[mickmar]

كنت عملت موضوع عن تعديل الطبق لاستقبال الهوتبرد بدل من اموس
اللي مركبه من ساعه كاس العالم علي
طبق 120 بريفكس وعليه القطعه دي بس
وسالت عن الترددات الضعيفه اللي الراجل هيظبط عليها بحيث
لما يجيب اعلي اشاره عل التردد الضعيف دا وهو فوق
اضمن ان كل الترددات تيجي
لانه مش شاطر بصراحه
بس للاسف الموضوع اتقفل من الاشراف بسبب العنوان
المهم الراجل جي امبارح من غير ما يطلع السطح بص من تحت
شاور علي العماره اللي شمال البيت و
قالي العماره العاليه دي تمنع الاشاره عن الهوتبرد..
مش عارف كلامه صح ولا غلط
هو البيت اللي فيه الطبق دا وجهه غربيه ومبني دورين وسطح
والطبق متثبت علي بالكونه السطح (علي الشارع)
والعماره اللي بيتكلم عنها دي 6 ادوار شمالي(من الناحيه الجنوبيه للبيت)
والمسافه من البيت والعماره (طوليه) حوالي 20 متر او اكتر....
هو قالي انه علشان يوجه الطبق للاوربي هيعلي الطبق ويلف شمال
فيصطدم بالعماره بس انا شايف ان المسافه بعيده
اللي قدرت اوصله المعلومه منكم...يقدر يقولي هينفع اجيب الاوربي؟
اشوف حد تاني غير الاخ دا ولا بلاش؟
خاصا هو لما قولتلو ان في قمر اسباني اسمه هيسباسات
30 درجه غرب مكانش عارفه بس قالي ممكن اجيبهولك علشان غرب مش شرق
يعني الطبق يلف يمين ناحيه الشارع بس هاتلي الترددات بتاعته
جيبتله الترددات ومعاده النهارده الاربعاء بعد المغرب
طيب لو ركب الاسباني هيجيب كل القنوات العاديه والاتش دي
ولا لا
علما انا من محافظه المنيا مركز ملوي وهاركبه علي كارت
دش اتش دي tevi s2
بس انا نفسي في الاوربي الصراحه
رجاء الرد قبل المغربيه لانه جاي بعد المغرب
وعذرااااااااااااااااااااا للاطاله

[ahmed hassn2012]

طبعا الكلام النظرى غير الواقع وصعب حد يجزم فى هذا الموضوع
الملاحظ ان الهبساسات ممكن يجى عندك لانك كنت مركب اموس وناحية الغرب لا يوجد بها عوائق لكن صعب احدد لك طبيعة استقبال القمر فى محافظة المنيا على قطر الطبق 120 لكن فى نهاية الامر لازم التجربة
يعنى الاول هو يحاول استقبال الاوروبى 13 شرق ويجرب على تردد 11747 افقى 27500 عليه قناة دبى سبورت او تردد 11296 افقى 27500
خليه يضبط على تردد 11747 افقى 27500 ويعلى اشارة على قدر المستطاع
ثم يضع تردد 10719 عمودى 27500
ثم تردد12713 عمودى 29900 ثم تردد 12731 افقى 29900 لو الثلاثة شغالين كويس بكدة يكون الهوت بيرد كلة تمام التمام
وعندك بعض الترددات الضعيفة للتجربة زى 11054 افقى 27500 و 12673 عمودى 29900
طبعا المشكلة الاخرى عندك انه حيضبط على رسيفر عادى مش اتش دى وصعب يتابع الترددات الضعيفة الاخرى

فى حالة صعوبة استقبال الهوت بيرد عمليا
ممكن يجيب قمر هبساسات 30 غرب وداه قبل اموس على اليمين وانت خلف الطبق وينزل بالطبق لتحت للحصول على الاشارة
اقوى تردد لضبط الهبساسات 11771 راسى 27500 و تردد 12092 راسى 27500 واضعف تردد 10925 عمودى 2050


انا عارف ان الموضوع صعب لكذا سبب الاول ان الفنى مش فت والثانى مشكلة العمارة اللى قصادك والثالث صاحب البيت اللى راكب فيه الطبق
حظك انك من المنيا ولو كنت من اسكندريه كنا عملنا معاك الواجب

[mickmar]

