[abokefo]

السلام عليكم ورحمة الله وبركاته
علي الاخوة الافاضل بمنتدنا الغالي
أعمل فني منذ فترة ليست بالقليلة
واليوم حدث معي موقف اول مرة يحصل ومش لاقي تفسير
كنت بركب طبق برفكس70سم جديد وقطعة ترومان 2مخرج جديدة وسلك جديد
ولللعلم سبق أن ركبت في نفس العمارة ونفس السطح الدور 13 عدة أطباق
المهم كل الترددات تم اسقبالها باشارة عالية والتردد11488 بتاع باقة cbcلم يتم استقبالة ابدا وغيرت القطعة والسلك ومش عارف ايه السبب حتي كتابة هذه السطور -
ممكن حد لوسمحتو يعرفني ايه السبب حتي استريح

[ibrahim144]

بص جنبك كدة علي محطة تقوية لشبكات المحمول

[mony]

حدثت عندى نفس المشكله فقمت بتغيير السلك بالرغم ان السلك شاريه جديد فقمت بشراء سلك احر بس نوع افضل من السابق فاصبح كل شئ على ما يرام

[طة فؤاد]

اكيد العماره عليها شبكات تقويه محمول اويجاورها
هذا التردد شديد التأثر بشبكات المحمول

[Mr.M!DO]

قبل ما تغير السلك

هل قطعة السلك اللي بتظبط بيها من نفس نوع السلك الجديد

لو من نفس النوع غير قطعة السلك وجرب

[abokefo]

اولا كل الاحترام والتقدير لكل من تفضل بالرد
انا أضبط بجهاز ستالايت فيندر سات لينك
ومعي قطعة سلك من الجهاز للطبق حوالي 2م (السويدي)
وانا مركب لناس في نفس العمارة بدون مشاكل
ولا يوجد شبكات محمول فوق العمارة او قريبة
دليل كده ان التردد ده شغال في بعض الشقق في نفس العمارة
وانا برضه اللي مركبه
المهم الزبون مفروض اروح ليه اليوم او بالكتير بكرة ان شاء الله
ولو قلت للذبون اي عذر هيقول انت جايب نفس التردد عند بعض الشقق في نفس العمارة
والصراحة انا محتار مع العلم ان ممكن موقف زي ده ممكن يؤثر علي سمعتي في المنطقة

[شوني سات]

ابحث اخي علي اي ريسفر

[مجدى عامر]

هقلك على حاجه ابو افنان علمهالى
ركب الطبق فى مكان تانى والقنوات هتشتغل

[hamid20]

جرب تبحث بالريسيفر مش بالفيندر

[حوده العالمي]

عن تجربه شخصيه حرك القطعه قليلا اعلى او سفل وان شاء الله يشتغل

[الهوارى200]

بعد اذن الخبراء كل التقدير والاحترام لحضرتكم جميعا بص ياغالي جرب السلك علي طبق من اللي انت مركبهم قبل كدة اللي في نفس العمارة وشوف القنوات شغاله ام لا لو شغاله يبقي العيب بالقطعة او قم بتغيير مكان الطبق وجرب علي ايدك من غير اسمنت و جبس ولو ربنا كرمك واشتغل يبقي كده المشكلة اتحلت وحط الاسمنت والجبس بتاعك وتوكل علي الله مكنش يبقي القطعة

[المهندس/احمد جمال]

غير مكان الطبق

[hamadasat96]

متغيرش مكانه
حل الطبق وجرب علي ايدك الاول
في اقرب حته للمكان تجيب معاك اشارة للتردد ده
واول مايجيب الاشاره بكده الصورة المهزوزة قدام الزبون رجعت كما كانت
ولعلمك مش كل المشاكل شبكات محمول
في شبكات تانية كتيرر منعرفش عنها حاجة وفي شبكات لاسلكي
تأثيرها اقوي
في سنترال محطة مصر عندنا نص القنوات مبتجيش في المنطقة دي ده اولا
ثانيا علي بعد حوالي 10 كيلو في تاثير كبير جدا من نفس السنترال لكن التاثير اقل بحاجات بسيطة
مش شرط الشبكات تكون شايفها
لكن نقطة مرورها ال احنا مبنشوفهاش دي الاهم
زي ماتقولتلك جربه علي ايدك قرب الاطباق التانية قبل ماتغير مكان القاعدة
ولو جت الاشارة وطبقك تمام غير مكان القاعدة
وربنا يوفقك

[abokefo]

الف شكر لكل الغاليين اللي شرفوني بالرد
انا روحت للزبون وجربت الطبق علي ايدي الاول وجاب اشارة علي نفس السطح بس مسافة تبعد حوالي 2م وبعدين فكيت القاعدة وركبت والحمد لله بس الاهم اني في الاخر اخدت متشكريين
ومن قلبي يارب يارب يؤلف بين قلوبنا وميحرمناش من بعض ولا من منتدنا الغالي المحبب الي قلبي
اللهم اميييييييييين

[سامر مدحت]

بص يا بشمهندس هو الي واضح الايام دي منذ شهر او شهرين علي التحديد باقة التردد 11488 الخاص بالcbc والنهار فيهم مشكلة مع العلم بقي الي يقولك ان شبكة محمول او سنترال بس كلامهم صح بس ممكن نزل الطبق من فوق السور او حط علي العدسة قطعة فويل او المونيا او حط قطوع خشب جنب الطبق