تعالو نلعب بالأجهزة الصينى شوية

م / وليد هانى · #1 2016/12/29, 10:36 PM

عارف انى بقالى كتير معملتش مواضيع لاصحابى واخواتى بالقسم الصينى

بس بعد المأساة الاخيرة التى جعلتنا جميعاً فى قمة الحزن

وهى فقد أستاذ واخ غالى علينا فى مجال الستالايت والالكترونيات وهو

الحج سمير هانى ( رحمة الله عليه )

قررت عمل موضوع ليس بجديد على بعض الاخوة

ولكن للتذكرة للاخوة اللى لسه داخلين المهنة

بسم الله نبدأ

1- طريقة عمل سونسور ريموت لاى جهاز فقد وجهة الجهاز الخاصة به :-

يتم تحضير سونسور ريموت وعدد 3 سلوك قصيرة حوالى 10سم

ويتم سحب السوفت الذى على الجهاز لمعرفة نوع ريموته

ثم يتم ضبط الافوميتر على وضع البيز المعروف بالصفارة

ثم يتم وضع مجس السالب على جسم الجهاز

والبدء فى قياس كل بن من سوكت دخل شاشة البانل على حدة
مع التأكد من اغلاق الجهاز من الفيشة وليس من الريموت

والبن الذى سوف يعطيك صفارة هو GND ويتم توصيله

بالرجل التى بمنتصف السونسور عن طريق احد السلوك التى قمنا بتحضيرها سابقاً

ثم يتم وضع فيشة الجهاز وضبط الافوميتر على وضع 20DC

وقياس باقى بن سوكت البانل وسوف تجد احد البن بها 3.3 او 5 فولت

يتم توصيلها بالرجل التى على الشمال للسونسور عن طريق احد السلوك التى قمنا بتحضيرها سابقاً

واخيرا يتم لحام الرجل التى على يمين السونسور بأحد السلوك التى قمنا بتحضيرها سابقاً والبدء فى تمريرها على كل بن فى سوكت دخل البانل

مع الضغط المستمر على زرار تقليب القنوات فى ريموت الجهاز

حتى تجد الجهاز اصبح يقبل الاوامر عن طريق احد هذه البن

وتم لحام السلكة بها

2- جعل الجهاز يقوم بكتابة اول 4 حروف من اسمك بالإنجليزى بدلاً من كلمة on :-

يتم سحب سوفت الجهاز المراد التعديل عليه
مع مراعاة ان يكون الجهاز بيكتب 4 حروف

ثم يتم فتح السوفت عن طريق برنامج ACT

ثم الذهاب لكلمة common ثم هتلاقى كلمة power on string

وامامها خانة مكتوب بها كلمة off او سوفت تجدها فارغة

ثم بمسح كلمة on ثم اكتب اول 4 حروف من اسمك بالانجليزى

وليس بالعربى ثم حفظ السوفت من كلمة save fw

ويتم تمرير السوفت للجهاز عن طريق اللودر على وضع allcood

ومبروك عليك فتح الجهاز باسمك

3- عمل سماعة او سبيكر لريسيفر التركيبات لتسهيل العمل :-

يتم شراء سماعة لاب توب رخيصة السعر التى تعمل عن طريق usb

لاننا سوف نفك السماعة ونأخذ منها دائرة التغذية ودائرة التكبير فقط

ويتم جلب سماعة صغيرة مثل التى تكون داخل لعب الاطفال

ثم يتم لحام سلكتين فى السماعة ثم تثبيت السماعة بشكل لطيف فى الجهاز من الداخل بشمع بلاستيك

ثم يتم لحام الطرفين الاخرين من السلكتين بخرج الصوت الذى يخرج من دائرة الكبير سماعة اللاب ثم قصف usb وهتلاقى فردتين واحدة موجب وأخرى سالب

وفى الغالب الوانهم اسود وأحمر

هتقوم بتوصيل الطرف الاسود باى مسمار بالجهاز وتوصيل الاحمر بـ خط 5 فولت اللى فى الباور

نأتى لاهم جزء وهو قصف سوكت الاديو اللى بنقوم بوضع فى اللاب

هنلاقى 3 سلوك ارضى وصوت يمين وصوت شمال وتقدر تحددهم عن طريق الافوميتر وبالنظر على دائرة التكبير سوف تكون واضحة للجميع

