[حنفى الطيار]

دايرة بور صينى فاصلة بور نهائى ارجوحل المشكلة الفيوز سليم والاربع سليكونات سليمة لاحظت مقاومة دهبى رصاصى اخضر بنى على وضع البازر بتنور ارجو الحل

[احمد باشا HD]

حضرتك تقصد رصاصى ولا فضى لان مفيش مقاومة فى الرسيفر بالالوان دى

[سامح الكينج]

وصل الرسيفر بالكهرباء واافصله واعمل قفلة علي المكثف الكبير بالجفت لو طلع تشرزه يبقي الايسي بايظ

[WALID85AYA]

في حالة انقطاع نهائي للباور يتبع الخطوات الاتية:
1 : فحص كابل الكهرباء المتصل بالريسفر او استخدام كابل اخر ( العطل بيكون منه احياناا) .
2 : فحص الفيوز والتأكد من سلامتها ..( او استخدام شعرة سلك بديل لها ) .
3 : فحص ال 4 سليكونات التوحيد وتغيير التالف منها إن وجد .
4 : فحص جميع المكونات حول ايسي الباور من مقاومات الوان + مقاومة الحمل . واي عنصر اخر كالزينر أو دايود اخر .
5 : تغيير ايسي الباور ...وللتأكد من تلفه كما قال الاخ : سامح الكينج بالضبط بيكون في هذا الحالة الايسي تالف أو مقاومة الحمل تالفة أو احد ارجل الشوبر من ناحية الايسي بها لحام مسرب يعني اللحام بيكون فك مثلاً .
6 : بعد القيام بتلك الخطوات السابقة / ندخل علي مرحلة ما بعد الشوبر وأول حاجة يتم فحصها هي السليكونات بعد الشوبر ..وأي سليكون به شورط أو أوبن ...بيقطع باور نهائي أيضا عن باقي الجهود الاخري في الدائرة .
.........وأخيرا اخي الكريم ......بخصوص المقاومة المذكورة في موضوعك ،،هي مقاومة فيوزية بقيمة 1.5 أوم ....علي ما أعتقد ان شاء الله وممكن ترفع صورة للدائرة للتأكد من ذلك .

[حنفى الطيار]

الف شكررررررررررررررر للعباقرة اللة ينور فعلا المشكلة كانت ايسى البور وانا اسف على التاخير

[حنفى الطيار]

فعلا انا عملت قفلة على المكثف الكبير وشرز

[م/احمد الســيد]

مبروك يا غالى

[WALID85AYA]

مبرووووك حبيبي نجاح العملية ...وعمل الجهاز من جديد

[محسن المصرى]

المشاركة الأصلية كتبت بواسطة سامح الكينج

وصل الرسيفر بالكهرباء واافصله واعمل قفلة علي المكثف الكبير بالجفت لو طلع تشرزه يبقي الايسي بايظ

مش شرط المكثف الكبير يطلع شرز يبقى الايسى تالف
عند تلف احد المقومات المجاورة لة المكثف بيشحن ويطلع شرز
وهذا عن تجربة