[hany yasser]

بعد اكتشاف طريقة فتح القنوات بالموقع عن طريق الكوكيز
بالصدفة كنت بشوف بوست علي صفحة Bein ولقيت الموضوع ده

تعليق من أحد الأشخاص في صفحة القناة يقول لهم بالإنجليزية :
أريد أن اقول لكم أن هناك منفذ في موقعكم يمكنني من مشاهدة جميع قنواتكم HD
أنا فقط أريد أن أعرف لو أخبرتكم بالثغرة فيمكنكم اصلاحها
فهل ستدفعون لي ب PayPal ؟
لقد أرسلت لكم رسالة علي صفحتكم

ودي صورة التعليق


_________________________________



العيون كثيرة علي موقع مصراوي سات للأسف
وبكده أي طريقة جديدة لفتح القنوات سيتم الإبلاغ عنها وتتقفل
مفيش حد عنده أفكار وحلول للموضوع ده ؟

[karimbo]

مع احترامي الشديد لحضرتك هو المنتدى مداري يعني ولا بي ان سبورت داقين عصافير ومش عارفين ما يدور في النت؟؟!! ولا معندهومش browser ونت عشان يقدروا يدخلوا على الموقع ويشوفوا اللي هما عاوزينه؟؟!!!
بصراحة موضوع غريب ومش شايف ان بي ان سبورت يعني محتاجة تعرف حاجة عن ما يدور في المنتدى من خلال جواسيس وجو رأفت الهجان!!
يا باشا متكبرش الموضوع الدنيا ابسط من كده يعني مش مستاهلة كل ده

[hany yasser]

المشاركة الأصلية كتبت بواسطة karimbo

مع احترامي الشديد لحضرتك هو المنتدى مداري يعني ولا بي ان سبورت داقين عصافير ومش عارفين ما يدور في النت؟؟!! ولا معندهومش browser ونت عشان يقدروا يدخلوا على الموقع ويشوفوا اللي هما عاوزينه؟؟!!!
بصراحة موضوع غريب ومش شايف ان بي ان سبورت يعني محتاجة تعرف حاجة عن ما يدور في المنتدى من خلال جواسيس وجو رأفت الهجان!!
يا باشا متكبرش الموضوع الدنيا ابسط من كده يعني مش مستاهلة كل ده

بالراحة شوية يا فندم
مفيش داعي للدنيا مش مستاهلة وكده لإني مش داخل اتخانق
ولا قلت رأفت الهجان ولا مسلسلات
احنا بس ما صدقنا لقينا طريقة نتفرج بيها ومش عايزينها تتقفل
عشان الغلابة اللي زينا ومش مشتركين يقدروا يتفرجوا
القنوات دي يوم ما تحولت لبين سبورت قالوا هيكون سعر الإشتراك في متناول المواطن البسيط
وشوف دلوقتي سعر الإشتراك وصل كام
وفي طائفة كبيرة من الشعب ميقدرش يشترك ويدفع كل ده يبقي مفيش قدامه غير الطرق دي
عشان كده نفسنا تفضل شغالة والناس متبلغش عن الثغرات عشان متتقفلش

[karimbo]

المشاركة الأصلية كتبت بواسطة hany yasser

بالراحة شوية يا فندم
مفيش داعي للدنيا مش مستاهلة وكده لإني مش داخل اتخانق
ولا قلت رأفت الهجان ولا مسلسلات
احنا بس ما صدقنا لقينا طريقة نتفرج بيها ومش عايزينها تتقفل
عشان الغلابة اللي زينا ومش مشتركين يقدروا يتفرجوا
القنوات دي يوم ما تحولت لبين سبورت قالوا هيكون سعر الإشتراك في متناول المواطن البسيط
وشوف دلوقتي سعر الإشتراك وصل كام
وفي طائفة كبيرة من الشعب ميقدرش يشترك ويدفع كل ده يبقي مفيش قدامه غير الطرق دي
عشان كده نفسنا تفضل شغالة والناس متبلغش عن الثغرات عشان متتقفلش

يا فندم انا بوضح لحضرتك يعني ان المنتدى مش منتدى سري او في معزل واي حاجة هنا هتتشاف طبيعي يعني والتانيين مش هبل يعني ولا مغفلين مش هيعرفوا الثغرات وان المنتدى هنا هيفضحها!!!
يا استاذي الفاضل لولا المنتدى من الاساس حضرتك مش هتعرف ان في ثغرة او غيره وانا مش شايف ان موضوع بي ان سبورت مهم من الاساس يعني لكل الجلبة دي!!
وحضرتك طرحت الموضوع .. طب جميل .. هنتفرض ان كل الكلام ده صحيح وان بي ان سبورت بتعرف من خلال الجواسيس الموجودين في المنتدى .. ايه الحل؟؟
هنشفر المنتدى ولا نواجه الامر ازاي واساسا المنتدى هنا كمنتدى مش مصدر الثغرات؟!

