[LOVERBOY]

مساعده في شراء موبايل

نوت 3



ولا هاواوى اونر6



ولا سونى زد 2

[modasab]

عن تجربة

- سلسلة النوت ممتازة عدا نوت 3 كل الريفيوهات عنه بتقول انه مش تمام .
- سوني Z2 بيسخن من اقل استخدام للنت او الجيمز لدرجة انك ممكن تقلي عليه بيض بجد بيسخن جداً السامسونج بيسخن لكن مش لدرجة السوني السوني ميزته فى خامته و الكاميرا .

- هونر 6 معرفهوش بصراحة لكن دورت عليه ناو و لقيت انه كويس و سعره معقول لكن مشكلة هواوى عموما فى الاكسسوارات و التحديثات بتكون محتاجة بحث اكتر .

خليك فى هونر 6 هواوي مقتحمه السوق بقوة

خصوصا ان اصدارات سامسونج نوت 3 و سوني زد 2 قديمة شوية من سنتين و 3 سنين

ربنا يوفقك

[semsemstar]

مع احترامى للاخ مودا
خليك فى السونى افضل

[alymuhammed]

الهواوي احسن في كل شيء حاول تشوف الامكانيات للجهاز هاتعرف ان في فرق كبير

[yahya net]

السونى أفضل

[ali heiba]

المشاركة الأصلية كتبت بواسطة modasab

عن تجربة

- سلسلة النوت ممتازة عدا نوت 3 كل الريفيوهات عنه بتقول انه مش تمام .
- سوني Z2 بيسخن من اقل استخدام للنت او الجيمز لدرجة انك ممكن تقلي عليه بيض بجد بيسخن جداً السامسونج بيسخن لكن مش لدرجة السوني السوني ميزته فى خامته و الكاميرا .

- هونر 6 معرفهوش بصراحة لكن دورت عليه ناو و لقيت انه كويس و سعره معقول لكن مشكلة هواوى عموما فى الاكسسوارات و التحديثات بتكون محتاجة بحث اكتر .

خليك فى هونر 6 هواوي مقتحمه السوق بقوة

خصوصا ان اصدارات سامسونج نوت 3 و سوني زد 2 قديمة شوية من سنتين و 3 سنين

ربنا يوفقك

انت جبت منين الكلام ده
النوت 3 نسخه 4g عملاق الموبيلات راائع في كل حاجه
رامات بطاريه تصوير كله
وكمان لو اللى معاه يفهم في الروت والرومات المطبوخه يبقى ممتاز
انا معايا نوت 3lte وشغال على سوفت s6 edge اكنه معايا بالظبط

[allam125]

جرب انفينكس هوت نوت x551
جهاز بجد تحفه وسعره فى المتناول

[tamer010151]

النوت 3 نسخه 4g
راائع

[mohamed soror]

من غير تفكير نوت 3 4g

[brightone]

Note 3 4g ومتفكرش كتير عن تجربه

[masrysat]

النوت 4 روعه عن تجربه معى ممتاز

[محمد_saper]

htc هو الافضل

[م/محمدزيان]

بص ياغالى وخد الخلاصة
انا قعدت ادور طول رمضان عن موبايل محترم زيك كدة بالظبط
وكنت بشاور عقلى بين اثنين الاول
Z2 وهو يشبة Z3 ما عدا فروق بسيطة وفارق السعر خلانى فضلت ال Z2عن Z3
ولما جيت افرق بين ال Z2 والنوت 3 احترت اكتر
ويوم الوقفة وبعد مشاورات ومناورات كتيرة وصدقنى مش اى موبايل بشيلة
علشان شغلى قررت اجيب النوت 3
وحظى الحلو روحت عندنا فى طنطا للشقفى وجبت النوت3 ال 4G
وكان ب 3500 بالظبط بس بضمان دولى اماراتى وبصراحة ما ندمتش انى ما جبتش ال Z2 والله ياغالى موبايل خرافة وتحفة وسيبك من ان ال Z2 ضد المياة والخدش والله ياغالى مش ميزة تستاهل يعنى ودا من وجهة نظرى
بس نصيحة وانت بتشترى النوت3 الفورجى ركب له سكرينة ضد الكسر ب25 جنية
وهاتلة جراب محترم جامد
وصدقنى ياغالى حتدعيلنا على هذا الاختيار ومتحيرش نفسة زى ما انا حيرت نفسى
وال يقولك ان Z2 كاميرتة 21 ميجا صدقنى مفيش فرق بينها وبين النوت3 بعد التجربة
وزى ما احد الاخوة قال ان الZ2 بيسخن لدرجة انك ممكن تحمر عليه لحمة
وبعدين دور على سوق المستعمل حتلاقى ان السامسونج مكتسح اى ماركة تانية ودا معناة ان دا عصر السامسونج
ويارب تتوفق فى اختيارك

[alaaw]

Hot Note X551

[badr2110]

انا شحصيا جيبت هواواى هونر 6 ممتاز جدا جدا وسريع فى كل حاجة وسعره كان 2700جنية كميرا خلفية 13 ميجابيكسل والامامية 5 ميجا ومساحة تخزين داخلية 16 جيجا وتوصل الى 64 جيجا وبرسسور 1.7 والاندرويد 4.4.2 كيت كات
بصراحه انصحك بيه