قالى هتدفع اكتر من اللى اتفقنا عليه او يهد كل اللى عمله ..... سعتها قررت اتحول لفنى محترف (انا محاسب ) ووالله عن طريق المنتدى العظيم ( مصراوى سات ) والسادة المشرفين حاولت اكتر من مرة وبقيت بفضل الله بركب لنفسي اى قمر واستغنيت عن كل الفنيين ...... شكرا مصراوى سات والناس المحترمة اللى في مصراوى سات

[سارة الإسكندرية]

هههههه انا متأكده انه بلطجي محترم وجأته صدمه منك لما عرف انك مركب قمر اموس الصهيوني لأنه مساند للقضيه الفلسطينيه** ياواد احمد ربنا انه مهشمش رأسك

[elsaid_eng]

حسبى الله ونعم الوكيل

[mohamed soror]

المشاركة الأصلية كتبت بواسطة محمد حجاز

أنا أعرف هذا الكلام ولكن يوجد بعض السادة المشرفين والأعضاء استقبلوا القمرين بسهولة على طبق 1 متر ومنهم السيد المهندس/ طارق السقا ولذلك جبت الفنى لخبرته فى التركيب
وعلى رأى المثل "إدى العيش لخبازه حت إذا أكل نصفه" ولا أنا غلطان

كلامك صح يا غالى الاستاذ طارق مركب التركيبة دى عندى على طبق متر بريفكس و الاوروبى كامل و اشاراته ممتازة و كذالك يوتلسات 16 اشاراته رائعة
لكن ده الاستاذ طارق راجل فنى من الدرجة الاولى و بيحب يعمل شغله صح الصح

[سيجما]

غريبه دى..
ده معندوش اخلاق

[يوسف علمدار]

حبيبى خد رايي وللكل اولا والله العظيم فى شباب من الى بركبوا صحون حرام خساره فى كلمه فنى لانه ما بعرف الالف من كوز الذره ثانيا يا اخى اذا اردت ان تركب صحن فعليك بالاطباق الكبيره صاحبه الاشاره الكبيره والترددات العاليه اما الصحون الصغيره فلا فائده منها وشكرا للجميع