[بيرلى]

ليا واحد قريبى جى من السعوديه قريب ان شاء الله
ممكن اعرف ايه افضل رسيفر موجود هناك وصعب
الاقيه فى مصر
او موجود هنا فى مصر وسعره اقل فى السعوديه

[hhhzeko]

الافضل انك تجيب من مصرهيرشمان2200hd

[كاجو النجم]

هيرشمان ازاى بس اخي الغالى بيقولك هجيب من برة مصر

بوص يا استاذ بيرلى عليك وعلى الدريم بوكس علطول DM 800HD se V2




ولو سعر الرسيفر مش هيفرق معاك اذا كان غالى او كدا

يبقى عليك وعلى الوحش دة DM7080HD برضو من نفس العائله الكريمه دى




دة اعلى رسيفر فى عائله الدريم بوكس الجبارة والشركة العالميه دريم مالتميديا

وعندك بقى الشياكه والاناقه الرسيفر دة Vu+ SOLO se V2 برضو من نفس العائله



ولو حضرتك بقى الدنيا حلوة على الاخر وعايز تطلع السحاب يبقى

مفيش غير انك تجيب دة Vu+ SOLO 4K ويبقى كدا انتا عديت كل الحدود

وربنا يسامحني بقى انى غرقتك مع العائله دى واكيد اكيد هتفكر فيها وانا واثق

دة لو انتا فعلا عايز رسيفر حقيقي متفكرش انك تغيرة بعد كدا ولو انا شرحتلك

مميزات الرسيفرات دى عايز شهرين على الاقل مش هيكفوهم دول بى اختصار

هما ملوك العالم فى الرسيفرات بدون منازع اى رسيفر من شركة

دريم مالتمديا تترفعله كل القبعات



تقبل تحياتى اخي الغالي وان شاء الله تتوفق فى الاختيار الانسب لحضرتك

بس فعلا هيا دى الرسيفرات الحقيقيه مدام هتجيب من برة مصر منصحكش بى اى

حاجه تانى غير العائله دى والشركة دى بذات

ملحوظه : الرسيفرات دى مش مجرد رسيفر دى معقدة جدا جدا للمبتدئين

لانها تعمل بنظام الانيجما 2

[بيرلى]

بجد الله ينور عليك يا كاجو طريقه عرضك للموضوع ملهاش حل
واذا كنت بتكلمنى عن الدريم بوكس فده يعتبر اول جهاز دخلت من خلاله
عالم الشيرنج واللى عرفنى يعنى ايه ******* وتشفير وموال كبير كده
الاسبوع اللى اشتريت فيه الدريم بوكس (500s) تانى اسبىوع كنت جايب
3 اجهزه لاصحابى الدريم بوكس حاجه كده مينفعش تدخله فى مقارنه مع
اى رسيفر تانى بس للاسف انا غدرت بيه وبعته بالعافيه ب 100 جنيه
واللى اشتراه منى لحد دلوقت مش عارف يبيعه رغم انه فنى دش لصعوبه
التعامل معاه لدرجه انه بيقوالى خده ومش عايز فلوس بس انت عارف بقى
ال الاتش دى وكده انا حاليا عندى star sat9900hd حاجه محترمه جدا
انا اسف اذا كنت طولت عليك
انا كان المغزى من سؤالى هل الاجهزه بره مصر
ارخص ولا مفيش فرق مع العلم من بره من جوه انا كده كده دافع مش هيجيلى
هديه فالموضوع له سقف تمويلى بس لو بره ارخص اجيب غير كده بلاش احسن

[كاجو النجم]

بس يا غالي الدريم 500s مختلف تمام فى الامكانيات عن اللى بقولك عليهم

ولو انتا عايز تغير سكه الدريم هات الفيو سولو جامد جدا جدا

وانا عايزك تجيب من برة لسبب مش قصه ارخص او اقل

انما هناك الاصلى يا صاحبي اى نسخه بتنزل برة مصر

بتبقى نسخه اقوى بكتير من اللى بتنزل عندنا وكل بلد واقتصادها

وانا مش هقولك بقى برة مصر الحاجه بتجلهم ازاى درجه اولى مفيش كلام

وان شاء الله تتوفق فى اختيارك يا غالي عندك الدريم الحديث والفيو بى انواعه

الصراحا انا مش شايف رسيفر تانى من وجه نظرى المتواضعه يكون عليه العين يعنى

[ahmed_g67]

المشكلة إن معظم الرسيفرات التى تباع أو تعرض فى مصر غير متوفرة فى الدول العربية

كما أفاد الأخ كاجو (السوق المصرى عايز كدة)

و الأجهزة المذكورة بالأعلى أسعارها نار (تبدأ من جم2500 لتصل لأكثر من 5000جم)

[Mr.M!DO]

متابعة اكثر من رائعة