[م/محمدزيان]

أحبابى أعضاء منتديات مصراوي سات أهلا بكم

(¯`·._للجميع اسهل طريقة لتوصيل الكمبيوتر والريسيفر على الشبكة الداخلية للمشاهدة والتسجيل وتحديث السوفت _.·´¯)


اخوانى الكرام
هذة الطريقة هى اسهل طريقة وافضل لمشاهدة ما على الكمبيوتر من خلال الريسيفر او التسجيل على الكمبيوتر مباشرة دون الحاجة الى فلاشة
وايضا يمكنك من تثبيت سوفت جديد من خلالها مباشرة من الكمبيوتر دون الحاجة الى الفلاشة لان اغلب الاوقات الفلاشات يكون بها عطب او ملفاتها غير مكتملة ودا بيكون عائق لنا فى بعض الاوقات

ونأتى الان الى الشرح
ولكن شرحنا اليوم له شقين
الاول وهو خاص بالكمبيوتر
والثانى وهو خاص بالريسيفر

الخطوة الاولى : اعدادات الكمبيوتر
اولا نقوم بعمل شير للفولدر المراد المشاهدة من علية او التسجيل عليه او ما نريد العمل عليه
مثلا سنختار فولدر E سنضغط عليه كليك يمين ثم properties



سنضغط على sharing ثم نضغط على السطر الازرق كما هو مبين بالصورة



بعدها نقوم بعمل علامات على السطرين المبينين كما بالصورة
والاول لاظهار الفولدر والثانى لامكانية الاضافة والحذف من وعلى الفولدر
ثم نضغ على Apply ثم ok كما بالصورة



سيقوم بعدها بعمل سكان ديسك اتوماتيك اتركة حتى ينتهى وبعدها سيكون عندك على الفولدر كف لانتهاء عملية التشيير كما ذكرنا
وكما هو مبين بالصور التالية





وهكذا انتهينا من اعدادات الكمبيوتر فيتبقى لنا

الخطوة الثانية : اعدادات الريسيفر

سنقوم بالدخول الى القائمة ثم النظام ثم الى اعدادات النت ثم الى Network hard disk
كما هو مبين بالصور




بعدها سيفتح لنا صفحة نقوم بالضغط على الزر الاحمر لكى نظهر الفولدر الذى قمنا بتشييرة
بعدها سيفتح لنا صفحة بايبهات الشبكة كلها
نقوم بالضغط على الزر الاحمر ايضا لاستكمال البحث
سيقوم بعمل بحث وبعد الانتهاء سيظهر لنا ايبهات الجهاز سنقوم بالوقوف عليها ثم الضغط على اوك
بعدها سيظهر لنا الفولدر الذى قمنا بتشييرة لكن باسم اخر غير الذى على الكمبيوتر ودا طبيعى لان الريسيفر بيسمى الديسك الخارجى بالترتيب وهذا مثلا لو فى فلاشة موصلة بالريسيفر سيظهر لها حرف مختلف
والشرح مبين كما بالصور التالية







بعدها ستفتح لنا صفحة الفولدر ببعض البيانات اتركها كما هى
وانزل الى السطر الاخير ثم غير الخيار من
inactive الى active
لتفعيل الفولدر واظهارة ثم سنضغط خروج وحفظ بالضغط على نعم
كما هو مبين بالصور




ولمعرفة نجاح العمل وتصفح الفولدر على الريسيفر
ارجع
ثم قم بالدخول الى قائمة الملفات حتى يظهر لك الفولدر كما بالصور





وبكدا يبقى عملنا تكلل بالنجاح ويمكننا من مشاهدة ما على الكمبيوتر كاملا بوضع ما نريد داخل الفولدر او عمل نفس الخطوات على باقى الفولدرات
عيوب هذة الخطوة
ان الفولدر اصبح ظاهرا على الشبكة الداخلية للنت عندك ويمكن لاى احد التصفح واضافة ما يريد او حذف ما يريد
ويمكنك عمل يوزر وباسورد له كما تريد
وسيتم ذكرها فيما بعد
اما ان اردنا اخوانى الكرام التسجيل على الفولدر الذى قمنا بالعمل علية
ما عليك الا الدخول وتغيير اعدادات التسجيل لحفظها على الفولدر المذكور
والشرح كما بالصور التالية







