احذرو شركة لينك adsl

خالد 2000 · #1 2013/02/24, 12:13 AM

السلام عليكم اخوانى
اليوم شركة الينك نصبت علية انا معاقد على 4 ميجا ب380 جنية
النت زى الزفت وجالى الفاتورة ب 481 جنية ازى ما اعرفش
لذالك قولت احذر اللى عايز يشترك ابعد عن الشركة دى

dr_chem · #2 2013/02/24, 12:41 AM

النت عموما فى مصر زى الزفت

محمد منصور محمد · #3 2013/02/24, 02:10 AM

انا مشترك مع لينك والنت زى الفل وصاحبى بيشكى هيا خطوط خطوط .. الحل غير خط التلفون واشترك بخط تلفون جديد وجررررررب تانى

abougouda78 · #4 2013/02/24, 10:30 AM

اقتباس:

المشاركة الأصلية كتبت بواسطة محمد منصور محمد

انا مشترك مع لينك والنت زى الفل وصاحبى بيشكى هيا خطوط خطوط .. الحل غير خط التلفون واشترك بخط تلفون جديد وجررررررب تانى

حبيبى مش قصة خط تليفون الانترنت عموما فى مصر من اسواء الخدمات مقارنة باقل دولة فى الشرق الاوسط والدول العربية
فمش تقول غير خط التليفون
لانة مشكلة سنترال ومشكلة بلاد بالكامل على السنترال ومراكز كمان مش تزعل على ربط خط الفييبر يعنى بمعنى اصح ممكن يكون الشركة فى المحافظة بالكامل بنفس المشاكل عموما 155 دا رقم المرفق اللى بتترعب منة اى شركة اتصلات اتصل واعمل شكوى وبهدلهم

يا هتاخد حقك منهم يا يتاخد لك حقك منهم بردو وكلة بالقانون

moh010 · #5 2013/02/24, 10:43 AM

انا مشترك مع لينك وشغاله تمام بجد فى مشاكل كتير فى السنترالات طب بلاش بش للبورت الى انته واخد منه خط التليفون الى النت شغال عليه هتلاقى عناكب وتراب وارف كل ده بيعزل النت ويخليه زباله شفلك حد من العمال بتوع السنترال واغمزة ب 20 وجيب حتته سيلك قطعه واحده من البوكس بتاع التليفونات الى الروتر الراجل هينظفلك البوكس ويركبلك السلك الجديد وشوف سرعه النت ولو المشكله لسه موجوده اتاكد من السنترال ان مفيش عزل على خط التليفون ولو فيه هيظبطوه برده وبعد كدا شوف النت هيبقى ازاى

تحياتى

qqqqqq25 · #6 2013/02/24, 10:45 AM

فعلا خطوط التليفونات من اسوء الخطوط فى توصيل النت المنزلى

alymuhammed · #7 2013/02/24, 10:52 AM

اقتباس:

المشاركة الأصلية كتبت بواسطة خالد 2000

السلام عليكم اخوانى
اليوم شركة الينك نصبت علية انا معاقد على 4 ميجا ب380 جنية
النت زى الزفت وجالى الفاتورة ب 481 جنية ازى ما اعرفش
لذالك قولت احذر اللى عايز يشترك ابعد عن الشركة دى

ياغالي خلي بالك في خدمة link max جديدة بتدفعلها فلوس زيادة اذا استخدمتها وممكن يكون حد استخدمها وانت متعرفش راجع صفحة الشركة على النت وهاتعرف

محمدsat · #8 2013/02/24, 11:27 AM

اقتباس:

المشاركة الأصلية كتبت بواسطة moh010

واغمزة ب 20 وجيب حتته سيلك قطعه واحده من البوكس بتاع التليفونات الى الروتر الراجل هينظفلك البوكس ويركبلك السلك الجديد وشوف سرعه النت
تحياتى

عفارم عليك يامعلم اغمزه ايه اسمها ارشيه

اه يا بلد عايزة ؟؟؟؟؟؟؟؟؟؟؟؟؟؟؟؟؟؟؟؟

moh010 · #9 2013/02/24, 03:02 PM

اقتباس:

المشاركة الأصلية كتبت بواسطة محمدsat

عفارم عليك يامعلم اغمزه ايه اسمها ارشيه

اه يا بلد عايزة ؟؟؟؟؟؟؟؟؟؟؟؟؟؟؟؟؟؟؟؟

حاول تروح للسنترال وتطلب عامل وشوف ايه الى هيحصل ابقى قابلنى لو مش قبل 6 شهور لانه على الكومبيوتر هيبان ان الخط محمل والتليفون شغال وهما ميهمهمش غير كدا فى السنترال اما النت دى بقى قصتك عرفت بقى بقوله 20 جنيه ليه علشان يخلص او يستحمل 6 شهور الى يريحه وده مش تشجيع للرشوة ولا حاجه بس هى دى للاسف مصر حتى بعد الثورة

Arafottaa · #10 2013/02/24, 04:37 PM

انا كنت مشترك فى تي داتا سرعه 512 ك المفروض سرعه التحميل كانت تبقى 60 كانت لما بتوصل 12 كنت برقص بلدي
غيرت الشركة للينك والسرعه 50 مش وحشه يعني
المشكلة ان البشاوات بتوع الدعم الفنى كان بيقولوا المشكلة مش متوقع لها معاد للحل

محمد منصور محمد · #11 2013/02/24, 06:11 PM

جرب تغير تيست التلفون ولو محدش سئل فيك من السنترال اتصل على 111 من التلفون الارضى والله وهتلاقيهم تانى يوم عندك ..غير تيست وان شاء الله تتحل المشكله زى ما اتحلت عندى

medous54 · #12 2014/12/30, 07:47 PM

النت في شركة لينك طلع فشينك

khaledelsheref · #13 2014/12/30, 10:29 PM

عايز اعرف لو اشتركت في طلقة 15 جيجا تي داتا هاتصفح واشغل فيديوهات بس مش هاحمل هتكفيني انا وواحد كمان معايا لاخر الشهر ؟؟؟؟؟؟؟؟؟؟؟؟؟؟؟

محمدزينهمhd · #14 2014/12/30, 10:40 PM

شركات النت كلها فى مصر زى الزفت

FOXBOTA · #15 2014/12/30, 11:54 PM

ياجماعه اللى في مصر دا مش نت دا مشروع نت وفشل

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ماهى أفضل شركة نت adsl	عزت مصطفى	كيوماكس 999 HD ( V1, V2, V2.2, V3 )	21	2013/04/10 07:23 PM