[lefrno]

المتعلقه بقضية الطلاق علما بان معاها بنتين ونا لم افعل شىء والمحامى بتاعهم كلمنى وقال لى تيجى تصلحها افضل ليك عايز اعرف القضية هتقعد اد ايه فى المحاكم وياترى الشقه اللى انا قاعد فيها من حقها وماهى النفقه المفروضه عليا فى حالة حكمة المحكمه بالطلاق ارجو بمعرفتى بكل شىء وشكرا جدا جدا لحضرتكم

[prifix]

يا عم الصلح خير ومتفكرش كتير فى المشاكل وربنا يوفق فى الخير

[احمد مراد]

عفا الله عما سلف وخيركم من بداء بالصلح الصلخ خير وربنا يبعد عنكم الشيطان

[سامح م]

بس ياغالى دايما الانسان المصرى عندو غرور وكبرياء
وعلشان ترض الغرور داة لازم تكون اذكى منه
فعليك بالصلح ولان هيا الاى طلبت منك زى مانت قولت فى العنوان
يعنى بتوقلك انا عايزاك بص بطريقه صعبه شويه
فتوكل على الله وروح هات زوجتك
وربنا يهديكو لبعض

[على عنيصر]

الأفضل هو الصلح و لكن يجب أن يتم هذا الصلح فى وجود شخصين محترمين أحدهما من أقاربك و الآخر من أقاربها لمناقشه أسباب الخلاف و وضع أتفاق جديد بينكما لمنع تكرار هذه المشكله حفاظاً على بناتكما

وفقكم الله و هداكم لما فيه الخير

[احمد علي علي]

المشاركة الأصلية كتبت بواسطة lefrno

المتعلقه بقضية الطلاق علما بان معاها بنتين ونا لم افعل شىء والمحامى بتاعهم كلمنى وقال لى تيجى تصلحها افضل ليك عايز اعرف القضية هتقعد اد ايه فى المحاكم وياترى الشقه اللى انا قاعد فيها من حقها وماهى النفقه المفروضه عليا فى حالة حكمة المحكمه بالطلاق ارجو بمعرفتى بكل شىء وشكرا جدا جدا لحضرتكم

اذا قامت برفع دعوي تطليق سوف تستمر في المحاكم لمده لاتقل عن سنه ونصف والنفقه تحدد حسب دخلك وبعد اجراء التحري عن ذلك .... والشقه مادامت حاضنه فلها الحق فيها او دفع اجر مسكن ولها الحق في اقامه دعوي تبديد باعيان الجهاز والمطالبه بقائمه العفش .. فاذا كان هناك سبيل للصلح من اجل اولادك علي الاقل فلا تكابر والصلح خير ولا تفكر في الطلاق الا في اضيق الحدود واجعله الخيار الاخير لان الطلاق خراب وحرمان من اولادك وتمنياتي لك بالتوفيق

[lefrno]

المشاركة الأصلية كتبت بواسطة احمد علي علي

اذا قامت برفع دعوي تطليق سوف تستمر في المحاكم لمده لاتقل عن سنه ونصف والنفقه تحدد حسب دخلك وبعد اجراء التحري عن ذلك .... والشقه مادامت حاضنه فلها الحق فيها او دفع اجر مسكن ولها الحق في اقامه دعوي تبديد باعيان الجهاز والمطالبه بقائمه العفش .. فاذا كان هناك سبيل للصلح من اجل اولادك علي الاقل فلا تكابر والصلح خير ولا تفكر في الطلاق الا في اضيق الحدود واجعله الخيار الاخير لان الطلاق خراب وحرمان من اولادك وتمنياتي لك بالتوفيق

شكرا لحضرتك بس انا روحت جبتها كذا مره وكل مره افضل اتحيل عليها قبل ماتمشى انا عندى شقه تانيه تحت هل الموضوع ممكن يوصل انى اسجن وشكرا جدا جدا

[احمد علي علي]

المشاركة الأصلية كتبت بواسطة lefrno

شكرا لحضرتك بس انا روحت جبتها كذا مره وكل مره افضل اتحيل عليها قبل ماتمشى انا عندى شقه تانيه تحت هل الموضوع ممكن يوصل انى اسجن وشكرا جدا جدا

هل تستطيع رد قائمه اعيان الجهاز لها ؟

[lefrno]

المشاركة الأصلية كتبت بواسطة احمد علي علي

هل تستطيع رد قائمه اعيان الجهاز لها ؟

اللى العفش كله موجود وتقريبا لسه جديد عايز اعرف الاواضى دية بتاخد اد ايه فى المحاكم وهى بتقول هترفع قضيه حاجه كده عفش مش فاهم الكلام منهم وشكرا جدا

[ايمن عمرو محمد]

الصلح خير

[reyadmasr]

بص ياباشا اعرض قائمة المنقولات علي يد محضر بانزار عرض قائمة المنقولات والا هتتحبس ثانيا هتتحدد قيمة النفقه بثلث مرتبك او دخلك الصافي ان كنت عامل عادي وهتصرف النفقه عن طريق بنك ناصر والبنك هيرجع يحبسك فالاحسن انك تبعتلحا تلت مرتبك ليها وللعيال برده عن طريق انذار علي يد محضر اول كل شهر ومش هيسبت حقك في الدفع الا الانذار فقط ولا حوالات بريديه ولا اي شيء تاني والا هيحبسو عليك متجمد نفقه وهيكون مبلغ كبير وهتدفع يعني هتدفع فالاحسن انك غصب عنك دوس علي نفسك وكرامتك ورجعها لان القانون كله في صف الستات ومالناش فيه حاجه وعلي فكره انا محامي ودي شغلتي

[NASSER BSSIONY]

بالنسبة انك كما زكرت انك كل شوية تروح تصالحها وتجيبها وهيا تغضب تانى " ممكن تكون هيا قصدها كده كنوع من كسرة النفس وبعدين بالنسبة للقضايا " فى مصر يوم الحكومة بسنة يعنى علشان قضيتك يجى عليها الدور فى الرول " دولاب القضايا " حلنى بقى وهما عارفين انك لاتحرك ساكنا علشان كده هما سايقين فيها سوق فيها انتا كمان والله هيعرفوا انك جد من الاخر هيبعتوا ناس تصالحك ....... ويسلام لو صدر منك اشاعة انك هتجوز اتفرج على اللى هيحصل اما بالنسبة للشقة والاولاد هيا اللى مش عايزة تعيش محكمة الاسرة هتبقى فى صفك لما تعرف انك روحت جبتها اكتر من مرة وهيا تسيب البيت .... لازمك شهود
" وربنا يقدم اللى فيه الخير ........ وبعدين انا اعرف ناس عايشة فى اوضة وحامدين ربنا على النعمة وفى ناس تملك شقة واتنين ... ومع ذلك مفيش حمد لله؟؟؟؟؟