ودا مكان وشكل المقطع الذى قمت بتسجيلة
من قناة الفجر للقرآن على الكمبيوتر



وبكدا اخوانى الكرام تم الانتهاء الجزئى من شرح
الطريقة المثالية لتصفح ومشاهدة ما على الكمبيوتر وايضا التسجيل علية مباشرة
وان شاء الله فى شروحاتى القادمة سأذكر لكم طريقة تحديث السوفت بنفس الطريقة دى من الكمبيوتر مباشرة
ودا حيبقى شرح حصرى فقط
لمصرواى سات
وقبلها ذكرنا ميزة هذة الطريقة فى التحديث
الى حينها استودعكم الله
والسلام عليكم ورحمة الله وبركاتة

[Ahmed RZ]

يسعدنى أن أكون أول من يعلق على هذا الموضوع الرائع أخى محمد جهد جبار بارك الله فيك لكن عندى استفسار وهو كيفية الربط بين الريسيفر والكمبيوتر هل من خلال راوتر أو سلك أو واى فاى؟؟
ممكن تضيف طريقة التوصيل بين الريسيفر والكمبيوتر ليكتمل هذا الموضوع الرائع وجزاك الله خيرا على هذا المجهود تسلم ايدك

[ammora]

المشاركة الأصلية كتبت بواسطة Ahmed RZ

يسعدنى أن أكون أول من يعلق على هذا الموضوع الرائع أخى محمد جهد جبار بارك الله فيك لكن عندى استفسار وهو كيفية الربط بين الريسيفر والكمبيوتر هل من خلال راوتر أو سلك أو واى فاى؟؟
ممكن تضيف طريقة التوصيل بين الريسيفر والكمبيوتر ليكتمل هذا الموضوع الرائع وجزاك الله خيرا على هذا المجهود تسلم ايدك

لو الريسيفر بتاعك بيدخل علي النت كده مفيش مشكلة يبقي متوصل مع الكمبيوتر علي نفس الشبكة الداخلية عندك(ماتفرقش WIFI ولا LAN)
اما لو مش متوصل بالنت هتحتاج تظبط اعدادات الشبكة من

menu/system/net setting/ip config

[م/محمدزيان]

المشاركة الأصلية كتبت بواسطة Ahmed RZ

يسعدنى أن أكون أول من يعلق على هذا الموضوع الرائع أخى محمد جهد جبار بارك الله فيك لكن عندى استفسار وهو كيفية الربط بين الريسيفر والكمبيوتر هل من خلال راوتر أو سلك أو واى فاى؟؟
ممكن تضيف طريقة التوصيل بين الريسيفر والكمبيوتر ليكتمل هذا الموضوع الرائع وجزاك الله خيرا على هذا المجهود تسلم ايدك

اخى العزيز احمد
انا زكرت فى اول الموضوع ان الشرح على الشبكة الداخلية
يعنى الكمبيوتر والريسيفر شغالين من نفس الراوتر
وميفرقش اذا كان شغال بسلك او وايرلس
اهم شئ انه يكون من نفس الشبكة
وغير كدا يعنى لو انت عايز تعمل الطريقة دى من اى شبكة اخرى
يبقى حنفتح بورت فى الراوتر ودى انا مبحبهاش علشان الهاكر
وشكرا لمرورك اخى الكريم

[م/محمدزيان]

المشاركة الأصلية كتبت بواسطة ammora

لو الريسيفر بتاعك بيدخل علي النت كده مفيش مشكلة يبقي متوصل مع الكمبيوتر علي نفس الشبكة الداخلية عندك(ماتفرقش WIFI ولا LAN)
اما لو مش متوصل بالنت هتحتاج تظبط اعدادات الشبكة من

menu/system/net setting/ip config

شكرا اخى الكريم ammora على مرورك الطيب

[Ahmed RZ]

الف شكر أخى العزيز ammora وأخى م/محمد زيان بارك الله فيكم على الشرح والتوضيح كده فهمت ان الريسيفر والكمبيوتر لازم يكونوا على شبكة واحدة بس اللى كنت أقصده هل ينفع يعنى نوصل من الكمبيوتر كابل(سلك) من فتحة Ethernet بفتحة Ethernet بتاعة الريسيفر وبكده عملنا الربط بين الكمبيوتر والريسيفر وبعد كده نطبق خطوات الشرح؟
أما طريقة التوصيل بشبكة واحدة من خلال الراوتر صح برضه وجربت ده ونفعت التجربة تمام.

