[احمد سنجر]

السلام عليكم، عندي ريسيفر ترومان 190x جالي قاطع عمودي، التيونر عليه خرج 19 فولت علي الجنبين h وv وخط ال3.3 بيصفر مع الأرضي وكنت عطيتله سوفت اصلي وملف قنوات ونفس المشكلة

[مستر ابراهيم فوزى]

مبدائيا كده اتأكد من القياسات

لو ال 3 بيصفر مع الارضى الرسيفر مش حيفتح معاك اصلا

[Moh-elkzaz]

تسلم مشرفنا المميز على الرد والمساعده
وبالاضافه الى رد مشرفنا العزيز مستر ابراهيم فوزى
عن ثبات القطبيه فى الجهتين h/v
يعني نقدر نقول السويتش اللى بيحول القطبيه h/v
زى lm317 وفى بعض الرسيفرات تختلف شكلها ورقمها المهم بياخد الامر من المعالج
بيكون على الخط بتاعه مقاومات اشكال مختلفه على حسب نوع الجهاز
بتربط بين السويتش او منظم الجهد للبروسيسور
كل ده لازم يكون سليم

[احمد سنجر]

كل جهود دايرة الباور سليمة وغيرت المكثفين ال1000/25 ومكثف خط الخمسة فولت، والريجيلوتر قياساته سليمة، المشكلة إنه مشغل كل الh وقاطع كل الv

[العملاق للشفرات]

جرب دايره بور اخرى حتى لو الجهود سليمه لحصر العطل واعمل بحث على اى تردد (v) ووافينا بالنتيجه
وارفع صوره للبرده اخى

[Moh-elkzaz]

المشاركة الأصلية كتبت بواسطة احمد سنجر

كل جهود دايرة الباور سليمة وغيرت المكثفين ال1000/25 ومكثف خط الخمسة فولت، والريجيلوتر قياساته سليمة، المشكلة إنه مشغل كل الh وقاطع كل الv

سلام عليكم، عندي ريسيفر ترومان 190x جالي قاطع عمودي، التيونر عليه خرج 19 فولت علي الجنبين h وv

ماتخرجشي بره الموضوع الفولتيه 19 كافيه لتشغيل الــ LNB
سواء ان كان V 13
او H 18
وبرضه على التون 19/14 ان كان فيه سويتش وعدد اكتر من LNB
السؤال هنا فين الـ 13 فولت لتشغيل الـ V والمسؤول ترانسستور
او 2 ترانسستور واحد للـ V والتاني للـ H
او 3 ترانسستور واحد مسؤول عن 2 بعد منه
على حسب كل بورده وكمان ممكن تكون مقاومه جايه بتربط بين البروسيسور وترانسستور متفهمش
ممكن حضرتك بكل سهول ترفع صوره حلوه زي موضوعك الحلو ده
ومساءك بيضحك

[احمد سنجر]

للأسف حالياً مش متوفر معايا بوردة شغالة كل اللي عندي قطع غيار ودي صورة البوردة

[Moh-elkzaz]

المشاركة الأصلية كتبت بواسطة احمد سنجر

للأسف حالياً مش متوفر معايا بوردة شغالة كل اللي عندي قطع غيار ودي صورة البوردة

ده المفروض LM317 عنصر اساسي فى تبديل القطبيه
ممكن يمرر الفولت كامل او يفصل خالص فى حاله انه تالف
ابدأ كده الاول

والدايودات ال 1 أمبير اكشف عليها جنب التيونر

[adhmsat]

المشاركة الأصلية كتبت بواسطة FREDROKSON

ده المفروض LM317 عنصر اساسي فى تبديل القطبيه
ممكن يمرر الفولت كامل او يفصل خالص فى حاله انه تالف
ابدأ كده الاول

والدايودات ال 1 أمبير اكشف عليها جنب التيونر

طيب يا هيثم باشا قوله على الفولتات على lm كام الاول

[Moh-elkzaz]

المشاركة الأصلية كتبت بواسطة adhmsat

طيب يا هيثم باشا قوله على الفولتات على lm كام الاول

هوا عمتا العيب في حاجتين عند الراجل
احيانا فى البورد القديمه
محتاجه تعرف الاول الفولت دخل وخرج على الـlm317 وخرج التيونر دي الخطوه السهله
وبعد كده الخطوه التانيه اللى انا لسه مكتبتهاش
الفولتيه اللى جايه من البروسيسور على واحد من الترنسستورات الطبع جنب الـ 317 بعد ما
البروسيسور قرأ معلومات القناه v يقوم يدي فولتيه للترانسستور تلاقى على رجل البيز بتاعته فولت
جاى من البروسيسور شايل امر v يفتح يقوم الجهد بدل من 18 يتحول الى 13
اما عن 317
طريقه القياس الرجل اللى فى النص الخرج الفولت والشمال دخل واليمن ارضي وبيشتغل 1.25الى V37 V
وفولتيات الاشاره على كارته الباور معروفه عند الجميع وانت ايضا تعرفها كويس جدا
وكل فنى ليه دماغه شغال بيها تفرق وانا منهم بشتغل بدماغى
ولو حد عاوز مساعد بقدمله المساعده بدماغى

هو حضرتك صاحب الموضوع كلفك ترد مكانه


ولا اصلا عاوز تعرف دايره الاشاره والـ lm317 بتشتغل ازاى؟

اعمل موضوع جديد لو عاوز تعرف حاجه فى القسم وهتلاقى ردود واجابات

لو عاوز ترد على موضوع لو سمحت رد باجابه تنفع الناس
ومتعلقكش على حد وتعمل عليه سييد العارفين
الناس مختلفه ومش كل الناس تتقبل اى تعليق على كلامها وانا منهم
كنت عاوز اتجاهل ردك لكن مش من عادتى
والرجاء عدم التعليق على ردى او اقتباسه او فتح مناقشه جديده معى
لان معاك بالنسبالي موضوع مغلق
مش عاوز اتكلم معاك انتهتى
فبلاش تبوظ موضوع الراجل بمهاترات ليس ليها 30 لازمه