أسئلة متكررة
============
س: خدمة توقع تنسيقك اللي وعدوتوا بيها للمرحلة التانية من يومين ، فين ؟؟
ج: احنا فعلا كنا وعدنا بيها ، لكن لما جينا ننفذ السنة دي لقينا الموضوع هيبقي صعب جدًا اننا نتوقع أرقام صحيحة زي ما توقعناها للمرحلة الأولى لأن رغبات طلبة المرحلة التانية لا يمكن توقعها .. فإحنا آخرنا نتوقع الكام الكلية الكبار زي بيطري وحاسبات مثلا ... لكن أكثر من كده هنبقي بنقول أرقام في الهوا زي أي ارقام بتكتبها الجرايد
س: تظلمات الثانوية العامة ؟ فين ؟ هل ممكن بالإسم ؟ عايز أعرفها ؟ امتي ؟
ج: نتيجة تظلمات الثانوية العامة حضرتك بتعرفها من لجنة النظام والمراقبة اللي حضرتك قدمت التظلم فيها ، ومفيش اي وسيلة إلكترونية ليها
س: كلية كذا مش موجودة في خدمة اعرف مين في كليتك ؟
ج: الكليات الغير موجودة في قائمة الخدمة معناها ان مفيش طلبة دخولها في المرحلة الأولى .
س: أنا دخلت كلية كذا بجامعة كذا وعايز أحول نفس الكلية في الجامعة القريبة مني
ج: ممكن جدًا عن طريق برنامج تقليل الاغتراب اللي هيتفح بعد نتيجة تنسيق المرحلة الثانية ونسبة قبول طلبك بتبقي عالية جدًا
س: أنا دخلت كلية كذا بجامعة كذا القريبة مني وعايز أحول نفس الكلية لكن جامعة بعيدة عشان في قسم مميز
ج : في حاجة اسمها التماس ، بتبقي خلال فترة التحويل الإلكتروني .. حضرتك قدم الطلب وحاول تبرر طلبك باسلوب كويس ولو وفرت محل اقامة في المكان ده ، هتكون فرصتك أكبر
س: أنا دخلت كلية كذا بجامعة كذا القريبة مني وعايز أحول كلية تانية أعلي أو أقل بنفس الجامعة او جامعة تانية قريبة
ج: في برنامج اسمها التحويل غير المناظر بيبقي في نفس فترة التحويلات ، ممكن تحول منه من كلية لكلية تانية بشرط انك تكون مستوفي الحد الأدني للكلية اللي انت هتحولها ، بس نسبة قبوله بتبقي أقل
لا اله الا أنت سبحانك إنى كنت من الظالمين
2015/08/10, 07:23 PM
أسئلة متكررة
المواضيع المتشابهه