[م/محمدزيان]

المشاركة الأصلية كتبت بواسطة Ahmed RZ

الف شكر أخى العزيز ammora وأخى م/محمد زيان بارك الله فيكم على الشرح والتوضيح كده فهمت ان الريسيفر والكمبيوتر لازم يكونوا على شبكة واحدة بس اللى كنت أقصده هل ينفع يعنى نوصل من الكمبيوتر كابل(سلك) من فتحة Ethernet بفتحة Ethernet بتاعة الريسيفر وبكده عملنا الربط بين الكمبيوتر والريسيفر وبعد كده نطبق خطوات الشرح؟
أما طريقة التوصيل بشبكة واحدة من خلال الراوتر صح برضه وجربت ده ونفعت التجربة تمام.

لا اخى الكريم
لا يوجد طريقة بتوصيل كابل نت بفتحة Ethernet
الطريقة التى ذكرتها انت هى تنزيل سوفت عن طريق اللودر ولها بعض الاعدادات لكى يشعر الريسيفر بالكمبيوتر
وعلى العموم اخى جرب ومش حتخسر حاجة
ولو انا وصلت لمعلومة جديدة فى هذا الامر
حقولك على الطريقة

[Ahmed RZ]

المشاركة الأصلية كتبت بواسطة م/محمدزيان

لا اخى الكريم
لا يوجد طريقة بتوصيل كابل نت بفتحة Ethernet
الطريقة التى ذكرتها انت هى تنزيل سوفت عن طريق اللودر ولها بعض الاعدادات لكى يشعر الريسيفر بالكمبيوتر
وعلى العموم اخى جرب ومش حتخسر حاجة
ولو انا وصلت لمعلومة جديدة فى هذا الامر
حقولك على الطريقة

الف شكر أخى العزيز م/محمد زيان على سرعة الرد والتوضيح بارك الله فيك وجزاك الله خيرا على موضاعاتك القيمة بالقسم وجعله الله فى ميزان حسناتك

[ABOZIAD@AHMAD]

مجهود مميز ياغالى

[mizosamir99]

مش شغال على التوب بوكس 2 مش عاوز يعمل اكتيف

[zamalkawy]

انا بشكرك جدا ياباشمهندس محمد على طرح الموضوع

لكن عندى مشكله بتجيلى لما اختار الاى بى

ياريت الحل وشكرا

[م/محمدزيان]

المشاركة الأصلية كتبت بواسطة ABOZIAD@AHMAD

مجهود مميز ياغالى

والله مواضيعى بتزداد جمال ونور
بمرورك اخى ابوزياد
شكرا لك

[م/محمدزيان]

المشاركة الأصلية كتبت بواسطة mizosamir99

مش شغال على التوب بوكس 2 مش عاوز يعمل اكتيف

ممكن توضح اخى مشكلتك بالتفصيل
يعنى هل الكمبيوتر والريسيفر على شبكة نت واحدة ام لا
ياريت تحدد المرحلة ال وصلت لها بالظبط
علشان اقدر اساعدك اخى
وياريت لو امكن بالصور
فى انتظار ردك

[mrtawfik]

شرح مميز من انسان مميز ويستحق التقدير
بلفعل عملت كل الخطوات ناجحه ميه بالميه بس فيه مشكله بسيطه وهى
ان تقريبا كل خمس دقايق الصوره تقطع لو بشوف فيلم ياترى ايه السبب
وشكرا سلفا

[م/محمدزيان]

المشاركة الأصلية كتبت بواسطة zamalkawy

انا بشكرك جدا ياباشمهندس محمد على طرح الموضوع

لكن عندى مشكله بتجيلى لما اختار الاى بى

ياريت الحل وشكرا

اخى الكريم زملكاوى
اولا لازم تكون عارف رقم الايبى الخاص بالكمبيوتر فى المرحلة التى قمت بتصويرها
وبعدها اختار نفس الايبى الخاص بالكمبيوتر من الارقام ال حتظهر لك
وعلى فكرة اخى
تم الشرح على الاسبارك فقط
ولسة مجربتش شغالة على الانيجما ولا لأ
وان شاء الله فى اقرب وقت حيتم التجربة
ولو المشكلة مازالت قائمة اتمنى وضع رد بها مرة اخرى
واتمنى منك اخى انك تقوم بكل الخطوات بالتفصيل كما ذكرتها بالصور