[amrsalah45]

كل ما يتعلق بتسطيب نسخ انيجما2 على فلاشة خارجيه (ترومان بريمير +1)

بداية يوجد اكثر من موضوع مشروح بشكل جيد يتحدث عن الفلاشة الخارجية لاجهزة سبارك ومنهم الترومان بريمير +1
وسأقسم موضوعى لنقاط مهمة كالتالى :
1-بداية توضيحية لفكرة تسطيب انيجما على الفلاشة الخارجية
2-تسطيب نسخة انيجما بامتداد (tar.gz) على الفلاشة الخارجية وهى موضحه بالتفصيل فى موضوع الاخ معاذ واليكم الرابط
(http://www.masrawysat.com/vb/showthr...6#post10833806 )
علما اننى سأقوم بتلخيص الموضوع واضافة بعض البرامج وتلخيص اللينكات للموضوع و سأقوم بذكر مزايا وعيوب هذه الطريقة .
-طريقة اخذ نسخة من صورة الانيجما المسطبة سواء على الفلاشة الداخلية للجهاز او الفلاشة الخارجية وايضا نوع النسخة والتى سبق ان قام زميلين اثنين وهما الاخ وسام والاخ احمد عبدالله كل منهم قام بشرح جزء من بلجن مهم (image manager) واليكم الرابطين :
1- http://www.masrawysat.com/vb/showthr...post1041810784
2- http://www.masrawysat.com/vb/showthr...5#post10903265
وسأقوم بشرح ميزة البلجن وطريقته وايضا عيوبه .

3-تسطيب نسخة انيجما بامتداد (zip) على الفلاشة الخارجية وهى موضحة بالتفصيل فى موضوع الاخ احمد غازى واليكم الرابط
(http://www.masrawysat.com/vb/showthr...0#post10373640 )
ولن اقوم بعمل اى اضافة فى هذا الموضوع حيث ان الاخ احمد عامل اكثر من موضوع بشرح مفصل فقط سأقوم بذكر مزايا وعيوب هذه الطريقة .
4-سأقوم بوضع روابط ولينكات تحميل فى نهاية الموضوع


اولا : بداية توضيحية
فكرة تسطيب صور انيجما على فلاشة خارجية هى ميزة كبيرة جدا تسمح لك بالانتقال ما بين النسخ والتعرف عليها دون ان تقوم بالاضطرار كل مرة بمسح النسخة وتسطيبها مرة اخرى مما يأخذ وقت وجهد وايضا استهلاك الفلاشة الداخلية واهلاكها.. اى انك تقوم فقط بتثبيت الصورة على الفلاشة الداخلية وتقوم بعد ذلك بوضع فلاشة خارجية تكون مقسمه (انا عن نفسى مقسم الفلاشة واقوم بالاستفادة على الاقل ب 7 نسخ منها بخلاف النسخة المثبته على الجهاز اى 8 صور انيجما اتنقل بينها واستطيع ان ازيد العدد ) .
المطلوب لفعل ذلك (اخر الموضوع سيتم اضافة روابط تحميل بان الله)
1-فلاشة خارجية مساحتها جيدة ( على حسب المساحة يمكنك زيادة عدد الاجزاء المقسمة ).
2-برنامج (MiniTool Partition Wizard Free) من افضل البرامج لتقسيم الفلاشة الخارجية .
3-تنزيل صور انيجما وهى موجودة بكثرة فى المنتدى وعلى حسب الطريقة ستختار امتداد الصور .. فطريقة الاستاذ معاذ تحتاج صورة بامتداد (tar.gz) وطريقة الاستاذ احمد غازى تحتاج صور بامتداد (zip) .
4-بلجنات تكون مسطبه على الصورة الاصلية للجهاز طريقة الاخ احمد غازى ( بلجن NFR4X Multiboot الخاص بالصوره opennfr-5.3 ) طريقة الاخ معاذ ( بلجن DuckBA-E2-plugin) .
5-بالنسبة لطريقة الاخ معاذ يوجد برنامجين لتمرير الصورة على الفلاشة الخارجية برنامج مذكور فى موضوع الاخ معاذ وهو (j00ztalator) وبرنامج اخر بعد عناء من البحث وجدته وهو افضل بكثير وهو برنامج (SH4_STB_Admin_Tool_Morly_v1.2.1) .
6- بالنسبة لاخذ نسخة من الصورة فسنحتاج لبلجن (image manager) .

مبدئيا الطريقتين بيحتاجوا تقسيم الفلاشة الى اجزاء
برنامج MiniTool Partition Wizard Free تابع شرح الاستاذ معاذ فى الرابط الاتى :
http://www.masrawysat.com/vb/showpos...6&postcount=97
ولكن يوجد تعديل بسيط على الشرح : ان عند التقسيم الرجاء تقسيم جميع الاجزاء عن طريق فورمات ext3 ماعدا الجزء الاخير فلتجعله بفورمات fat32 وليس فورمات linux swap .

