[waheed]

اخوانى فى الله انا اعلم مدى حبكم لهذا البلد ولا يحرق دمنا الا اللى نهبوا اموالنا وهناك حلان لرد هذة الاموال وانا كتبتهم من قبل فمن يجد عندة حل اخر يا ريت يطلعنا علية -----الاول ----وهو كما عملتة نيجيريا حيث انها فاض منها الكيل لعودة فلوسها ممن سرقوها ولما يئست اتفقت مع جميع البنوك بان تتقاسم معهم الفلوس للبنك الثلث وللدولة الثلثان وحبس جميع المتهمين مدى الحياة --------- الحل الثانى --يتم بناء عنبر ىفى وسط الصحراء على مساحة فدان محاط بسور ارتفاعة 15 متر فى منطقة معزولة ويتم تجميعهم ولا يوجد اى وسائل ترفهيه لهم وتكون اخبار العالم معزولة عنهم ونترك لهم فاس وكوريك ان مات احد منهم يتم دفنة بطريقتهم ويتم ارسال الطعام لهم مرة فى الاسبوع وخلى الملايين اللى جمعوها تنفعهم فى هذا المنفى ---ما رايكم

[عبدالحميد السيد]

التانى احسن

[IEGYPTION]

اولآ معظم البنوك حرامية وثانيا الحل التاني ظالم ودكتاتوري احنا عاوزين نعيش في سلام مش وجبة كل اسبوع خليك مثقف الماء الشخص مايقدر يستغني عنه ثلاث ايام والطعام خمسة وانت بتقتلهم اذهب الي جهنم يا لول

[waheed]

المشاركة الأصلية كتبت بواسطة iegyption

اولآ معظم البنوك حرامية وثانيا الحل التاني ظالم ودكتاتوري احنا عاوزين نعيش في سلام مش وجبة كل اسبوع خليك مثقف الماء الشخص مايقدر يستغني عنه ثلاث ايام والطعام خمسة وانت بتقتلهم اذهب الي جهنم يا لول

الاخ المصرى ---هذا المنتدى محترم جدا وانا اتعامل معة منذ اكثر من 4 سنوات وانا قلت الفكرة فاذا كان عند فكرة فياريت تقولها هذا من ناحية من الناحية الاخرى اية التفسير الغريب اللى انت كاتبة او انت فهمتها ازاى وهل جميع البشر فهموها بشكل وانت لوحدك فهمتها بشكل اخر -----اولا اذا كانت البنوك حرامية فمثلا لو عندهم 30 مليون هما يخدوا 10 واحنا ناخد 20 يبقى مين اللى استفاد الحرامية ام احنا ---يا سيدى حرامية حرامية بس اعطونا فلوسنا ----تعالى للحل الثانى وانت تقول ظالم ودكتاتورى فيا اخى انت غريب فعلا فلهذة الدرجة انت لم تفهم ما كتبتة --ماء اية وطعام اية ياسيدى انا قلت نرسل الطعام اسبوعيا ولم اقل وجبة اسبوعيا بمعنى نقدر اكلهم طوال الاسبوع ومش لازم اقول ان بها وجبات جافة وهما يطبخهوا بمعرفتهم اما عن الماء مش لازم اقول لك ان العنبر يكون بة فتطاس ماء ---------فعلا انت غريب -وانا رديت عليك فى المداخلة السابقة بعنوان اعدام الثلاثة ----واخيرا يا اخ مصرى ---ما معنى قولك اذهب الى جهنم يا لول --على العموم ساترك الرد للاخوة المراقبين -منتظرا الرد منهم

[صبرى أبوهاشم]

اشكرك على موضوعك الجميل
أقترح
أن تستخدم الدولة كل ثقلها فألأموال أموالها
يعنى كما كان يفعل أمن الدولة فى ألأسلآميين سابقاً يُتخذ نفس ألأسلوب مع هؤلآء و
والخطأ الذى وقعت فيه الدولة هو تصعيد المشكلة من البداية
فكان يجب من سُكات وبهدوء أجبار كل المتورطين على سحب أرصدتهم من الخارج ودخولها مصر طواعية وبكل هدوء
وهذا يجنبنا مشاكل كثيرة لو تحدثنا عنها قد نحتاج الى عشرات الصفحات من الكتابه
لكن نعمل هُليلة وفضيحة فى العالم عن هذهِ ألأموال فأعتقد أن هذا ليس من الحكمة فى مثل هذهِ ألأمور
فالحرامى اللى قعد 30 سنه لآزم تعرف أن لديه من الخبرة وألأنياب للحفاظ على نفسه وأمواله
وشخصيه كهذا لآيفلح معها غير أساليب أمن الدولة للضغط عليها وبسرعة وفى سرية تامة حتى تنتهى ألأمور
بعدها يبقى نقول حراميه وغيره مش تفرق لأننا سنكون فى مرحلة ألأمآن
الله يرحمك ياسادات ياذكى يامدرسة فى فن السياسة

[waheed]

الاخ صبرى كلامك سليم وكذلك مداخلاتك ممكن الاستفادة منها ولكن يا سيدى لن تنفع السرية فى هذا التوقيت خاصة شباب الثورة معندهوش صبر ---اما عن السادات الله يرحمة واللى اغتالوة بين يدى الله ---وحسبى الله ونعم الوكيل فيهم