[timo1]

اسنفسار من استاذ محمد عطية:
دلوقتى انا شارى الجهاز من 5 شهور وبالفعل روحت للمحل اللى انا شارى منه الريسيفر فدخل الكود الجديد وبالفعل فاضل فيه شهر بالظبط ولكن القنوات كلها مش شغالة خالص فياريت حل من حضرتك لو تفضلت

[samoo]

ممكن يكون ******* مش شغال و فاصل كالعاده.هو حضرتك لما بتدخل علي قائمة القنوات بتنزل معاك كام قناه؟لو بينزل ال 120 قناه بس بتوع السوفت يبقي ******* مش شغال و مش هيفتح القنوات.لما ******* بيتصل بينزل تقريبا بتاريخ اللحظه 516 قناه.الحل الوحيد علشان تريح دماغك من المشكله دي و لا تحتاج كود تفعيل و لا غيره تشوف ملف قنوات يكون شغال و فيه القنوات اللي انت عايزها و تضعه علي الفلاشه بالصيغه الصحيحه و هيشتغل و هيبقي شغلت حاجه في الرسيفر التعبان ده طالما اشتريناه.محاولتي لمساعدة الاخوه الاعضاء لا يمحي الراي بتاعي في الرسيفر و دعمه و امكانياته الفقيره مقارنة باجهزه بنصف الثمن.هو في سيرفرين ام جي كامد عندك متوقفين برده؟

[timo1]

بص حضرتك انا من رايى المتواضع ان الهرد وير بتاع الجهاز حاجة محترمة لكن السوفت وير الخاصة بيه فيها بعض المشاكل واعتقد ان ده ممكن يكون موجود فى اى ريسيفر وبالنسبة للاى بى تى فى دى حاجة اضافية ممكن تحتاجها وممكن لا يعنى مثلا انا اتفرجت على كوبا اميركا على قناة TVP sport اللى موجودة على الاوربى وصورة اتش دى ومش لازم يعنى احنا نتمحك فى البين سبورت
اما بالنسبة لسيرفر الامجيكامد ففعلا فى سطرين متوقفين لكن الخمس سطور التانين شغالين كويس ولعلمك ممكن تضيف ***** سسكام من اللى موجودين هنا فى المنتدى بالاضافة لسيرفر الجهاز وهتلاقيهم مع بعض شغالين كويس جداااااااااا
انا عن نفسى عامل كدة
تحياتى لك اخى الكريم

[samoo]

اخي العزيز انا ماقلتش ان الهارد وير بتاع الجهاز مش حلو مانا متأكد اني لما ادفع فيه 600 جنيه بقطعة الواي فاي يبقي اكيد الهارد بتاعه مش تعبان بس ايه فايدة الهارد و امكانيات الجهاز ضعيفه او لم يستغل بالشكل المطلوب ليرضي مستخدميه.
انا كان غرضي الاساسي من شراء الرويال تك هو خاصية الايبي تي في لان انا عندي رسيفرين تانين بنصف الثمن و بيفتحولي جميع باقات العالم طلقه و لا ليهم كود تفعيل و لا غيره و دعمهم علي المنتدي الجميل هنا في اي لحظه بحل المشكله في ثانيه بملفات مرفقه في المواضيع او شرح جديد عليه باستفاد منه لترقية الجهاز.لا يا اخي الكريم انا مابتمحكش في قنوات البين او او اس ان ولا الاي ار تي و لا سكاي انا اللي كان يهمني قنوات النايل سات العاديه افلام و مسلسلات لاني استحاله اجيبهم بالطبق من عندي و من غيرهم ماكنش هيبقي فيه لازمه لشراء الجهاز زي ما قلت من قبل.اخي انا فعلا اضفت ***** سيسكام ايضا من يوم ما اشتريت الجهاز لان كانت الصدمه انه مابيفتحش قنوات الاسترا و لما اتصلت بالبائع قالي لازم ادفع كالعاده و انا كنت دفعت اصلا لتطويل مدة الايبي تي في المجاني بست شهور كمان مدفوع من البائع و بعد ظهور كود التفعيل توقف المجاني و طلع المدفوع من البائع نصابيه كمان و الايبي تي في عندي علي الجهاز ماتفرجتش عليه شهر علي بعضه من كتر فصل ******* للتعديل و التهنيج المستمر و اخيرا بسبب كود التفعيل.مع العلم اني برده طلع عيني برده لحد ما وجدت شخص فاضل هنا علي المنتدي اداني ******* بس مسحته لما الايبي تي في توقف افتكرت ان ممكن يكون من ***** السيسكام تعارض مع ***** الجهاز و لا حاجه .مشاكل الجهاز كثيرا جدا بغض النظر عن الايبي تي في و السوفت الجديد بدل مايحل المشاكل دي زود عليهم مشكلة الايبي تي في كمان و المشاكل بقت كما هي و الجهاز تقل اكتر.
تقبل تحياتي اخي الكريم

[timo1]

بص اخى الكريم انا امبارح فضلت اتكلم مع الاستاذ محمد عطية لحد الساعة 4.30 الصبح وبالفعل مشكلة الاى بى تى فى اتحلت وشغالة دلوقتى زى الفل

[timo1]

لو معاك الاكواد الجديدة رجع الريسيفر لسوفت المصنع وبعد كدة سطب اخر سوفت من الابجريد او لاين وحمل ملف قنوات من الاون لاين برده مش من الفلاشة ودخل الاكواد الجديدة وهتشتغل معاك ان شاء الله

[samoo]

انا فعلا عملت كده بس انا ماعنديش الاكواد الجديده للاسف انا واقف علي كود التفعيل و مش عارف اذا كان ينفع حضرتك تبعتلي الاكواد الجديده في ملف خاص يمكن يشتغل و يبقي شغلت اي حاجه عدله في الرسيفر و احلل الفلوس اللي دفعتها فيه..

