[fnann]

السلام عليكم ورحمة الله وبركاته
الكلام اللي هقوله ده لكل اعضاء المنتدي بجميع اقسامه
من اول ما انضميت للمنتدي وانا ملاحظ ان الاعضاء في المنتدي كل واحد مش بيهمه غير مصلحته يعني علي سبيل الميثال العضو مننا يدخل الموضوع يشوفه بيحكي عن ايه وياخد منه اللي هوه عايزه وسواء الموضوع عجبه او معجبهوش يكبر دماغه وميرضاش يعبر صاحب الموضوع ولو حتي بكلمة ( شكرا ) علي سبيل انه انجزله مصلحه وساعده في قضاء حاجته ايه الفايدة من الكلام اللي انا بقوله ده كله
اولا : طبعا انا عارف ومتأكد اني بكلم نفسي
ثانيا : الادارة مش هتقدر تجبر كل عضو انه يشكر صاحب الموضوع ولو علي سبيل التحفيز علشان يقدر يقدملك اكتر واكتر وميبخلش عليك بحاجه
ثالثا : عمرك سألت نفسك هوه العضو اللي بيساعد الناس دي من غير ما يعرفها اصلا هوه بيعمل كدا ليه هل هوه مستني منك اومني او من اي حد في المنتدي حاجه ؟ اكيد لا بس هوه لما بيساعدك اكيد مش عايز غير انك انتا وغيرك وغيرك تحسسه انه اللي تعب فيه ده وادهولك انتا علي الجاهز ليه قيمه وبيعرف منين انه ليه قيمة لما بيلاقي نسبة التحميل بتبقي با 100 و200 و1000 ومن هنا بيعرف ان الحاجه اللي عملها ليها قيمه بس ليه الناس مقلتلوش ان الحاجه دي مهمه وشكرا علي انك قدمتها لينا مجانا

رابعا : الناس اللي بتزعل دي انها بيتأخر عليها في تلبيت طلبها قبل اي حاجه طبعا خليك واثق ان لو في حد شاف الموضوع بتاعك وعنده طلبك لازم هيرد عليك بس ده ميمنعش ان في ناس ممكن تتجاهل طلبك لانها عارفه انها بتعب نفس علشان ناس مبتقدرش تعبها وانا مقصدش الادارة او التقييم انا اقصد اللي طالب الموضوع ممكن ميقدرش تعبه
انا اسف اني طولت عليكم في الكلام بس بجد الموضوع ده كنت عايز اقوله من زمان

[جابر احمد]

موضوع ممتاز اخى ولكن كل من يقدم المساعدة لا يتنظر اى شئ ولا ننظر الا لوجهة الله
وررضاة
وحتى يبقى مصراوى سات دائما فى المقدمة لاننا تعلمنا منة الكثير

[fnann]

المشاركة الأصلية كتبت بواسطة م/ جابر احمد

موضوع ممتاز اخى ولكن كل من يقدم المساعدة لا يتنظر اى شئ ولا ننظر الا لوجهة الله
وررضاة
وحتى يبقى مصراوى سات دائما فى المقدمة لاننا تعلمنا منة الكثير

والله انا مقلتش حاجه عكس كدا يا باش مهندس جابر بس شويه تقدير للعضو اللي تعب علشنا ولا ايه ومصراوي سات هيفضل ديما باذن الله رقم 1

[سيجما]

واللهى معاك حق برضو

[اشرف فتحى]

جزاك الله خيرا اخى الكريم

[moustafaabdou]

لانك فنان بمعنى الكلمة وصعيدى حر ،،راجل ،، شريف ،، امين ،، تعرف معنى الحق والحق اليوم يابن عمى بيزعل ناس كثير وكثير ،، فعلن ادخل على اى موضوع تجد الموضوع تم تحميل ذى ماقولت مائة او مائتين وتلاقى الرد عشره افراد فقط ويرسلون كلمة الشكر كأنهم يدفعون عليها فلوس ،،، ولكن دائما نتذكر أن الله خص ناس من البشر لقضاء حواج الناس هؤلاء لهم اجر عظيم عند الله ،، والاخوه هنا فى مصراوى سات لايبخلون على احد من شيئا ،، فمن يقوم باحضار سوفت وير للاعضاء ولاصحاب المهن ليأكلون منه لقمه عيش ورغم كده لايشكرون سبحان الله ،، او موضوع ملف قنوات اوصيانه وكل ده يعود عليهم بالخير ،، ولا تجد من يقول شكرا لصاحب الموضوع ،،فعلن حاجة تزعل ،،، والله يبارك فيك اخى فنان على هذا الموضوع الذى فعلن يستحق التقدير وتكلمت فيه قبل كده ولكن كان شيئا لم يحدث ولا نملك غير الدعوات للمشرفين وروساء الاقسام الذين لايبخلون على اى عضوا فى المنتندى من المساعده ،،بل بعض الاعضاء بتعتبر ده حق مشروع ويطلبون الطلب بطريقة سخيفه وانا باقول بعض الاعضاء لان اغلب الاعضاء محترمين وسيزيد احترامهم لما يقومون بالرد على صاحب الموضوع بالكلمات الجميلة والدعوات لانه بيفتح لهم ابواب رزق وهو سبب جعله الله لهم فى رزقهم ،، اسف انا على طول الرسالة ولكن واجب الرد والشكر والعرفان لكل من يعمل خيرا ،، وانا أعلم انهم لاينتظرون شيئا غير الدعوات واجرهم دائما على الله بارك الله فى عمرهم وصحتهم وزادهم نورا وعلما على علم

[عرفه سوهاج]

يكفى ان مصراوى بجميع افراده من اعضاء واداريين ومشرفين
على القمه والقمه لم تاتى من فراغ فهى بمجهود الجميع
وكل على قدر استطاعته سواء قدم شكر اولم يقدم

[chemical79]

كـــــــــــلام يحتـــــــــرم جداً .. جزيت الخير كله أخى الفاضل

[رمزى]

جزاك الله خيرا اخى الكريم