يتم توصيل الطرف الارضى مع اى مسمار بالجهاز

ثم يتم توصيل طرف الصوت اليمين مع خرج الصوت اليمين للريسيفر

ولكن يتم اللحام فى الفردة التى بمنتصف كابل الاديو

وكذالك مع الطرف الشمال

وبكدا اكون وضعت بين ايديكم بعض الافكار البسيطة جدا

واعلم ان اغلب الاخوة يعلمها

ولكن يوجد ايضا البعض لا يعلمها وقلت اوضحها لهم

هذا العمل أهداء الى
استاذنا الغالى
سمير هانى
( أحمد سمير )
رحمة الله عليه
والى جميع الاخوة بالادارة وبالقسم الصينى

وشكرا لكم
تحياتى
وليد

سعد سلامه محمد · #2 2016/12/29, 10:43 PM

لا حول ولا قوة الا بالله
ان لله وان اليه راجعون
لله الامر من قبل ومن بعد
عذنا فى رجل مخلص من رجال مصراوى

م/محمود سمير · #3 2016/12/29, 10:48 PM

تسلم ايدك يا كبير
والف رحمة ونور على عملاق مصراوى سات
م/احمد سمير

samir.dish · #4 2016/12/30, 02:51 PM

تسلم ايدك يا كبير
والف رحمة ونور على عملاق مصراوى سات
م/احمد سمير

ragab2121 · #5 2016/12/30, 03:24 PM

الف الف شكررررررررررررررر

محمد توحيد · #6 2016/12/30, 03:30 PM

الله يرحمه

Mr.Mostafa EL Mahdy · #7 2016/12/30, 05:19 PM

تسلم ايدك يا كبير
والف رحمة ونور على عملاق مصراوى سات
م/احمد سمير

اشرف عمار · #8 2016/12/30, 06:14 PM

الف شكر اخى وليد على الروح الطيبه
وتسلم ايدك ياغالى

ربنا يرحمه ويدخله فسيج جناته

نورسات2000 · #9 2016/12/30, 06:54 PM

الله يرحمه

وليدمرعى · #10 2016/12/30, 08:44 PM

بارك الله فيك
وغفر الله له وأسكنه فسيح جناته

أحمد_رجب_ابراهيم · #11 2017/03/03, 08:44 PM

عملاق

جمال سمير85 · #12 2017/03/03, 09:23 PM

بارك الله فيك
وغفر الله له وأسكنه فسيح جناته

المهندس المحترف · #13 2017/03/03, 10:06 PM

بارك الله فيك علي مراجعتا بمعلومات قيمة

◄◄م/ محمد النحاس►► · #14 2017/03/03, 11:49 PM

بارك الله فيك أخى وليد
ورحم الله فقيدنا
مثبت لفتره الاستفاده منه

عصام سبونش · #15 2017/03/04, 12:08 AM

تسلم ايدك يا كبير
والف رحمة ونور على عملاق مصراوى سات
م/احمد سمير

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
● كيف يتم قياس فولتيات مداخل الكوم الخاصه بالأجهزة الصينى المينى الجديدة على الأفوميتر ؟	محمود احمد89	صيانة الريسيفر	5	2015/09/15 10:56 PM
● ممكن المساعدة فى عمل وصله السوفت ال4 بن الخاصه بالأجهزة الصينى المينى	محمود احمد89	الريسيفرات الصينية	2	2014/12/03 09:52 PM
تعالو هنا عندي شوية استفسارات	Eng Shery	منتدى الريسيفرات العام	8	2014/05/10 07:12 AM
تعالو نتعلم مع بعض تغير الخلفية للترومان 777.888والاشباه والاجهزة الصينى ذات Ali C	اشرف الجوهرى	اهم الموضوعات و الشروحات المصورة بقسم الريسيفرات الصينية	19	2011/01/14 09:36 AM
بعد الإستيقاظ من صدمة الاهلي تعالو نتكلم شوية	ٱحےـمد اسےـماعيل	النادى الأهلى	20	2010/09/01 01:29 PM