[mody_2020]

تيمو انا كمان عندى مشكله ان الريسيفر كل قنوات الايبى تى فى مش شغاله وكان فيه كلام مكتوب على كل قناه اننا المفروض نعمل ابجريد اونلاين لو الاشتراك خلص بس انا عملت ابجريد اونلاين رغم ان اشتراكى مخلصش ولما كلمت البائع بعتلى ملف تكست فيه 500 قناه تقريبا والملف شغال عشان جربته على برنامج vlc بس المشكله ان الريسيفر مش بيقرا ملف التكست اللى فيه القنوات الجديده وبيقرا القنوات القديمه اللى مش شغاله اعمل ايه ؟؟

[samoo]

بمجرد ما تضع الملف علي الفلاشه تكست و يكون اسم الملف Tvlist يعني غير اسم الملف Tvlist.txt و المفروض ان الرسيفر هيدخل عليه مباشرة اول ما تدخل علي ايقونة الايبي تي في.انا محتاج الملف ده لو مافيش فيها مشاكل بعد اذنك ممكن ترفعهولي؟

[timo1]

المشاركة الأصلية كتبت بواسطة mody_2020

تيمو انا كمان عندى مشكله ان الريسيفر كل قنوات الايبى تى فى مش شغاله وكان فيه كلام مكتوب على كل قناه اننا المفروض نعمل ابجريد اونلاين لو الاشتراك خلص بس انا عملت ابجريد اونلاين رغم ان اشتراكى مخلصش ولما كلمت البائع بعتلى ملف تكست فيه 500 قناه تقريبا والملف شغال عشان جربته على برنامج vlc بس المشكله ان الريسيفر مش بيقرا ملف التكست اللى فيه القنوات الجديده وبيقرا القنوات القديمه اللى مش شغاله اعمل ايه ؟؟

بص اخى الكريم انا روحت للراجل اللى اشتريت منه الجهاز وادانى كود جديد وفعلا اتفعل معايا الاى بى تى فى لمدة شهر باقية فى الفترة المجانية لكن بصراحة معرفش ايه موضوع ملف القنوات اللى بتتكلم عليه
والمشكلة ان احنا مش عارفين ايه امتداد القنوات اللى تنفع تشتغل على الرويال تك وممكن تجرب تحط ملف القنوات دى فى ملف TVLISTزى مقال صديقى فى المشاركة السابقة لو اشتغل هتبقى حاجة كويسة جدا

[samoo]

المشاركة الأصلية كتبت بواسطة timo1

بص اخى الكريم انا روحت للراجل اللى اشتريت منه الجهاز وادانى كود جديد وفعلا اتفعل معايا الاى بى تى فى لمدة شهر باقية فى الفترة المجانية لكن بصراحة معرفش ايه موضوع ملف القنوات اللى بتتكلم عليه
والمشكلة ان احنا مش عارفين ايه امتداد القنوات اللى تنفع تشتغل على الرويال تك وممكن تجرب تحط ملف القنوات دى فى ملف TVLISTزى مقال صديقى فى المشاركة السابقة لو اشتغل هتبقى حاجة كويسة جدا

اخي العزيز انا شغلت ملفات قنوات علي الجهاز بس اهم حاجه تتاكد ان الروابط شغاله اصلا و لازم تحوله لملف تكست مش هيكفي فقط انك تغير الصيغه و لكن لازم تحول الروابط داخل الملف ايضا.بعد كده تغير اسم الملف من اسمه الحالي الي Tvlist.txt و تضعه علي رووت الفلاشه من الافضل مش داخل ملفات.اول ما هتضع الفلاشه في الرسيفر و تدخل علي ايقونة الايبي تي في هيقرا من الفلاشه مباشرة و يشتغل.ممكن لو حد عنده الملف بتاع الجهاز اللي تقريبا ٥٠٠ قناه يرفعه هنا من فضلكم؟او يقولي ازاي بيتسحب علي الفلاشه مش عن طريق اللودر؟
تقبلوا تحياتي

[amratef8006]

طيب ممكن شرح الطريقة ؟؟ انا عندى الملف tvlist.txt و مش شغال مش بيفتح اصلا

[samoo]

المشاركة الأصلية كتبت بواسطة amratef8006

طيب ممكن شرح الطريقة ؟؟ انا عندى الملف tvlist.txt و مش شغال مش بيفتح اصلا

ارفع الملف يا غالي أو ابعتهولي و انا هشوفلك الروابط اللي فيه شغاله و لا لأ لإن لو الروابط اللي فيه مش شغاله يبقي مش هيفتح معاك.هو أصلا ملف تيكست و لا انت غيرت اسمه لتيكست فقط؟انا كنت عايز انزل ملف جمعته من ملفات مختلفه و حولت روابطه لتيكست و شغال علي الرويال تك بس بعض الروابط اللي فيه تحتوي علي اسم منتدي آخر و اعتقد ان ده مخالف لقوانين المنتدي هنا لذلك مانزلتوش.زي ما قلتلك ارفع الملف و لو الروابط شغاله هحولهالك بحيث تضعها علي الفلاشه و تشتغل.
تقبل تحياتي

[amratef8006]

هو كان شغال قبل عمل ال upgrade بعد ال upgrade لا يعمل

[samoo]

هو ده ملف الجهاز يا غالي؟ملفات الفلاشه اعتقد مالهاش علاقه بالابجريد.ممكن ترفع الملف و انا اشوفهولك