[اسلام علي الريس]

انا قررت اشتري كارت الستالايت TeVii S464 DVB-S2 PCI وسالت عليه في التوكيل في عمارات العبور سعره 350 جنيه ياريت النصيحه قبل مااشتريه وايه رايكم فيه وهل فيه افضل منه في الكروت اللي بتدعم ال hd2

[sahaf]

كارت الستالايت TeVii S464 DVB-S2 PCI كارت كويس لكن أخي وعن تجربة مازلت أعيشها حتي الان بعد أن أشتريته من التوكيل ضماناً لخدمة مابعد البيع حدث أن توقفت مروحة البريسسور عن العمل فقلت أغيرها وأشتريت مروحة نحاسية تتطلب لتركيبها فك البوردة كلهابما عليها من كروت ولسوء الحظ وانا أفك كارت الدش المذكور تلخلخ أي سي من مكوناته فأصبح لايعمل يعطي أشارات 100% كواليتي وليفل لكن بدون قنوات إنزعجت طبعاً وأتصلت بالتوكيل في عمارات العبور حيث أنني أشتريته منهم من شهرين فقط وشحنوه لي لأني من محافظة بعيدة عنهم فردوا أبعته شحن تاني وبعد ان وصل أتصلت بهم قالوا كارتك وصل وخارج الضمان.ازاي ياجماعة أنا واخده من عندكم ماكملش شهرين قالوا سوء استخدام والله مالحقت أجربه علي برامج العرض وكل اللي حصل وأنا بأخلعه من البوردة إيدي خبطت في اي سي اللي بيقولواعليه ده وهوه الكارت طبيعي ضعيف في خاماته.المهم قلت العمل إيه دلوقتي قالوا إشتري واحد غيره إزاي ياجماعة ده يبقي حرام ومايرضيش حد وفين خدمة مابعد البيع أمال لو ماكنتش شاريه من التوكيل المهم بعد مفاوضات وتحايل وذل وبوس إيد إتفقنا إنهم يبعتولي واحد جديد وأدفع الفرق وحتي الان والكارت عندهم بقاله 55 يوم من تاريخ وصوله عندهم ولم يتم حل المشكلة وكل يوم أتصل وعشان خاطر ربنا وأتحايل طيب سيبنا يومين يعدوا اليومين تتصل طيب شوية نفكر 55 يوم .البني أدم لو حصل فيه أي حاجة بيتصلح وكارت الدش اي سي فيه ذلني.هذه أخي تجربتي مع هذا الكارت اللعينTeVii S464 DVB-S2 PCI وتوكيله شركة إيزي تكنولوجي في 5 عمارات العبور الدور التاسع شقة 4 وموظفيه الأستاذ/إيهاب والأستاذ/ محمد رجب الذين لا يعترفون بشئ إسمه خدمة مابعد البيع أو بشئ إسمه ظروف الناس فقط إرميه وأشتري غيره. ولا أقول سوي حسبي الله ونعم الوكيل في هذه الشركة بمن فيها وربنا يعوض علي.

[اسلام علي الريس]

شكرا علي ردك علي موضوعي بس المشكله حصلت عندك وانته بتفك الكارت وان شاء الله هتتحل بس ليه سؤال انته كنت شاريه بكام من التوكيل بتاعه لان ناس كتير بتقول 310 وانا لما اتصلت بيهم قالوا 350

[sahaf]

320 جنيه من أربع شهور بالشحن واليوم بعد المشاركة إتصلت عليهم وإتفقوا إنهم هيبعتولي واحد جديد وياخدوامبلغ 150 جنيه تاني ووافقت مضطر عشان أخلص من الموضوع الممل ده والواحد بيتعلم بالفلوس.ويارب يصدقوافي كلامهم.

[اسلام علي الريس]

حصل خير ياباشا اعتبر انك اشتريت كارت جديد ب150 جنيه DVB-S2 بس خلي بالك وانته بتفكه من مكانه تاني وان شاء الله نتواصل معاك بس لما اشتري الكارت ممكن ياباشا الاميل بتاعك علشان نتواصل مع بعض انا الاميل بتاعي [email protected]

[رائد الشاطر]

على فكرة التوينهان 410 عامل 110 وشغال زى النار اللهم صلى على النبى وبيفتح الاتش دى كمان ومفيش فى اى مشاكل وفر فلوسك احسن