[masmas8]

بسم الله الرحمن الرحيم
أعضاء مصراوي سات الكرام
تحية طيبة وبعد
عندي جهاز spider sf 2007 عليه سوفت ترومان القديم أبو مربع عند الفتح شغال تمام جدا لكن ترددات السي بي سي جايبة إشارة لكن مش شغاله وحدثت ملف القنوات بأحدث ملف لكن برضوا مفيش فايده خالص وكمان تردد صدي البلد1 شغال لكن صدي البلد+ مش شغاله عملت بحث يدوي عن التردد ده نزل بس الأغرب تقلب تلاقي لا يوجد إشارة تضغط علي أوكيه تظهر الصور مصغرة في القائمة وتشتغل القناة لتخرج بره القائمة شغاله تيجي تقلب من بره القائمة تلاقي لا يوجد إشارة , بجد أرجو من الأعضاء المحترمين التفسير لهذه المشكله وفي إنتظار ردكم
وجزاكم الله خيرا كثيرا

[م/علاء يحيي]

حبيبى الغالى اعمل ضبط مصنع للجهاز ومتنزلش ملف قنوات وابحث يدوى وسوف تعمل معك القنوات طبيبعى ووافينا بالرد

[masmas8]

السلام عليكم ورحمة الله وبركاته
عملت زي ما حضرتك قولت بالضبط يا بشمهندش علاء , الأول بحث يدوي نزل حوالي 456 قناة وفيه متكرر بس مش كتير , ورجعت شفرت الجهاز تاني وعملت بحث تلقائي نزل حوالي 1068 قناة بس متكرر كتير أوووووي , بس لاحظت بالوقف علي النيل سات قبل البحث مفيش إشارة ولما بغير القمر ل اسيا سات 1 أو 2 بتيجي إشارة أبحث عليه ينزل 164 قناة والطبق مضبوط تمام وشغال عليه من فترة كبيره , معلش طولت علي حضرتك بس بجد عاوز أعرف إيه السبب لو ممكن
وجزاك الله خيرا كثيرا

[شعبان جمعة]

ياغالى مشكلتك بالطبق
جرب الجهاز فى مكان تانى ووافينا بالرد

[masmas8]

حبيبي أنا أصلا بركب أطباق من زمان يعني موضوع الطبق دي منتهي وكمان للعلم أنا مركب طبق برفكس 85 سم وعدسة أروين 4 مخرج شغال علي مخرج لجهاز هيروشيما فرجن 4 الأحمر في البيت وشغال تمام مفيش أي مشكله خالص وكمان خرج ليا أنا علي جهازي كامكس الكوري القديم بدون مفتاح بور وبتفرج عليه وبرضوا شغال تمام والمخرج الثالث ده اللي بجرب بيه وبدلت المخارج ومفيش أي حاجة جديدة وغيرت الطبق كله بتجربته علي طبق تاني مفيش أي تغيير خالص الموضوع خارج نطاق الطبق يا أ / شعبان , ونقطه مهمة لو الطبق مش مضبوط تمام التردد اللي ساقط مش هييجي قنوات في البحث عنه وأنا بقولك لحضرتك الجهاز بيكرر باقات بأكملها مرات كثيرة , ياريت بجد تعاون اكثر من الاعضاء الكرام وأسف لأني أطلت علي حضراتكم
وجزاكم الله خيرا كثيرا