[mando010]

أنا فاكر زمان وأنا طفل صغير كنت بسيب المدرسة وأمشى فى الشارع

علشان أمارس مهنة الصيانة
يعنى كنت بروح عند أى واحد عجلاتى وجمع بواقى أى حاجة واقعة وأخدها البيت
كنت لما أشوف جهاز قدامىأتهبل علية وعايز أجيبة
لزما أشترى عربية بمتور وأفكها
أفك أى لعبة قديمة
مرة عملت جهاز وبسلك عريان دخلت الفيشة فى الكهرباء
بفكر أذاى فى يوم من الأيام أتعلم حاجة جديدة لسة محدش عملها
كنت بجيب أى مود كيمائية وأضربها فى بعض

غريزة غريبة
وولع وتشويق وأثارة
مش بتابع غير أفلام الخيال العلمى والفانتازيا
حلمى المستحيل
كان انى أشتغل فى وكالة ناسا
على الرغم من كل دوة
درستى كانت فى القانون
بس بعد كدة معرفتش أقاوم اغراء الالكترونيات
السر الغامض فى الالة
الذكاء الصناعى
التفكير والتفكير
متعة تصليح جاز بايظ
بصمة فى كل شفلانة أنا بعملها لحد
مين تانى
عايز يشركنى فى ولعى
أنا دلوقت بتعلم صيانة التلفزيونات والشاشات
الراجل الى بتعلم معاة
فضلت أتحايل علية سنة وأكتر
مش بيعلم حد لما عرف شغفى بالتكنولوجيا علمنى
ياريت الى عندة شغف يشركنى بية
ونحط عين على الماضى وعين على المستقبل

[م / وليد هانى]

ده مش اول موضوع اشوفه ليك
وعاجبنى اصرارك وحماسك
بس خد بالك فى خط رفيع بين
حب المعرفة و الإستطلاع وبين المجازفة

[mando010]

لزما مجزفة فى المهنة مثال لو انقرضت شغلانة الدش هنعمل أية ذى مالطبق المتحرك
أنقرض
لزما نكون مستعدين للجديد

[shrifstar84]

انا لاأتفق على المجازفه ولكن اتفق معه على العلم فلابد عندما يقوم اى شخص بأى عمل ان يتعلم فى البدايه وانا على فكره بحب نفس المجال لكن مقدرتش اوصل ليه والى الان احبه لكن دون مجازفه وحضربلك مثال بسيط هل الكل يعلم مدى قوة الكهرباء التى يوصلها التلفزيون والليون للشاشه وهل ينفع المجازفه مع كهرباء عاليه دون علم لونظرت خلف ومعظم الاجهزه الالكترونيه حتلاقى مكتوب تجنب فتح الغطاء خطر ضغط عالى حتى لاتصاب بصدمه الكترنوك شوك ولكم كل التقدير

[سيجما]

انا كنت افظع منك..
وكان حلم عمرى ادخل كليه علوم
قسم فلك
علشان اكون رائد فضاء..

بس النصيب التدريس بقى

[bebo606]

للأسف الشديد نظام التعليم الفاشل في مصر منذ القدم وحتى الآن

هو السبب في ضياع الكثير من قدرات شباب مصر والمعروف بأنه من أزكى الشباب في العالم ( طبعا كلامي عن شباب زمان )

والله وانا صغير كان يستعين بي اخوتي وأهلي في تصليح بعض الأشياء مثل ( الراديو - المكواة - الساعات - بعض المشاكل الصغيرة في التليفزيون وحاجات كثيرة غير ذلك )

وطبعا كل دا كان بدون دراسة ولكن هواية فقط تخيل حضرتك لو موجود نظام دراسي في مصر ساعدني على تنمية قدراتي البسيطة وانا صغير كنت من علماء هذا العالم في مجال التكنولوجيا

لكن نعمل ايه لنا الله

تحياتي وتقديري لحضراتكم

[فهد1153]