[hany yasser]

المشاركة الأصلية كتبت بواسطة karimbo

يا فندم انا بوضح لحضرتك يعني ان المنتدى مش منتدى سري او في معزل واي حاجة هنا هتتشاف طبيعي يعني والتانيين مش هبل يعني ولا مغفلين مش هيعرفوا الثغرات وان المنتدى هنا هيفضحها!!!
يا استاذي الفاضل لولا المنتدى من الاساس حضرتك مش هتعرف ان في ثغرة او غيره وانا مش شايف ان موضوع بي ان سبورت مهم من الاساس يعني لكل الجلبة دي!!
وحضرتك طرحت الموضوع .. طب جميل .. هنتفرض ان كل الكلام ده صحيح وان بي ان سبورت بتعرف من خلال الجواسيس الموجودين في المنتدى .. ايه الحل؟؟
هنشفر المنتدى ولا نواجه الامر ازاي واساسا المنتدى هنا كمنتدى مش مصدر الثغرات؟!

أكيد أنا بعرف الإخبار من المنتدي وكلنا كده وبنحب ندخل علي مصراوي سات لإنه مصدر لكثير من معلوماتنا
لو حضرتك قرأت نهاية الموضوع هتلاقيني بسأل الأعضاء :
بكده أي طريقة جديدة لفتح القنوات سيتم الإبلاغ عنها وتتقفل
مفيش حد عنده أفكار وحلول للموضوع ده ؟

وعلي أي حال لو المشرفين شايفين ان الموضوع مالوش أهمية يقدروا يحذفوه لإن مفيش عندي امكانية للحذف

[saadsaead]

يعم اقرا المكتوب على المنتدى وانت تعرف مين مع مين

كل الناس شغال مع بن سبورت

[moodyemam]

معلش الحوار مش من مصراوى بس كل المنتديات و صفحات تانية بتنزل الكوكيز يوميا
واكيد bein عارفة و لو لقوا طريقة يقفلوها مش هيستنوا

[صقر الأقصى]

تقريبا مصراوي مثله مثل باقي جميع المنتديات بينزل الكوكيز وانا مثل ما بنزله بمصراوي بنزله بكافة المنتديات يعني الموضوع مش حكر لمصراوي عفكرة وهذه الثغرة هي من صنع قنوات بين سبورت شخصيا هذه الفترة هي نهاية الموسم ولا تنسى اغلب الاشتراكات السنة الي فاتت كانت في هذا الشهر عشان كاس العالم يعني فترة اعلانية وترويجية لقنوات بين سبورت لا اكثر

[wael_1]

يا ريت يا جماعة ننسب الفضل لأهله انا من اكتر الناس المحبه لمصراوى سات واستفدت منه زيكم لكن موضوع الكوكيز ده الفضل فيه لشادى والله انا ما اعرفه شخصيا لكن ده حقه انه افادنى زى ما كل واحد فيكم فادنى انا فاكر اول ما نزل موضوع الكوكيز ده على ميكروتيك الساده المشرفين هنا كانوا بيقفلوا الموضوع لأى عضو ينقل الطريقه من مدونة شادى لأنهم كانوا مفكرينها نصب وعقبال البين ما ترجع على الشير تانى يا ريت الكونيكت تفضل شغاله

[DmgRoxx]

BeIn مشغله ناس لمكافحه الهاكرز بكل انواعه ف مش احنا البنعرفهم يعنى نفس الكلام على دهوك مش احنا المعرفنهم حوار دهوك هم ليهم طرقهم ال اكيد متطورة عننا بكتير

[فــــــــــرج باشــــــــــا]

المشاركة الأصلية كتبت بواسطة karimbo

مع احترامي الشديد لحضرتك هو المنتدى مداري يعني ولا بي ان سبورت داقين عصافير ومش عارفين ما يدور في النت؟؟!! ولا معندهومش browser ونت عشان يقدروا يدخلوا على الموقع ويشوفوا اللي هما عاوزينه؟؟!!!
بصراحة موضوع غريب ومش شايف ان بي ان سبورت يعني محتاجة تعرف حاجة عن ما يدور في المنتدى من خلال جواسيس وجو رأفت الهجان!!
يا باشا متكبرش الموضوع الدنيا ابسط من كده يعني مش مستاهلة كل ده

تمام اخى الكريم

[فــــــــــرج باشــــــــــا]

المشاركة الأصلية كتبت بواسطة wael_1

يا ريت يا جماعة ننسب الفضل لأهله انا من اكتر الناس المحبه لمصراوى سات واستفدت منه زيكم لكن موضوع الكوكيز ده الفضل فيه لشادى والله انا ما اعرفه شخصيا لكن ده حقه انه افادنى زى ما كل واحد فيكم فادنى انا فاكر اول ما نزل موضوع الكوكيز ده على ميكروتيك الساده المشرفين هنا كانوا بيقفلوا الموضوع لأى عضو ينقل الطريقه من مدونة شادى لأنهم كانوا مفكرينها نصب وعقبال البين ما ترجع على الشير تانى يا ريت الكونيكت تفضل شغاله

لا طبعا مش شادى
لان شادى بيهتم بث بموقعه مش بمصراوى
وياريت بلاش تنسب انت الفضل لغير اهله لان شادى ده اصلا
عمره ما قدم حاجة ابدا لمصراوى واعضاء مصراوى هما اللي ليهم
الفضل في وضع كل جديد للمنتدى وملفات الكوكيز معروفة من فترة
بس باين ان حضرتك مكنتش متابع معانا

[hany yasser]

قنوات Bein غيرت نظام البث علي الإنترنت لنظام جديد لا يعمل علي الكروم ويعمل ببرنامج Silverlight ووداعا للثغرة
رابط الموضوع :
http://www.masrawysat.com/vb/showthread.php?t=1889295