[modasab]

السلام عليكم و رحمة الله و بركاته

ازيكم يا مصراويين كل عام و انتم بخير

بيتي 3 ادوار اسكن في التالت و السطوح خالي
البيت مُعرض للشمس طول النهار من الحائط الشرقي بطول 15 متر الشمس عليه من الشروق لحد العصر و السطوح الشمس عليه من الشروق لحد الغروب
الحوائط عندي في الشقة بتكون سخنة جداً كذلك السقف مبقدرش اقعد في الشقة لشدة الحرارة والمراوح بتحرك الهواء ساخن

فكرت في التكييف قالو لازم 3 تكييف 2.25 تقفيل هنا و بتاع شغلانه لقتها هتكلفني 12000 غير الكهربا
حد نصحني اني احاول اشيل الحرارة عن البيت و ساعتها تكييف 1.5 هيكون مفيد جدا انما وجود تكييف مع استمرار حرارة البيت عالية بيكون استهلاك كبير جدا

دورت علي العزل الحراري ولقيت ان في دهانات عازلة لكنها مكلفة و لقيت الحل الامثل و العملي في الواح الفلين او الفِل الازرق او الابيض توضع علي الحائط من الخارج وتثبت بطرق مختلفة و علي السطوح و يبلط عليها


انتم ايه رايكم هل حد عنده فكرة افضل ؟

اتمني المشاركة و المناقشة و شكرا

[محمد مصطفى سراج]

والله ياأخي أنا عندي نفس المشكلة والناس قالت الكلام اللي حضرتك قولته بس بصراحة ما عرفتش أنفذه ياريت حد يكون مجرب يفيدنا

[modasab]

اهلا بيك

معرفتش تنفذه لانك مش لاقي الفلين
ولا لقيت الفلين و معرفتش تركبه ؟؟

[modasab]

صباح الخير يا مصراويين

حد هنا عنده معلومة

نهاركم زي الفل

[modasab]

يا جماعه لو سمحتووووو

[علي سليمان]

فيه فل الثلاجه الابيض بيعزل الحراره وخفيف الوزن

[modasab]

ايوة هو بالظبط لكن مش عارف اجيبه منين

هو بيكون الواح 2*1متر لونه ازرق كثافته عالية

لكن منين اشتريه هي دي القضية

[wasince2000]

الفلين ألواح لابد السمك لا يقل عن ٥سم اللوح ١م*١م أنا عاملة من ١٥ سنة ونتيجتة فوق الممتاز يباع عند بتوع العزل الحرارى (الخيش المقطرن و البلك)أنا من المحلة الكبرى وجبتةمن طنطا من شارع بطرس قريب من مدخل طريق المحلة

[عصام عفيفى]

انا كنت في مكان اسمه السبتيه بالقاهرة هناك موجد في الواح الفلين

[modasab]

المشاركة الأصلية كتبت بواسطة wasince2000

الفلين ألواح لابد السمك لا يقل عن ٥سم اللوح ١م*١م أنا عاملة من ١٥ سنة ونتيجتة فوق الممتاز يباع عند بتوع العزل الحرارى (الخيش المقطرن و البلك)أنا من المحلة الكبرى وجبتةمن طنطا من شارع بطرس قريب من مدخل طريق المحلة

ربنا يبارك لك فيه

يعنى اتوكل على الله و اعمله على الحيط هيعمل فرق و هيشيل حرارة الشمس بإذن الله ؟

و شكراً

[modasab]

المشاركة الأصلية كتبت بواسطة عصام عفيفى

انا كنت في مكان اسمه السبتيه بالقاهرة هناك موجد في الواح الفلين

انا فى القاهرة هروح السبتية أبص هناك

شكرا جزيلا

[modasab]

المشاركة الأصلية كتبت بواسطة wasince2000

الفلين ألواح لابد السمك لا يقل عن ٥سم اللوح ١م*١م أنا عاملة من ١٥ سنة ونتيجتة فوق الممتاز يباع عند بتوع العزل الحرارى (الخيش المقطرن و البلك)أنا من المحلة الكبرى وجبتةمن طنطا من شارع بطرس قريب من مدخل طريق المحلة

معلش سؤال كمان

هو حضرتك الفلين عندك معمول على السطوح ولا الحيط الخارجى

و لو الحيط الخارجى يا ترى متركب ازاي مباشرة على الحيط ولا في مسافة بينه و بين الحيط و ممسوك بإيه

انا ناوي اشترى و اركبه بنفسي

و تسلم

[kamal amr]

يا استاذ فيه طوب حرارى بيتباع بالطن هاتو وإفرشه على السطح رائع ولو بتبنى دخله فى الجدران رائع

[Amr E33aT]

الفلين الصناعى (الأبيض) هوالحل الأمثل والعلمى والعملى
لإنى كنت أعمل بشركة تتخصص فى هذاالمجال
عليك بشراء ألواح 100x200x3sm
أو
100x200x5sm
ويوجد كثافات مختلفه وكلمازادت الكثافه كلما زادت من العزل الحرارى
ويتم فرش الألواح على سطح المنزل ثم يتم فرش الرمال بعدذلك
ولوحابب تبلط لايوجدأدنى مشكله
واتمنى ان اكون قدأفدتك
تحياتى لشخصك الكريم

[modasab]

المشاركة الأصلية كتبت بواسطة kamal amr

يا استاذ فيه طوب حرارى بيتباع بالطن هاتو وإفرشه على السطح رائع ولو بتبنى دخله فى الجدران رائع

الف شكر على المساعدة