[۩►☼هــانـى أبـو نـعمــة☼◄۩]

اقدم لكم اليوم طريقة تحويل h4 العادى و H4 _Stick الى ستارسات 200 هايبر لتجديد المدة المجانية بطريقة طريفه
من تحت انقاد المحل بتاعى اثناء التجديد ودهان المحل يارب الطريقة تعجبكم ونشوف البسمة والفرحة على وجوهكم

فى بداية الموضوع العمل مشترك
م/ هانى أبو نعمة
م/ اسلام الجندى







ندخل بقى على الشرح انا عارف انتم مستعجلين وتلاقيكم مش عاوزين تشوفونا اصلا

اولا نعمل كوباية شاى كدا ونولع سيجارة بس مش بالنهار عشان احنا صايمين


معلش الكوباية فاضية لانى شربت الشاى





ننظر للجهاز ونحدد هدفنا وهو تغيير الفلاشة بأخرى وينبوند 8 ميجا جديدة
ركز معايا مش تركز للصلعه بتاعتى عشان هتعرف تغير الفلاشة لكن مش هتعرف تعمل صلعه زى بتاعتى

يللا بينا نتوكل على الله ونرفع الفلاشة

باستخدام الهوت اير او الكاوية لو مش هتعرف
هتخللى اى حد من بتوع صيانه الموبايل او التليفزيون يرفعها ويركب الجديده





ودى صورة واضحة للفلاشة من جهاز هايبر اثناء رفعها لعدم توافر h4 لدى حاليا




تمام كدا بعد مانرفع الفلاشة القديمة
نقوم بتركيب الفلاشة الجديده




باستخدام الهوت اير او الكاوية وزى ماقولنا قبل كدا لو مش هتعرف
هتخللى اى حد من بتوع صيانه الموبايل او التليفزيون يرفعها ويركب الجديده




كفايه بقى صور ليك ياهانى انت هتقرفنا وتزهقنا ليه

طب يللا بينا ندخل فى المفيد
هنحمل الدامب المعدل لتحويل الجهاز الى هايبر
ولودر شحن الفلاشة
متقلقوش الاستاذ اسلام هيرفعهم بالمرفقات



1- لاختيار الملف
2- نعلم عليها
3- نضغط نكست ونقوم بتشغيل الجهاز
وننتظر حتى ينتهى من التحميل
وبعدها سنجد الجهاز فتح و تحول الى هايبر ولكن توقف على الرسالة اللعينه
نغلق الجهاز وندخل على مرحلة السريلة

نفتح موقع الجى شير

http://charge-ser.tv

ونختار سيريال جديد يكون غير مستعمل وهنعرف انه غير مستعمل عن طريق موقع الجى شير

كما بالصورة



الان جاء دور برنامج السريله المعروف للجميع مرفق اصدار معدل
الشكر كل الشكر لصاحبه
الاستاذ عبدالقادر



1- مكان كتابه السيريال الجديد

2 -نختار MasrawySatTeam من القائمة المنسدلة
3 - نقوم بالضغط على العلامة الموضحة ثم نقوم بتوصيل الجهاز بالكهرباء

ومبروك عليكم تغيير سيريال الجهاز
لن يبقى امامكم غير انكم تقومون بتفعيل الجهاز كما قمتم بتفعيله لاول مرة
ولكن بريموت الاستار سات
فمرفق لكم قيم ريموت الجوكر تقومون بانزالها عن طريق لودر السوفت العادى

ملحوظة مهمة جدا :- ينفع كدا انسى اولع السيجارة طول الشرح وماحدش ينبهنى

(اسلام)!! ياعم هانى غور بقى روح استحمى ومشط شعرك وارجع
ماشى يعنى اسيب الدهان اللى فى ايدى واقعد اشرح والاخر تشتمونى ماشى انا زعلان مش هشرح حاجة تانى




الملفات سيطرحها لكم اخويا اسلام الجندى بالمشاركة التاليه

وانا يدوبك هركب القطار من المحل للبيت عشان الحق السحور






اهداء الى أخى اسلام الجندى
و
أ/ علاء امام
أ/ صلاح سالم
أ/فرج باشا
أ/ أبو منه
الحاج منعم امبابى
وكل الاخوه مشرفى مصراوى سات
وكل اعضاء وزوار مصراوى سات
عشان بس مانساش حد ويزعل منى



