[بيرو]

اشتريت طبق ECC مستعمل من النوع القديم لاكن اثناء التركيب الاشاره ضعيفه مثلا تردد 11747 مش عايز يزيد اكثر من 65
بس انا شاكك فى طول الازرع انها ما مظبوطه
مقاس الطبق طلع 220 والعمق طلع 38
وطول الازرع الموجوده 80 من غير التنيات و85 بالتنيات
ارجو المساعده لو تكرمتو

[mahmouds111]

كان عندي نفس المشكلة وبفضل ربنا حلتها بعمل ثلاثة ذراعات جديدة عند الحداد والإشارة أصبحت تمام النمام

[بيرو]

تسلم يا باشا على ردك بس انا عايز اعرف الاول هى كدا الدرعات اليى موجوده الطوبل بتاعها مظبوط ولا لا
ولو هعمل درعات جديده المقاس هيكون كام بالظبط

[حماد]

85سم بدون التنايات......

[بيرو]

المشاركة الأصلية كتبت بواسطة حماد

85سم بدون التنايات......

تسلم يا استاذ حماد على ردك واهتمامك
يعنى كدا انا اعمل درعات جديده ولا ينفع ازود الدرعات الموجوده

[بيرو]

طيب حاليا انا جبت 3مسمار 10 سم وركبتهم فى الدرعات وقست الدراع بالمسمار طلع 89 سم بالظبط زى ما هو موضح فى الصور لاكن للاسف نفس المشكله الاشاره لازلت ضعيفه



ملاحظه الطبق اثناء نقله اتخبط مننا وحصل فيه انعواج وكسر بسيط لاكن تم تعديل الطبق عن طريق سمكرى ولحام الطبق بلحام حديد بارد وايضا تم وضع الطبق على السيراميك واستعدال الطبق
وزى ما هو بين فى الصوره الكسر قبل الاحام

ياريت مساعده اساتذتنا الكبار

[بيرو]

فى انتظار مساعده الاخوه الكرام

[عادل عامر]

كما قال اخى حماد الازرع 85 مظبوطة بدون التنيات

ولاكن تطويل الازرع بالشكل دة خطا لان الازرع هتكون مفتولة والفلانشة ميلة فى احد الاجناب
لازم ازرع جديدة
وطبعا الخبطاط هتاثر على الاستقبال الجيد

[بيرو]

المشاركة الأصلية كتبت بواسطة عادل عامر

كما قال اخى حماد الازرع 85 مظبوطة بدون التنيات

ولاكن تطويل الازرع بالشكل دة خطا لان الازرع هتكون مفتولة والفلانشة ميلة فى احد الاجناب
لازم ازرع جديدة
وطبعا الخبطاط هتاثر على الاستقبال الجيد

تسلم استاذ عادل
انا فعلاً عملت ازرع جديده طولها من غير التنيات 88 بالظبط وان شاء الله بكره هركبها ويارب تجيب نتيجه كويسه

[midomorad222]

وافينا بالنتائج ان شاء الله

[بيرو]

لاسف بعد تركيب الازرع الجديده نفس المشكله المدار مظبتش معانا مع ان كان معايا اثنين اصداقاء على خبره كبيره فى التركيب المدار من ناحيه الغرب تمام مثلا تردد 11747 على النايل وصل ميه فى الميه والهسباسات جاي لاكن عندما نذهب للشرق تقل الاشاره جامد تردد 11747 على العرب لا يزيد عن ستين فى الميه والتردد الاقوى 10924 على العرب 2 اقصا حاجه جاب 75 فى الميه ولو لفينا البولار شويه نحيه الشرق النايل بيروح مع ان بذلنا ما فى وسعنا من جهد
مش عارف الصراحه المشكله هنا فين

[krem12012]

لو سمحت يا غالي اشتريت الطبق بكام

[بيرو]

المشاركة الأصلية كتبت بواسطة krem12012

لو سمحت يا غالي اشتريت الطبق بكام

اشتريته هو والمتور 24 ب350 جنيه بس الطبق كان تمام افضل من ماهو ظاهر فى الصور لانه للاسف اتخبط منى وانا جايبه من عند اليى اشتريته منه