[sayed seko]

من فترة اشتريت طبق 160 بريفكس الومنيوم وماتور 24 بوصة وبوزشنر سوبر جاك .. وصاحب الطبق قاللى ان الماتور مش شغال وفية مشكلة
فعلا الماتور كان فية مشكلة فى الشربونة وصلحتها واشتغل
باقى مشكلة السنسور .. البوزشنر على طول بجيب e2 مع ان الاسلاك ترتيبها مظبوط

لاحظت ان السنسور مكانه بعيد عن المغناطيس
اشتريت سنسور جديد وركبتة قريب من المغناطيس وبرضة نفس المشكلة

ودى صور للماتور .. مرة والسنسور راكب فى مكانة طبيعي ومرة وانا مقربة شوية من المغناطيس

[حماد]

الاول انت قيست السنسور بالافو ميتر.؟ ولا ايه.؟

وبعدين دخل السنسور فى القرص المغناطيسى ايه ..؟

[sayed seko]

اة ياغالى متقاس وسليم .. وبالمناسبة انا جربت 3 سنسور مش واحد

اللى اعرفة ان السنسور لازم يبقي قريب من القرص المغناطيسي وشفتها فى اكثر من ماتور

[حماد]

تاكد بقى من وصلاتك فى البوزشنر او السلك سليم يا غالى ..

وبالنسبة للسنسور فمش لازم يكون قريب من القرص.. ده بيكون على حسب نوع الماتور وبيختلف من ماتور لاخر..

انظر تلك الصورة ..

[sayed seko]

السلك سليم يا استاذ حماد وتم التاكد منه وتجربتة

والصورة بتاعت حضرتك بتأكد كلامى .. وش السنسور ملاصق لجنب القرص المغناطيسي
معظم صور ماتور الطبق هنا فى المنتدى هتلاحظ فيها الموضوع ده

[الحاج شريف]

المشاركة الأصلية كتبت بواسطة sayed seko

من فترة اشتريت طبق 160 بريفكس الومنيوم وماتور 24 بوصة وبوزشنر سوبر جاك .. وصاحب الطبق قاللى ان الماتور مش شغال وفية مشكلة
فعلا الماتور كان فية مشكلة فى الشربونة وصلحتها واشتغل
باقى مشكلة السنسور .. البوزشنر على طول بجيب e2 مع ان الاسلاك ترتيبها مظبوط

لاحظت ان السنسور مكانه بعيد عن المغناطيس
اشتريت سنسور جديد وركبتة قريب من المغناطيس وبرضة نفس المشكلة

ودى صور للماتور .. مرة والسنسور راكب فى مكانة طبيعي ومرة وانا مقربة شوية من المغناطيس

السنسور أصلا بيشتغل لما المغنطيس بيقرب منه
وعلشان نفهم الحكايه السنسور كهربيا عباره عن حاجه إسمها Reed Relay بيعمل قفله لما تقرب منه مغنطيس
والمغنطيس المستدير فى الصوره مش كله ممغنط لكن نصه بس يعنى كل ما يلف لفه السنسور أو الريلاى بيقفل تقوم دائره السنسور فى البوزشنر تعد عده
ولاحظ إن المغنطيس ممغنط من ناحيه واحده فلو قلبته مش حيأثر علي السنسور
طيب إزاى نعرف إن السنسور شغال والا لأ
نجيب أفوميتر ونحطه علي وضع صفاره "buzzer " ونوصله بطرفى السنسور ونقربه من المغنطيس لو أعطى صفاره يبقى سليم
ولو ماعرفناش إنه شغال والا لا ، نفك المغنطيس ونعمل التست ده بره علشان نعرف إى وش فى القرص هو الممغنط علشان نعمل حسابنا لما نركب إيه أفضل وضع للسنسور والمغنطيس

[ابومختار]