عندك حق الصيانه والدش والرسيفرات عالم واسع عايزين اللى يطير ويتخيل ويبقى مخه واسع والاطلاع على كل جديد

[mista22]

بص لو لقيت حد ناجح فى اى مجال لو رجعت ورا شويه اكيد هتلاقى لحظات خاض فيها مجازفه علشان كدا وصل والكلام دا بشكل عام
لو حد حب مجال اكيد هيعطى وهيبدع فيه بس هى الفرصه تيجى
صدقنى موضوعك جه قدامى بالصدفه فى وقت كنت محتاج حد يقولى الكلمتين دول ويشجعنى وربنا يوفقنا كلنا يارب

[ahmednada527]

صيانة الالكترونيات عموما ليس لها حدود وتحتاج الى نسبة ذكاء عالى وحب استطلاع وبعض المجازفة والجرائة

[بيزوووووو]

انا بحب النوعية اللى زيك بجد وبحترمهم جدا

ربنا يوفقك ان شاء الله

[mando010]

الشىء صعب بالنسبة لنا ان احنى بنشتغل بدون دراسة والشغل بيعتمد على التجربة
والمشكلة فى عالم الدش ان التغيير بطىء جدا وقاتل
يعنى أنا فاكر أيام كأس العام وكمان لما معامل الترميز أتغير وبقى6/5
كانت أيام كويسة
بس دلوقتى الشغل يوم ويوم وأنت ورزقك على الله
يعنى لو فية أى تغيير مثلا 50 قناة hd تنزل
مثلا النايل سات ينزل القنوات الجديدة فى أوقات معينة
بس للأسف فين وفين لما يحصل كدة
مفيش جديد
وكمان الشغل بتاعنى تجربة شيل وحط ولا حد فاهم حاجة
معتش أطباق متحركة
الحمد لله ان احنى لقينى شغلانة
ناكل من وراها عيش
بس ماذا لو
الشغلانة أتلغت أو بقت موضة قديمة؟؟؟؟؟؟؟؟؟؟؟؟

[mando010]

أنا عندى قصة عن واحد صديق
كان شغال فى مجال وكان أول واحد يتاجر فية
دلوقتى حالة أختلاف تماما عن بداية حياتة
هى المشكلة ان احنى بنستنى الفرصة تيجى مش أحنى الى بنخلقها
بسبب التعليم الفاشل
الغرب هما الى بيصنعو الأجهزة ويخرجو لينا تكنولولجيا جديدة وأحنى متفرجين
ونصقف

[amrlion]

المشاركة الأصلية كتبت بواسطة سيجما

انا كنت افظع منك..
وكان حلم عمرى ادخل كليه علوم
قسم فلك
علشان اكون رائد فضاء..

بس النصيب التدريس بقى

زيك تيبكال

فى كل حرف كتبته

ولن ازيد

[يوسف ماضى]

لكل مجتهد نصيب

[أبو نورسين]

والله فيه شباب كتيير زيكم
لكن المشكله فى :
وزارة البحث العلمى - موظفين روتين ودفاتر
ميزاية الدوله : مفيش ميزايه - وبصراحه معاهم حق
رجال الأعمال : الأحتكار وحب السيطره والخوف من المجازفه
والاخير : ا احنا مش بنحب الخير لبعض
فيه حد عنده اعتراض

طيب ايه رأيكم ا كل اللى قولتوه أنا عشته وجربته
وعندى نظريه وهى :
ان ممكن الواحد أو الأسره أو المجموعه تطلع القمر الصبح وتيجى للارض قبل المغرب
يعى يطلعوا القمر الساعه 6 صباحا ويمكثوا على القمر لمده ساعه تقريبا - زى الغدا وشرب الشاى مثلا
ويعودوا للارض عند أذان المغرب
اه والله

نظريه حسبتها فلكيا ورياضيا وعلميا وفزيائيا وكله بالمعادلات
والحمد لله صح

أخيرا لى ولكل عربى - لنا ربنا

تحياتى لكم