المشاركة الأصلية كتبت بواسطة ahmed hassn2012

طبعا الكلام النظرى غير الواقع وصعب حد يجزم فى هذا الموضوع
الملاحظ ان الهبساسات ممكن يجى عندك لانك كنت مركب اموس وناحية الغرب لا يوجد بها عوائق لكن صعب احدد لك طبيعة استقبال القمر فى محافظة المنيا على قطر الطبق 120 لكن فى نهاية الامر لازم التجربة
يعنى الاول هو يحاول استقبال الاوروبى 13 شرق ويجرب على تردد 11747 افقى 27500 عليه قناة دبى سبورت او تردد 11296 افقى 27500
خليه يضبط على تردد 11747 افقى 27500 ويعلى اشارة على قدر المستطاع
ثم يضع تردد 10719 عمودى 27500
ثم تردد12713 عمودى 29900 ثم تردد 12731 افقى 29900 لو الثلاثة شغالين كويس بكدة يكون الهوت بيرد كلة تمام التمام
وعندك بعض الترددات الضعيفة للتجربة زى 11054 افقى 27500 و 12673 عمودى 29900
طبعا المشكلة الاخرى عندك انه حيضبط على رسيفر عادى مش اتش دى وصعب يتابع الترددات الضعيفة الاخرى

فى حالة صعوبة استقبال الهوت بيرد عمليا
ممكن يجيب قمر هبساسات 30 غرب وداه قبل اموس على اليمين وانت خلف الطبق وينزل بالطبق لتحت للحصول على الاشارة
اقوى تردد لضبط الهبساسات 11771 راسى 27500 و تردد 12092 راسى 27500 واضعف تردد 10925 عمودى 2050


انا عارف ان الموضوع صعب لكذا سبب الاول ان الفنى مش فت والثانى مشكلة العمارة اللى قصادك والثالث صاحب البيت اللى راكب فيه الطبق
حظك انك من المنيا ولو كنت من اسكندريه كنا عملنا معاك الواجب

شكراااااااااااااا جزيلا للرد الوافي
هو دا بالضبط الشرح اللي انا عايزه
انت بجد انسان محترم وهاحاول اخليه ينفذ الكلام دا اليوم

[mickmar]

بس انا بعد ما دخلت علي فلاي سات
لقيت فيه ترددات من اللي حضراتك كاتبها اتش دي
ذي 11296 و12731 و12763
فكنت عايز النرددات الضعيفه العاديه مش الاتش دي
علشان يجرب عليها بالرسيفر العادي
مع العلم ان تردد 11054 تردد zdf
مش ضعيف

[ahmed hassn2012]

موفق يا غالى
اليك موضوع اماكن جميع الاقمار بالنسبة للنايل سات ممكن يساعد
صور الاوروبى وصور الهسباسات ممكن تصورهما بالموبايل
هنا

[ahmed hassn2012]

المشاركة الأصلية كتبت بواسطة mickmar

بس انا بعد ما دخلت علي فلاي سات
لقيت فيه ترددات من اللي حضراتك كاتبها اتش دي
ذي 11296 و12731 و12763
فكنت عايز النرددات الضعيفه العاديه مش الاتش دي
علشان يجرب عليها بالرسيفر العادي
مع العلم ان تردد 11054 تردد zdf
مش ضعيف

خلاص ركز فى الترددات العادية
يضبط على تردد 11747 افقى 27500 ويعلى الاشارة ثم يتابع تردد
تردد12713 عمودى 29900 ثم تردد 10719 عمودى
27500 وبعدين يتابع تردد 11054 افقى 27500
كدة الطبق حيكون تمام بس المهم يحاول يجيبه

[mickmar]

شكرا يا غالي هخلي يعمل كدا
لو مانفعش نجرب الهيسباسات

[احمد يوسف عابدين]

اولاً يا غالى الهوتبيرد يجى بالقطر دا حتى لو العمارة قصادك لأنك هترفع وش الطبق لفوق واحسن لك جيب فنى محترم يظبطلك كل حاجة اما بخصوص الهيسباسات فأنا شاكك انوا يجى بالقطر دا فى الصعيد

[ahmed hassn2012]

المشاركة الأصلية كتبت بواسطة احمد يوسف عابدين

اولاً يا غالى الهوتبيرد يجى بالقطر دا حتى لو العمارة قصادك لأنك هترفع وش الطبق لفوق واحسن لك جيب فنى محترم يظبطلك كل حاجة اما بخصوص الهيسباسات فأنا شاكك انوا يجى بالقطر دا فى الصعيد