المشاركة الأصلية كتبت بواسطة asharif

السنسور أصلا بيشتغل لما المغنطيس بيقرب منه
وعلشان نفهم الحكايه السنسور كهربيا عباره عن حاجه إسمها Reed Relay بيعمل قفله لما تقرب منه مغنطيس
والمغنطيس المستدير فى الصوره مش كله ممغنط لكن نصه بس يعنى كل ما يلف لفه السنسور أو الريلاى بيقفل تقوم دائره السنسور فى البوزشنر تعد عده
ولاحظ إن المغنطيس ممغنط من ناحيه واحده فلو قلبته مش حيأثر علي السنسور
طيب إزاى نعرف إن السنسور شغال والا لأ
نجيب أفوميتر ونحطه علي وضع صفاره "buzzer " ونوصله بطرفى السنسور ونقربه من المغنطيس لو أعطى صفاره يبقى سليم
ولو ماعرفناش إنه شغال والا لا ، نفك المغنطيس ونعمل التست ده بره علشان نعرف إى وش فى القرص هو الممغنط علشان نعمل حسابنا لما نركب إيه أفضل وضع للسنسور والمغنطيس

بعد اذنك
عايزك تعمل موضوع عن الدايزك 8 مخرج وتركيب دايزك اخر
الطريقة كيف وازاي علشان نبقي فاهمين
او ترد هنا لو تكرمت
يعني انت عندك مثلا عامل الطريقة دي كيف وازاي
علشان منتوهش

[sayed seko]

المشاركة الأصلية كتبت بواسطة asharif

السنسور أصلا بيشتغل لما المغنطيس بيقرب منه
وعلشان نفهم الحكايه السنسور كهربيا عباره عن حاجه إسمها Reed Relay بيعمل قفله لما تقرب منه مغنطيس
والمغنطيس المستدير فى الصوره مش كله ممغنط لكن نصه بس يعنى كل ما يلف لفه السنسور أو الريلاى بيقفل تقوم دائره السنسور فى البوزشنر تعد عده
ولاحظ إن المغنطيس ممغنط من ناحيه واحده فلو قلبته مش حيأثر علي السنسور
طيب إزاى نعرف إن السنسور شغال والا لأ
نجيب أفوميتر ونحطه علي وضع صفاره "buzzer " ونوصله بطرفى السنسور ونقربه من المغنطيس لو أعطى صفاره يبقى سليم
ولو ماعرفناش إنه شغال والا لا ، نفك المغنطيس ونعمل التست ده بره علشان نعرف إى وش فى القرص هو الممغنط علشان نعمل حسابنا لما نركب إيه أفضل وضع للسنسور والمغنطيس

الف شكر على المعلومة
والسنسور فعلا كان بيطلع صوت الصفارة عالافو ف اتأكدت انه شغال
هجرب بكرة اقلب المغناطيس

[sayed seko]

الف شكر يا استاذ اشرف
قلبت المغناطيس وربطت جنبة السنسور واشتغل تمام الحمد لله والمدار معايا من 31 غرب لحد 60 شرق شغال بكفاءة

تسلم

[scorpionsat]

المشاركة الأصلية كتبت بواسطة حماد

الاول انت قيست السنسور بالافو ميتر.؟ ولا ايه.؟

وبعدين دخل السنسور فى القرص المغناطيسى ايه ..؟

المشاركة الأصلية كتبت بواسطة حماد

تاكد بقى من وصلاتك فى البوزشنر او السلك سليم يا غالى ..

وبالنسبة للسنسور فمش لازم يكون قريب من القرص.. ده بيكون على حسب نوع الماتور وبيختلف من ماتور لاخر..

انظر تلك الصورة ..

الاخ حماد
كلام حضرتك خطا

الترس الممغنط هو مكمل للدائره مع السنسور
فان لم يشعر الترس بالمجال المغناطيسى المتولد من السنسور يتوقف عن الحركه
وهو المحرك للتروس الداخليه فى حاله الاستعانه بالبوزشنر المتحرك

اما اليدوى فيعمل مباشره بطرفى كهرباء

السنسور مستشعر الحركه
وصاحب الاوامر الحركيه للترس الممغنط المثبت فى اسفل قاعده التروس

[mostafa osman]

المشاركة الأصلية كتبت بواسطة sayed seko

الف شكر يا استاذ اشرف
قلبت المغناطيس وربطت جنبة السنسور واشتغل تمام الحمد لله والمدار معايا من 31 غرب لحد 60 شرق شغال بكفاءة

تسلم

لو سمحت اخى ممكن اعرف ازاى قلبت المغناطيس لانى اواجة نفس المشكلة

[الحاج شريف]

