[الحسام المنتصر]

الاخوه الافاضل هذه تجربتى مع شركة تى دتا . انا مشترك فى باقة طلقة (اسم على غير مسمى ) السرعه فى البداية كانت 4MB ثم بعد فترة اصبحت 2MB ولما اشتكينا - والشكوى لغير الله مذلة - قالوا خط التليفون لا يتحمل - ليه ياجدعان ما الخط كان شغال ذى الفل قالوا اسأل فى السنترال - وبعد فتره بدل ما السرعة تتحسن نزلت الى 0.80MB ثم صار الحال الى وجود تقطيع فى النت وعدم اتصالة فترات طويلة - زياراتى للشركة اصبحت شبه يومية وكل مره بيكون اشتغاله جديدة , مره جرب الروتر ده وتعالى قلى ايه على النتيجة ومر افصل التليفون وجرب !!
والوضع على هذا الحال داخل على اسبوع ولا حياة لمن تنادى !!!!!

[Mr SDX]

تي اي داتا اسوأ شركة انترنت وأسوأ دعم فني واحسن نصب

[elzeny2013]

خطوط التلفون كلها زي الزفت متتحملش السرعات العاليه دي وبعدين عرض طلقه ده ضحك علي الناس وربنا يعينك علي مشكلتك

[عابدين جمعة]

فعلا خطوط التليفونات زفت بس ده مسئوليتهم

[كريم2000]

بصراحه خدمه زى الزفت وللاسف ملهاش منافس غير اننا نتركها ونشتغل على الفلاشه فتره شهرين علشان الشركه تعرف قيمه مشتركيها مش كفايه الخط الارضى الى مش بنتكلم فيه ومخلينه علشان الشركه المهمله ديه الى اسمها المصريه للاتصالات

[هانى عنانى]

عندى خط 2 ميجا وفصل يوم وقفه العيد ولمده 15 يوم عملت 3 شكاوى وكلمنى واحد من عندهم قالى ان الاجهزه اللى فى السنترال فيها مشكله وانها هتستمر 4 شهور لا وكان جايلى قبلها رساله على التليفون تعال ادفع الاشتراك طيب ازاى ادفع ومفيش خدمه المهم اول مسمعت موضوع ال4 شهور روحت الفرع عملت كانسليشن الموظف كان هيتشل لما قولته هعمل كانسليشن المهم عملت الكانسليشن وروحت البيت لقيت النت اشتغل طلقه واتصل بيا حد من عندهم النت اشتغل عند حضرتك ليك رغبه تكمل معانا فقولتله يعنى لازم اعمل كانسليشن عشان تشغلولى النت اهو النت اشتغل واخدت شهر مجانا كمان ..... يبقى الخلاصه موضوع الكانسليشن دا والجهاز القومى لتنظيم الاتصالات اى حاجه منهم تمثل ضغط عليهم

[عماد رياض]

كل الاقارب لدى غيرو من داتا الى لينك يا ريت الجيش يعمل شركة نت علشان نشوف الخدمة بجد واصحاب الميليارات بتوع داتا ولينك كفايا عليهم مص دم الشعب 30 سنة فى خدمة نت زبالة

[™Mr.Hassan™]

انا شايف ان تي اي داتا احسن الوحشين ومعاهم بقالي 5 سنين اهو وكل مشكله بتحصل بيحلوها عادي جدا بس تقريبا كل دي بتبقي مشاكل سنترال والشركه بتكسل تحلها

[بيزوووووو]

احمد ربنا انى عندك نت اصلا يا غالى

حظك السئ لو حصل وغيروا رقم الفون الارضى

زى حالاتى كدة من شهر 5 معنديش نت ولسة مجاش

وكل ما اكلمهم يقولوا اصل السنترال لسة شغال على خطك

من النحاس الى الفايبر يعنى حلنى بقا عمال ما يرجع

انت احسن من غيرك

[hazzuma]

المشاركة الأصلية كتبت بواسطة عماد رياض

كفايا عليهم مص دم الشعب 30 سنة فى خدمة نت زبالة

إحقاقا للحق،أخ عماد،النت لم يكمل عشرون عاما بمصر المحروسة،لأنه اول مرة دخل مصر كان سنة 96 على ما أتذكر،(يعنى بعد ظهور الموبايل بسنة،) وكان بالدايل أب بالتأكيد، أما خدمات ال ADSL , ظهرت لأول مرة عام 2002 بسرعتين 128 , و 256 بأسعار 230 ,و 330 جنيه ،على التوالى،ودا،حسب ذاكرتى،ياريت لو حد عنده التواريخ بالظبط والأسعار الدقيقة،يتفضل مشكورا بتذكيرنا،تحياتى

[الكابتن حسن2]

والله المفروض تكون فيه وقفه
للشركه دى مفيش تخفيض فى الاسعار والخدمه السيئه جدا
لازم تكون فيه ثوره للنت للتغييرررررررررررر

[محمد وندوز]

والله المفروض تكون فيه وقفه

[حازم النجم]

السرعات برة وصلت لاعلي من كدة بكتير جدا مفيش برة حاجة اسمها 10 ميجا ومش بقول اوروبا لا بلاد افريقية وعربية خليجية والمغرب كمان اعلي بكتير حسبي الله ونعم الوكيل

[الحسام المنتصر]

المشاركة الأصلية كتبت بواسطة هانى عنانى

عندى خط 2 ميجا وفصل يوم وقفه العيد ولمده 15 يوم عملت 3 شكاوى وكلمنى واحد من عندهم قالى ان الاجهزه اللى فى السنترال فيها مشكله وانها هتستمر 4 شهور لا وكان جايلى قبلها رساله على التليفون تعال ادفع الاشتراك طيب ازاى ادفع ومفيش خدمه المهم اول مسمعت موضوع ال4 شهور روحت الفرع عملت كانسليشن الموظف كان هيتشل لما قولته هعمل كانسليشن المهم عملت الكانسليشن وروحت البيت لقيت النت اشتغل طلقه واتصل بيا حد من عندهم النت اشتغل عند حضرتك ليك رغبه تكمل معانا فقولتله يعنى لازم اعمل كانسليشن عشان تشغلولى النت اهو النت اشتغل واخدت شهر مجانا كمان ..... يبقى الخلاصه موضوع الكانسليشن دا والجهاز القومى لتنظيم الاتصالات اى حاجه منهم تمثل ضغط عليهم

شكرا اخى الفاضل ..ولاكن اخى دلنى كيف اعمل شكوى للجهاز القومى للاتصالات ؟

[semsem077]

اشتكيهم للجهاز القومى لتنظيم الاتصالات