[basem_sat2000]

انا كتبت مشاركة امبارح بخصوص وجود قنوات اباحية علي النايل سات لتحذير الناس المحترمة اللي في المنتدي والموضوع اتمسح ؟ ومش موجود اصلا بدون اي تفسير هوة المنتدي مش خايف علي بنات الناس ولا اية الموضوع بالظبط ياريت حد يعرفنا سياسة اغلاق المواضيع واسبابها وياريت حد يقوللي انا عملت اية غلط علشان الموضوع يتمسح ؟؟؟؟؟؟؟؟؟؟؟؟؟؟؟؟ وياريت الرد يكون هنا من فضلكم علشان الاعضاء تتفاعل معانا بالرد ويعرفو اية الصح واية الغلط اصل انا قديم شوية وسني كبر علي عقليات الشباب والله شكرا

[™Mr.Mahmoud™]

انا اول مره اشوف اسم الموضوع اللي حضرتك بتتكلم عنه ده استاذ باسم
ممكن حد من الاداره العليا هو اللي حذفه

ثانياً الاداره بتمنع اي كلام عن القنوات دي لان ده ليلفت النظر ليها اكتر
وممكن حضرتك تعمل موضوع في الشكاوى وسيتم الرد عليك

[basem_sat2000]

طيب بما ان سيادتك اللي رديت بنفسك انا اترك لك الموضوع كاملا وياريت توافيني بأخطائي وليس بالنتيجة من فضلك انا كتبت الموضوع لان فعلا موجود وفي بيوتنا كلنا ومش عيب ان الواحد يحذر من مصيبة زي كدة ياسيدي لو انا غلطان فانا اسف بس حذرو الاعضاء انتو بطريقتكو وانا هرد بالشكر زي اي عضو محترم خايف علي عيالو ولا كلامي غلط ؟؟؟؟؟؟؟؟؟؟؟

[™Mr.Mahmoud™]

كلامك تمام
بس لما انا أقول فيه قناه اسمها كذا وحشه
في ناس كتير مبتبقاش عارفه القناه انت بتعرفهم بيها والفضول بياخدهم عشان يشوفوا ايه اللي بتعرضه
يبقي انت كده بتشارك في الاثم من غير ماتاخد بالك
مع ان نيتك صافيه

[basem_sat2000]

كلامك ليم مليار المية وانا مقتنع بية تماما بس انا ذكرت سبب كتابة التردد الا وهوة ان القناة نزلت مكان قناة تانية بنفس معرفات الصوت والصورة يعني مش محتاجة بحث عليها فانا ذكرت بردو ان التردد علشان اللي عاوز يمسحها يبقا عارف ترددها والاعمال بالنيات متزعلش مني يا بشمهندس محمود البلاوي دي موجودة ف كل بيت سواء اي قمر دون ذكر اسماء والمنتدي هنا للغرض العلمي في المقام الاول والاخيروالحمد لله كلنا لتعلمنا منو مش هيجي واحد زي حالاتي يعرف الناس الصح من الغلط الانسان الكويس بيبعد عن الوحش والانسان ال؟؟؟ بيروح للوحش وانا اتعلمت ف مصراوي سات من زمان اني لما اعرف معلومة مبخلش علي اخواتي بيها انا بقول الكلام دة من قلبي يعلم ربنا مش علشان حاجة لسمح الله بس علشان الصغيرين ف السن يتعلمو من الناس الاكبر سنا تكملة لما سبق ******* اللي بتفتح قنوات الكورة بتفتح غيرها وغيرها الخ والسيرفرات نفس النظام يبقا مفيش باقي غير حاجة واحدة بس هيا اللي نعتمد عليها بعد ربنا سبحانة وتعالا الا وهيا ( الضمير ) وكل الحكاية علشان اراعي ضميري ومبقاش اناني وبخيل وجزيل الشكر ليك وللأدارة الموقرة وأعتزاري الشديد وتعهدي بعدم التكرار مرة أخري ودمتم في رعاية الله وأمنة

[™Mr.Mahmoud™]

مقدرش أقول غير ان حضرتك شخص محترم
تحياتي لك

[اكرامى السيد]

انما الاعمال بالنيات

[™Mr.Mahmoud™]

مغلق لانتهاء الغرض