[mohamed2002]

مبدئيا الحمد لله علي كل شئ
اشتريت اقراص تبخير فوسفيد الالمونيم لتبخير الشقة للقضاء علي اي نوع من الحشرات واحكمت اغلاق الشقة جيدا وتركتها لمدة اسبوع وعندما عدت وجدت ما يلي
1-تلفزيون شارب 32 بوصة يعمل من الريموت فقط ولا يعمل من الزراير الجانبية
2-تلفزيون جولدي 21 بوصة يعمل من الريموت فقط ولا يعمل من الزراير الجانبية
3-غسالة ال جي بالمجفف 10 كيلو تعمل علي برنامج واحد وهو القطن ولا تستطيع تغير البرامج من البكرة
4-غسالة وايت ويل للاطباق مسبتة علي برنامج واحد ولا تستطيع اختيار بقية البرامج
5-ميكرويف دايو كونفيكشن 42 لتر شغال لكنه بيهنج الي حد كبير يعني علي سبيل المثال اللمبة الداخليةتعمل اثناء التشغيل فقط وعند فتح الباب لا تعمل
6-مكواة ماكسيل ديجتال علي كارتة بتفتح لكن مش بتقدر تختار برنامج او تنقص او تزود حرارة وبالتالي لا تعمل
7-جرس الشقة لايعمل
8-لمبة البيان اللي في التابلوة اللي بتوضوح وجود نور او لا مطفية
9-سخان غاز زانوسي 10 لتر لا يعمل
10-ماكينة حلاقة براون تعمل ببطيئ شديد لكن الحمد لله اشتغلت لوحدها
11-السشوار كان بطئ جدا ثم عاد يعمل جيدا
12- حلة الرز بها زر تسخين وزر طهي اصبحت تعمل علي التسخين وعند الضغط علي زر الطهي لا يضيئ وبالتالي تعمل تسخين فقط
13-ريسيفير ترومان فاصل خالص


من الواضح ان اي جهاز فيه كارته حصل في مشكله
ارجو الرد والافادة وهل الكارتات بتتصلح ولو كدة فين في الاسكندرية؟

[عتل34لا]

كان الله فى عونك

[mohamed2002]

الله يخليك

[م / وليد هانى]

اولا قدر الله وما شاء فعل
والحمد لله انها جت على قد كده
ثانياً انته هتنزل عند اى محل حدايد وبوايات
وهتشترى جركن ثنر من النضيف تمام
ويكون عندك بلاور هواء عشان التجفيف
واللى اهم من ده كله انك تكون هتعرف تفك الاجهزة دى وتركبها تانى بعد الاصلاح
وهتقوم بفك مثلا التلفزيون هتنظفه الاول من التراب بالبلاور
ثم هتقوم بغسل البوردة الرئيسية وبودرة البرست اللى فى مقدمة التلفزيون
وتغسلهم بالتنر وبعد كده هتجففهم بالبلاور
وهكذا مع كل جهاز
وان شاء الله كله هيبقى تمام

[mohamed2002]

المشاركة الأصلية كتبت بواسطة م / وليد هانى صدقى

اولا قدر الله وما شاء فعل
والحمد لله انها جت على قد كده
ثانياً انته هتنزل عند اى محل حدايد وبوايات
وهتشترى جركن ثنر من النضيف تمام
ويكون عندك بلاور هواء عشان التجفيف
واللى اهم من ده كله انك تكون هتعرف تفك الاجهزة دى وتركبها تانى بعد الاصلاح
وهتقوم بفك مثلا التلفزيون هتنظفه الاول من التراب بالبلاور
ثم هتقوم بغسل البوردة الرئيسية وبودرة البرست اللى فى مقدمة التلفزيون
وتغسلهم بالتنر وبعد كده هتجففهم بالبلاور
وهكذا مع كل جهاز
وان شاء الله كله هيبقى تمام

شكرا لردك لكن حضرتك متاكد من الطريقة دي فعلا ولا حتبقي احتمالية؟ وحضرتك شايف سبب المشكلة اية؟
انا طبعا لجئت للضمان للاجهزة اللي في الضمان
تبقي مشكلة
المكواة
الميكرويف
غسالة الاطباق
حلة الرز

[mohamed2002]

هل يحل السشوار او المكنسة الكهرباء محل البلاور وهل ينفع الاكاي؟

[mohamed2002]

منتظر منكم مزيد من الردود لان دي بجد مشكلة كبيرة ولو وصلنا لطريقة الاصلاح يبقي حلينا مشاكل كتير

[richard2006]

بجد كان الله في عونك وبالنسبه لسؤالك الاستشوار ولا البلاور. ف أنا أفضل البلاور لقوته الهواء عن الاستشوار

[mohamed2002]

المشاركة الأصلية كتبت بواسطة richard2006

بجد كان الله في عونك وبالنسبه لسؤالك الاستشوار ولا البلاور. ف أنا أفضل البلاور لقوته الهواء عن الاستشوار

شكرا لردك وفي انتظار ردود الزملاء المهندسين

[م / وليد هانى]

يا غالى
كل اللى احنا بنقوله لحضرتك ده عن تجارب
وفى نفس الوقت الجهاز امامك انته واحنا بنقولك الحل على حسب كلامك انته
فبعد كل اللى انته قولته ده سبب مشكلتك ان مبيد الحشرات اللى انته استخدمته ده
يوجد به مادة تعمل على التوصيل والاكسدة وهى فوسفيد الالمنيوم
فالحل هو التنظيف بالتنر ثم التجفيف الجيد فقط
وفى الاول والاخر احنا مش سحرة

[mohamed2002]

الحمد لله عرفت افك وش الغسالة واوصل للكارتة وهية مكونة من قطعتين
قطعة في زاير ولمبات حمراء
قطعة فيها شاشى ديجتال في حجم الصوبع وزرارين
انضفها ازاي ؟
عندي سشوار وكنسة كهربائية لازم بلاور؟

[م / وليد هانى]

اشتغل بالاستشوار عادى يا غالى
بس بعد متجفف البوردة سيبها نصف ساعة فى الهواء
وبعد كده قفل الجهاز تانى ووصله بالكهرباء عادى

[mohamed2002]

معلش تاني احط تنر في قماشة وامسح به جميع اجزاء الكارتة؟

[م / وليد هانى]

لا هات فرشة اسنان قديمة
وقم بوضعها فى الثنر ثم تنظيف البوردة بها

[mohamed2002]

انا جبت زجاجة تنر لتر وفرشاة اسنان وفكيت بوردة غسالة الاطباق وهية عبارة عن جزئين
وبحط تنر وادعكخت بفرشاة السنان بتتطلع مادة زي الكلة كدة
وكبيت علي زراير البوردة تنر وعلي طول جففت بالبلاور بس للاسف مفيش حاجة اشتغلت