ممكن يجى الهسباسات بهذا القطر فى المنيا لان فى ناس جابت القمر فى سوهاج بقطر 160 بس المشكلة انه ممكن يجيب 150 قناة او 200 قناة بالكتير على ما اعتقد
ومشكلة الراجل ان مفيش فنيين بالمنطقة دى

[mickmar]

اخيرااااااا
النهارده جه الاخ الفني وقولتاله حاول في الاوربي الاول
لو ماكنش نشوف الهيسباسات وجبتله رسيفر كيوماكس اتش دي
وتلفزيون ووصله وكل حاجه
وكتابتله كل الترددات الضعيفه اللي مكتوبه فوق وعليهم كمان
تردد 11258 افقي لاني عرفت انه ضعيف
وادتله الترددات المهمه كمان علشان يجربها وهو فوق اللي ترددات القنوات الرياضيه
العاديه والاتش دي وقولتله ما تنزلش غير لما كل دايجيب اشاره
واديتله نفس اللسته للهيسباسات احتياطي
الراجل فضل فوق ساعه ونصف
وانا تحت في الصيدليه رن عليا قالي جرب..
قلتله مش هينفع في زباين مش هينفع اسيبهم..
سالته خلصت؟
قالي ايوه وجبتلك اعلي اشاره في التردد 11258
وقالي انا جربت الترددات اللي انت مدهالي وكلها جايبه اشاره
قلتله خلاص كده زي الفل
سالته انت جربت من العدسه مباشره ولا من الديزك؟
قالي من العدسه مباشره
(ملحوظه انا عندي طبق 70 عليه عدسه واحده عليها
النايل سات ومتوصلين بدايزك والسلك نازل لتحت للصيدليه
عادي يعني)
اكدلي انه كل شغله كان علي العدسه مباشره
خلصت شغل الساعه 12 مساء قولت اجرب علي كارت الدش
مسحت اموس وغيرت القمر من الضبط بتاع برنامج البروج
خليتها علي الاوربي...وعملت بحث
نزلت قنوات كتير خالص قولت اطمن علي قنوات الرياضه الاول
لقيت قنوات بين سبورت جايبه اشاره 47
بس طبعا مش بتفتح علشان ********* المجانيه ما بتفتحاش
روحت علي كانال سبورت العاديه جايبه اشاره كويسه
وفتحت بسيرفر من ******* المنتدي المجاني
رحت لكانال اتش دي مالاقتش اشاره (طيب نزلت ازاي في البحث)
مسحت القنوات وعملت بحث تاني برده القناه بتزل في البحث
بس مفيش اشاره؟
شيلت برنامج البروج وسطبطه تاني نفس الكلام
وقنوات كتير نازله بس مش جايبه اشاره اغلبها اتش دي
وفي قنوات جايبه اشاره واتش دي زي السوسريات
وقناه اليفن الجديده وسكاس سبورت اتش دي
قولت اجرب علي التلفزيون والرسيفر اللي ظبط عليهم
ظبطت الديزك في الرسيفر لانه في البيت كان شغال
علي وحده تحريك..
لاقيت العدسه 1 نايل و2 اوربي
رحت علي الاوربي جيبت القنوات المفتوحه علي 11747
شغاله اتاكدت انه دا الاوربي
رحت لتردد 11411 بتاع كانال فاملي اتش دي
لانها قنوات مهمه وقالي جابت اشاره كويسه فوق
وكمان (لانها نزلت في البحث في برنامج البروج بس لما جبت القناه ماكنش جايبه اشاره)
المهم برده علي الرسيفر ماجبتش اشاره حوشت السلك ودخلته تاني
جابت اشاره قولت ابحث (وانا علي الهوتبرد والعدسه رقم 2)
نزلتلي قنوات النايل سات اللي علي نفس التردد (قنوات تبع اوربت مشفره)
جربت قناه الفين اللي علي الاوربي نزلت وفتحت بشفره بيس وكان عليها
مباره معاده
قولت اجرب الترر الضعيف اللي هو ظبط عليه وقال جاب اشاره 68
(11258 افقي)مالقتش اشاره........................
طيب كده ممكن يكون الديزك بيفوت ومدخل القمرين علي بعض
لو كده في قنوات كتير من الاوربي جايه ازاي؟
في حاجه كمان هوظبط علي الطبق علي طول من غير ديزك والترددات
الضعيفه كلها جابت اشاره علي عدسه الاوربي مباشره
ليه ماجبتش تحت اشاره هل لوغيرت الديزك الترددات الي مش جايبه
اشاره هتيجي زي 11411
ولا تغير الديزك مجرد يمنع دخول القمرين علي بعض
طيب لو المشكله في السلك ما في قنوات في الوربي جايبه اشاره عاليه
هل ممكن يكون كداب والترددات ما جبتش فوق ( انا استبعد كده لانه راجل طيب)
طيب هو ممكن اجيبه تاني لو مثلا اكدلي ان الترددات دي كانت جايبه فوق
اشاره اجيبله ديزك جديد طيب لو كده اجيبه نوعه ايه؟
ولا اغير السلك كله(بس النايل سات كله واغلب القنوات الsd علي الاوربي جايه علي
السلك دا)
ولا اغير السلك من عدسه الاوربي للديزك (بس لما كنت جايب اموس كانت جايه كل القنوات)
مش عااااااااااااااااااااارف اعمل ايه
مستني الرد خاصه الاستاذ احمد حسن لانه كان متابع معايا
واسف علي الاطاله

