[karimbo]

السلام عليكم ورحمة الله وبركاته
انا مركب عندي نايلسات واوروبي وبصراحة زهقت من فكرة اني كل شوية ادور على ماتش ملاقيهوش فده جنني بصراحة
شوية في كأس اسيا او افريقيا الاقي بداله تنس او تزلج رغم حبي للتنس بس انا عاوز اشوف الماتش يا جدع!!
شوية ادور على ماتش في كأس انجلترا او الرابطة او اغلب ماتشات الدوري الانجليزي ملقيش برضه!!
مصر بتلعب في اليد حلو .. لا مش حلو مفيش غير tvp على الاوروبي بتجيب ماتش واحد!!
طب اخرتها ايه؟؟
دلوقت طبعا النايلسات 7 غرب مهم

وعملت بحث على اغلب القنوات الرياضية للشيرينج (بدل ماهو عندي كده وزي قلته) اللي بتنقل اغلب الدوريات والبطولات لقيتها على اقمار
هيسيبسات 30 غرب
تيلستار 15 غرب
اموس 4 غرب
هوتبيرد 13 شرق
استرا 16 شرق
استرا 19 شرق

وكما هو معروف ان ماتشات دوري ابطال افريقيا وخلافه بتيجي على فيدات 7 شرق و 10 شرق

يخرب بيت كده ايه الزحمة دي؟؟

هل اجيب متحرك واريح دماغي من الهم ده كله؟؟
طب المتحرك بسترخمه في موضوع الماتور والازعاج والكلام ده كله وفي نفس الوقت مش عاوز طبق كبير اوي
متحرك 120 هينفع وهيجيب الاقمار دي بكل تردداتها؟؟
لو مش هينفع طب 160؟؟
والتكلفة عموما هتبقى كام بالظبط عشان افهم؟؟

طب لو ثابت .. بصراحة مكسوف اروح اجيبلي يجي تلت اطباق ولا حاجة واحتل السطح عشان استقبل الاقمار اللي عاوزها باعلى جودة واشارة واهم حاجة بدون فقد تردداااااات لأني بتعقد نفسيا لما بلاقي ترددات بتقع
طب لو طبق كبير عملته ثابت .. مثلا 160 ولا حاجة ممكن اركب عليه كام قمر منهم ويجيب كل الترددات بإشارات كويسة (اقصد بكل الترددات على الاقل كل ترددات الرياضة على القمر))

تساؤلات كتيرة ونفسي حد يفيدني .. ياريت من الخبراء يفيدوني بأكبر قدر من الاقتراحات لأن انا عارف ان في ناس كتير اوي بتحتار الحيرة دي واكيد الموضوع لو فيه اقتراحات كتير هتفدني وهتفيد غيري من الاعضاء

[عادل عامر]

طبق متحرك افضل طبعا يا غالى افضل وكلما ذاد القطر ذاد الاستقبال

[karimbo]

المشاركة الأصلية كتبت بواسطة عادل عامر

طبق متحرك افضل طبعا يا غالى افضل وكلما ذاد القطر ذاد الاستقبال

اولا شكرا لحضرتك على الاستجابة والرد
ثانيا كنت حابب اعرف لو انا دلوقت جبت طبق 120 وركبته متحرك هستقبل اقمار ايه وهتكون كاملة الترددات ولالا؟؟
والتكلفة كلها هتبقى كام بالنسبة للطبق مع الموتور وباقي الحاجات يعني الاسعار كلها هتبقى كام بالتفصيل؟؟

[karimbo]

ياريت يا جماعة الافادة لو جبت طبق 120 في متحرك اصلا منه دلوقت ولالا؟؟ ولو في هقدر استقبل اقمار ايه وهتكون كاملة الترددات ولا لأ؟؟
وبالنسبة للطبق 160 المتحرك موجود ولالا وبرضه هقدر استقبل اقمار ايه وترددات كاملة ولالا؟؟
وياريت مع ذكر الاسعار بالنسبة للاطباق والموتور ووحدة التحريك وخلافه؟؟

[maradona6000]

عشان تريح نفسك هات طبق متحرك 180 عشان الفيدات والتكلفة هتكون حوالي من 300 الي 400 جنية شاملة كل حاجة

[karimbo]

المشاركة الأصلية كتبت بواسطة maradona6000

عشان تريح نفسك هات طبق متحرك 180 عشان الفيدات والتكلفة هتكون حوالي من 300 الي 400 جنية شاملة كل حاجة

300-400 شامل الطبق 180 بالعدسة والموتور وجهاز التحريك وكله؟؟

[المعلم هشام]

المشاركة الأصلية كتبت بواسطة karimbo

300-400 شامل الطبق 180 بالعدسة والموتور وجهاز التحريك وكله؟؟

مستعمل طبعا"

[karimbo]

المشاركة الأصلية كتبت بواسطة المعلم هشام

مستعمل طبعا"

طب فين هلاقي مستعمل؟؟
دلوقت لو هجيب طبق 160 جديد مع الموتور ووحدة التحريك والعدسة هيتكلفو كام؟؟

[karimbo]

محدش له رأي يا جماعة؟؟

[Ramy2013]

180 افضل شيء
سعر الماتور و وحدة الحركه تقريبا 200

و الطبق حسب حالته لو مستعمل

و جديد يا ريت لو عرفت مكان تقولنا

[karimbo]

المشاركة الأصلية كتبت بواسطة Ramy2013

180 افضل شيء
سعر الماتور و وحدة الحركه تقريبا 200

و الطبق حسب حالته لو مستعمل

و جديد يا ريت لو عرفت مكان تقولنا

طب دلوقت لو ال 180 مش موجود ايه البدائل؟؟؟؟

[Ramy2013]

لازم تدور على 1.80 نصيحه لانه هو اكتر طبق تاخد منه نتيجه كويسه

[mr ramo]

اشترك شرعي ياريس وريح دماغك من الهوسة دي كلها

عالاقل تعليق عربي وجهازك معاك تشغلة منين ماتروح في اي مكان

[karimbo]

المشاركة الأصلية كتبت بواسطة mr ramo

اشترك شرعي ياريس وريح دماغك من الهوسة دي كلها

عالاقل تعليق عربي وجهازك معاك تشغلة منين ماتروح في اي مكان

مع احترامي لحضرتك ايه الغير شرعي في اللي انا بعمله؟
هو لو حضرتك انا جبت دلوقت طبق متر وركبت عليه قنوات اقمار شرقية مثلا مفتوحة يبقى ايه الغير شرعي في كده مثلا؟؟؟

[karimbo]

يا جماعة يعني طبق ال 180 مش متوافر وانا في الاساس مش عاوز طبق كبير
نرجع تاني لنقطة البداية .. هل طبق 160 متوافر ولالا؟؟؟؟
وبالنسبة لطبق 120 متحرك موجود ولالا ولا أي طبق 120 يتركب ثابت او متحرك؟؟؟
وبالنسبة لبعد اذنكم خبراء التركيبات هل الطبق 120 متحرك هيديني الاقمار دي بكامل تردداتها؟؟ واقصد بكامل تردداتها كل ترددات القنوات الرياضية على كل قمر منهم
هيسيبسات 30 غرب
تيلستار 15 غرب
اموس 4 غرب
هوتبيرد 13 شرق
استرا 16 شرق
استرا 19 شرق