[اشرف ابراهيم محمد]

ارجو معرفت سعر هذه الاجهزه كم فى القاهره

[abokefo]

الاخ الفاضل لازم تبين اسم الجهاز ورقم الموديل
حتي يتسني لي مساعدتك انا تعاملت مع هذه الاجهزه
وانا فني ومعي جهاز سات لينك 6908 ويعمل معي بثبات
وسعره 1200من باباللوق

[ayaayatalaa]

وانا معايا سات لينك 6932 hd من اكتر من سنه وجهاز ممتاز كنت جايبه ب 2000 جنيه

[ltislam279]

أستاذ abokefo بعد إذنك أنا عندي 6908 SE ودايخ على سوفت محترم غير الحالي وهو WS-6908SE_V2.71a_RDA.ssu , وملف قنوات عليه معظم الأقمار لأن اللي على الأسطوانة اللي جاية مع الجهاز من ألمانيا عليها ملفات منفصلة لو نزلت واحد بتختفي القائمة الأولى ومش عارف استخدم البرنامج اللي نازل عالإسطوانة CTK DBTool Setup 1.2.5 build 1217 1016
ويعني لو حضرتك تسحبلي السوفت وملف الأقمار على جهازك أكون شاكر وطريقته سهلة تدخل فلاشة FAT32 لساتلينك وتروح لSOFTWARE UPDATE وتعمل UPDATE للسوفت واللودر وبعدين ملف القنوات

[ltislam279]

آسف تعمل Backup مش Update ونفسي الإدارة تخصص قسم للأجهزة دي

[اشرف ابراهيم محمد]

الف شكر على الرد

[abokefo]

الاخ الفاضل / ltislam279
والله للاسف انا عندي الجهاز ما كنش عليه ملف قنوات كل اللي عليه أسماء الاقمار
أنا منزل كام تردد علي النيل وسايب منهم حوالي 15 محطه بس ولو كنت محتاج تردد علي اي قمر بضيفه وبس هو ده كل اللي عندي
وفيه واحد فني صيانة في باب اللوق أكثر من ممتاز عنده كل اللي انت عايزه سوفت وير وهارد وير بس انت عارف قوانين المنتدي
لي سؤال خاص الجهاز اللي معايا صيني ممكن تفيدني ازاي أعرف اجيب الالماني 6908sr اللي شاشته مضيئه ولك مني كل الاحترام والتقدير

[ltislam279]

متشكر جداااا لإهتمام حضرتك .. الجهاز اللي معايا حالي من ألمانيا بناء على رغبتي كنت شوفت فني صديق لي وجاري معاه 6906 والحقيقة كان عندي أمل صديقي في ألمانيا يبعتلي حاجة HD لكني فوجئت ب 6908 SE الجهاز كويس طبعًا انا لسة مستعملتوش بس اتعلمت من فيديوهات ع اليوتيوب اعمل حاجات كتير فيه فكرت ابيعه واجيب الاحدث لكن بجولة ع الانترنت شوفت الاسعار الحقيقة غالية جدااااا ممكن توصل ل 300 يورو الجهاز اللي معايا عامل 109 يورو
انا من الأسكندرية معنديش مانع اكلم لحضرتك صديقي يجبهولك وهو جاي بس تقريبا هو جاي في مارس / أبريل وع فكرة بدون مقابل شحن أو اعلى من سعره اللي موجود اونلاين انا اتعلمت من هنا حاجات كتير اوي ودي حاجة بسيطة لحد من الأعضاء
مرة تانية متشكر لإهتمام حضرتك

[ltislam279]

http://www.satlink.de/messgeraete/sa...k-ws-6908.html

[abokefo]

جزاك الله خيرا علي ما قدمت من خلال كلامك الطيب وبالمناسبة انا موظف وأخدت يوم أجازة ورحت الإسكندية ودورت علي الجهازولا أجده ورجعت في نفس اليوم وياريت أعرف اجيب الالماني لان بيفرق في كل حاجة عل الأقل فعلا البطارية 4ساعات فعلي ربنا ييسر لنا الامور واعرف أجيبه وانت لو عايز أي حاجة من القاهرة انا تحت امرك