[arnoob2009]

طالما ظهرت القنوات في البحث لكن مافيش صوره يبقي تغير العدسه بعدسه محترمه ولو الانفرتو يكون افضل لان الموضوع ده حصل معايا قبل كده ولما اشتريت الانفرتو وفكيت العدسه وركبت الانفرتو مكانها القنوات اشتغلت وجابت صوره حتي من غير ما اربط العدسه كويس علشان كده باشكر في العدسه دي بالذات

[ahmed hassn2012]

الديزك انت اشترى ديزك جديد وغيره بدل القديم بنفسك
او غير مدخل الديزك للاوروبى الى مدخل اخر
بس كان واجب عليه يجرب بعد الديزك لان مشاكل الديزك كتير

[mickmar]

المشاركة الأصلية كتبت بواسطة arnoob2009

طالما ظهرت القنوات في البحث لكن مافيش صوره يبقي تغير العدسه بعدسه محترمه ولو الانفرتو يكون افضل لان الموضوع ده حصل معايا قبل كده ولما اشتريت الانفرتو وفكيت العدسه وركبت الانفرتو مكانها القنوات اشتغلت وجابت صوره حتي من غير ما اربط العدسه كويس علشان كده باشكر في العدسه دي بالذات

شكرااااا لردك اخي
بس القنوات نزلت علي كارت الدش ودا غالبا عيب الديزك
الكارت قرا تردد 11411 علي النايل كانه علي الاوربي
فنزلت قنوات كانال فاملي اتش دي بس لما اروح علي القناه
مفيش لا قوه اشاره ولا جوده اشاره (كل الكلام دا علي كارت الدش)
لكن لما جربت علي التلفزيون والرسيفر وانا علي الاوربي بعد اختيار
عدسه 2 بتاعه الاوربي علي تردد 11411 مجابش اشاره بس
شيلت السلك وحطته تاني جاب اشاره بحثت نزلت قنوات علي التردد
11411 اللي علي النايل سات
يبقي العدسه مالهاش دعوه
وعلي كلام الفني الترددات دي كلها فوق جابت اشاره يبقي مش مشكله
عدسه ولا مشكله طبق
والاكيد في الموضوع انه في مشكله في الديزك بدليل انه مش فاصل
القمرين عن بعض فصل كامل
بس السوال هنا لما اغير الديزك واجيب واحد جديد هل الجديد هيحل
مشكله الفصل بس؟؟؟
ولا خلاص هيجيب الترددات اللي كانت جايه فوق؟

[ahmed hassn2012]

لو المشكلة فعلا فى الديزك وداه الاحتمال الاول لان ممكن يكون عيب سلك بس لو عيب سلك ممكن يظهر معاك فى النايل سات
الديزك حيحل مشكلة تداخل الاقمار ويجيب الترددات اللى الطبق لاقطها وحاول تجيب ديزك كويس زى ستار بورت او ترومان البلاستيك
جرب تغير ووافينا بالنتيجة

[احمد محمود عبد العاطي]

المشكله تقريبا من الديزانك