المشاركة الأصلية كتبت بواسطة sayed seko

الف شكر يا استاذ اشرف
قلبت المغناطيس وربطت جنبة السنسور واشتغل تمام الحمد لله والمدار معايا من 31 غرب لحد 60 شرق شغال بكفاءة

تسلم

تسلم لى أخى سيد لا شكر علي واجب

[sayed seko]

المشاركة الأصلية كتبت بواسطة mostafa osman

لو سمحت اخى ممكن اعرف ازاى قلبت المغناطيس لانى اواجة نفس المشكلة

فكيت المسمار اللى فوق المغناطيس اللى فى الصورة ده
http://i.imgur.com/BpX0plE.jpg
وركبت المغناطيس عالوش التانى وربطت المسمار

[modasab]

مبروك عليك الاصلاح

عندي ماتور 18 بوصة علي طبق 180
كان شغال تمام بس الطبق بعد اوي فكيت علبة الموتور
ولفيت الدراع من اخره و رجعته علي اتجاه النايل سات زي ما كان
اشتغل النايل سات تمام

انما البوزشنر علي طول جايب e 2 عملت ريسيت ولا فايدة
فتحت العلبة و اتاكدت من التوصيل كله تمام
قلبت المغناطيس ولا فايدة
عكست التوصيلات هويت الليميت و شديته و لا فايدة


مالعمل اخواني

[الحاج شريف]

المشاركة الأصلية كتبت بواسطة modasab

مبروك عليك الاصلاح

عندي ماتور 18 بوصة علي طبق 180
كان شغال تمام بس الطبق بعد اوي فكيت علبة الموتور
ولفيت الدراع من اخره و رجعته علي اتجاه النايل سات زي ما كان
اشتغل النايل سات تمام
انما البوزشنر علي طول جايب e 2 عملت ريسيت ولا فايدة
فتحت العلبة و اتاكدت من التوصيل كله تمام
قلبت المغناطيس ولا فايدة
عكست التوصيلات هويت الليميت و شديته و لا فايدة
مالعمل اخواني

معرفش أخى modasab الطريقه اللى حقولها حتمشى معاك والا لا
شوف يا أخى المفروض إنك لما تحرك الطبق بأى طريقه كانت بالبرمجه أو سهم يمين أو سهم شمال بتسمع طقطقه الريليهات مما يعنى توصيل 36 فولت للموتور
فإذا إستجاب الموتور وتحرك المغنطيس سيؤثر علي السنسور فيعمل قفله فتبدأ دائره السنسور فى العد ويستمر الموتور فى الحركه طالما إستمرت ظروف تحريكه
طيب ماذا يحدث لو وصلنا الجهد المطلوب للموتور ولم يتحرك أو لم يعطى السنسور القفله المطلوبه فى هذه الحاله سيعطى البوزشنر رساله خطأ ويتوقف عن التحريك
طيب عايزين نبحث إيه المشكله من غير مانطلع السطح
1:حنشيل أسلاك السنسور الواصله للبوزشنر ونوصلها بآفوميتر علي وضع صفاره ، ونضغط سهم يمين أو شمال لتحريك الموتور لو أعطى صفاره يبقى كل شىء فى الموتور تمام والمشكله فى البوزشنر
2:طيب لو ماعطاش صفاره قدامنا احتمالين إما مافيش كهربا واصله للموتور أو مافيش جهد طالع من البوزشنر
3:علشان نحدد الجهد مش واصل للموتور ليه حنقيس سلكين الموتور بالآفوميتر علي وضع صفاره المفروض يدى مقاومه صغيره أو صفاره لو ماعطاش يبقى العيب فى دائره الموتور إبتداءا من السلك الى توصيلته فى علبه الموتور إلى الموتور نفسه
4:طيب لو عطى صفاره ومقاومه صغيره حنحط الآفوميتر علي وضع 200v dc ونوصله مطرح سلكى الموتور M1,M2 ونضغط السهم يمين أو شمال علشان نبحث جهد البوزشنر المفروض يدينا 36 فولت أو -36 فولت لو أعطى يبقى البوزشنر تمام والمشكله فى دائره السنسور إبتداءا من السنسور نفسه والمغنطيس والسلك النازل إلى البوزشنر
طبعا ده لو إنت عندك درايه بإستخدام الآفوميتر ، ولو ماعندكش ده موضوع سهل محتاج تعليمات بسيطه لو احتجت تشتغل بيه لأول مره