اخواتكم فى الله هــانى أبــو نعمة
(أبو عبده ومروه ولبـنى )
اسلام بدر الجندى (اللهم ارزقه الذريه الصالحة)
دعوه منكم بظهرالغيب بالشفاء والرزق
وحسن الخاتمه

[م/اسلام الجندي]

تفضلوا اخوانى الكرام الملفات المطلوبة لتنفيذ الشرح
بسرعه بقى حملوا الملفات اصل اخويا هانى خلص دهان المحل وبيستحمى وهيرجع يحذفهم


وكل عام وانتم بخير




اخواتكم المحبين لكم
م/ اسلام الجندى
م/ هانى أبو نعمة



اهداء العمل الى

أ/ علاء امام
أ/ صلاح سالم
أ/فرج باشا
أ/ أبو منه
الحاج منعم امبابى
وكل الاخوه مشرفى مصراوى سات
وكل اعضاء وزوار مصراوى سات
عشان بس مانساش حد ويزعل منى


دعوه منكم بظهرالغيب بالذريه الصالحة
والرزق وحسن الخاتمه

[وحيد يسري]

شغل عالي و ممتاز ما شاء الله عليكم يا مهندسين مصراوي سات بارك الله فيكم و في علمكم

[kalabala1223]

ايه الجمال والحلوه دى
تدمير للاحتكار
بارك الله فيك يا غالى
ورمضان كريم

[م/ أبو يارا]

بارك الله فيكم

[AHMED AZZOUZ]

بارك الله فيك يا غالى

[pino]

شكرا جداعلى الشرح الهايل وعلى العلم العظيم ده بس فى سؤال هو نشترى منين الفلاشه الوينبوند وهل ده مكانها فى ال h4 زى ما هو موضح بالهايبر و شكرا و ملف لودر شحن الفلاشه به به فايرس يرجى اعادة الرفع بدون فايرس وشكرا جدا

[lipo]

ربنا يباركلك تسلم ايدك كنت دايخ على الحوار ده

[alaaw]

بارك الله فيك يا غالى

ممكن ينفع للجوكر2.2

وما نوع فلاشه الجوكر 2.2

[السمري 22]

الله الله الله علي الشغل المتعوب
يا سلام يا سلام

فقط سوال وحيد
هل بعد ذلك الجهاز اتحول تحويل كامل للهايبر
وممكن ياخد سوفت الهايبر من موقع الشركة مباشرة
وتحياتي للجميع

[محمد البنا]

• الله علي الشغل الجامد تسلم يا ريس المنتديات ارفع لك ريايه لا للاحتكار

[ياسرحافظ]

والله شغل عالى وكل عام وانتم بخير ممكن اللقى الفلاشه الجديده فين وبكام

[garad_dragon]

ممكن من حضرتكم الشرح والملفات لرسيفر qmax h3 plus يبقى جزاكم الله خير

[۩►☼هــانـى أبـو نـعمــة☼◄۩]

المشاركة الأصلية كتبت بواسطة pino

شكرا جداعلى الشرح الهايل وعلى العلم العظيم ده بس فى سؤال هو نشترى منين الفلاشه الوينبوند وهل ده مكانها فى ال h4 زى ما هو موضح بالهايبر و شكرا و ملف لودر شحن الفلاشه به به فايرس يرجى اعادة الرفع بدون فايرس وشكرا جدا

الفلاشة وينبوند 8 ميجا من محلات قطع الغيار او اى فنى صيانه ريسيفر او باب اللوق
ودا رابط لودر الشحن من موقعه ربما يكون اتفيرس من جهازى
http://www.ferguson-digital.eu/en/do...ers/Ariva-203/

المشاركة الأصلية كتبت بواسطة السمري 22

الله الله الله علي الشغل المتعوب
يا سلام يا سلام

فقط سوال وحيد
هل بعد ذلك الجهاز اتحول تحويل كامل للهايبر
وممكن ياخد سوفت الهايبر من موقع الشركة مباشرة
وتحياتي للجميع

نعم ياغالى يقبل التحديث مباشرة وسوفتات الهايبر الاصليه ولكن ستحتاج ملف قيم الريموت دائما بعد تحميل اى سوفت

[۩►☼هــانـى أبـو نـعمــة☼◄۩]

المشاركة الأصلية كتبت بواسطة garad_dragon

ممكن من حضرتكم الشرح والملفات لرسيفر qmax h3 plus يبقى جزاكم الله خير

ان شاء الله