ثانيا : تسطيب نسخة انيجما بامتداد (tar.gz) على الفلاشة الخارجية طريقة الاستاذ معاذ

اولا : تمرير النسخة بامتداد (tar.gz)
سأقوم بشرح برنامج جديد مختلف كليا عن شرح الاستاذ معاذ وهو برنامج SH4_STB_Admin_Tool_Morly_v1.2.1
بعد فك الضغط عن البرنامج سنفتح البرنامج سيظهر كالصورة التالية: تابع(صورة رقم 1)

تضغط على connect وتدوس على hdd/image تظهر الصورة دى تابع (صورة رقم 2)


هتظهر كل اجزاء الفلاشة المتقسمة بالبرنامج السابق واختار mount all (صورة رقم 3)

نختار الجزء المراد تنصيب عليه صورة الانيجما ونعمل كليك يمين عليه ونختار تسطيب الصورة بامتداد (tar.gz) من على جهازك. تابع(صورة رقم 4)

تابع(صورة رقم 5 )




هتنتظر فترة وبعدين هتلاقيها اتسطبت على جزء الفلاشة هكذا ممكن تسطب كل النسخ اللى انت عايزها على حسب اجزاء الفلاشة المقسمه وبعد ما تخلص تدخل على النسخة الاصلية وتدخل على بلجن (DuckBA-E2-plugin) وتعمل بوت من على الصورة اللى انت عايزها .
مزايا هذه الطريقة
1- تمكنك من تسطيب اكثر من نسخة على الفلاشة الخارجية بمنتهى السهولة .
2- لا يشترط عليك ان تكون مسطب نسخة بعينها على الفلاشة الخارجية فبلجن (DuckBA-E2-plugin) يعمل على اغلب النسخ وهو ما يميزه كثيرا عن بلجن ( NFR4X Multiboot) .
3- انا بالفعل بواسطة هذه الطريقة استطعت تسطيب العديد من الصور وجميع الصور التى جربتها واشتغلت تمام بدون اى مشاكل مع بلجن (DuckBA-E2-plugin).
عيوب هذه الطريقة
اعتقد هو عيب وحيد وهو ان هذه الطريقة تصلح فقط للصور بالامتداد (tar.gz) ولكنه الان اصبح متوفر فى اغلب النسخ خاصة بوجود بلجن (image manager) والذى يمكنك من اخذ نسخة من اى صورة مسطبه على الفلاشة الداخلية او الخارجية بالامتداد (tar.gz) .
- ورغم ذلك تجدر الاشارة الى ان هذا الامتداد ليس متوفر مثل امتداد (zip) .

ثانيا : انتاج صور بالامتداد (tar.gz) وايضا اخذ نسخ احتياطية من صور الجهاز سواء الداخلية او الخارجية
وذلك عن طريق بلجن (image manager)
نقوم بفتح البلجن من على الريسيفر سيظهر كالصورة الاتية : تابع(صورة رقم 6 )

تابع(صورة رقم 7 )



اليكم شرح الصورة
1- السطر الاول هو الصورة التى نريد ان نأخذ منه النسخة بالامتداد (tar.gz) فاذا اردت يمكنك عمل نسخة من الصورة الموجودة على الفلاش الداخلى واسمها (nand-flah) .. او عمل نسخة من الصور المثبتة على الفلاش الخارجى كما سبق (هتلاقيها واخده اسم الجزء فى الفلاشة لديك).
2-السطر الثانى هو المكان الذى سوف يخزن فيه النسخة ويمكنك تغييره حسب رغبتك لاى قسم فى الفلاشة .
3-السطر الثالث هو نوع النسخة المطلوبة وستجد فيها الامتداد (tar.gz) وامتدادات اخرى.
4- السطر الرابع والخامس يتركوا كما هم (no) وللأمانه لم اجرب تغييرهم .
5-ندوس على الزرار الاخضر لعمل النسخة .
تابع (صورة رقم 8)

تابع (صورة رقم 9)


تابع (صورة رقم 10)






هياخد منك وقت شويه وممكن تفتح ال dcc تشوف المسار اللي انت قايل عليه انه يحفظ الباكاب فيه وتفتحه هتلاقي الحجم كبير شويه اكبر من نسخ الباكاب العاديه...يعني هتلاقيه حوالي 190 ميجا او اقل. المهم بعد ما يخلص خالص..هو بياخد حوالي 20 دقيقه تقريبا او15...انقل بقي الباكاب عندك علي الكمبيوتر عن طريق ال dcc هتلاقيه باسم MIN.tar.gz افتحه عن طريق اي برنامج ضغط زي ال 7z هتلاقيه فتحلك ملف تاني اسمه MINI.tar افتحه برضه هتلاقي الملفات بتاعتت النسخه وفيها ملف كبير كده مضغوط تاني بسم النسخه بتاعتك وامتداده tar.gz برضه وحجمه 90 او 95 ميجا.وهو ده اللي مخلي النسخه حجمها كبير عن المعتاد..المهم امسحه واقفل ال 7z هيقولك عايز تحفظ التغيير دوس نعم (الكلام مقتبس من الاخ عبدالله).
عيوب البلجن
عيبه الرئيسى انه لا يعمل على جميع صور الانيجما فتجربتى معه انه يعمل على بعض الصور بصورة ممتازه مثل PBNIGMA-VX-6.0 ويعمل بشكل جزئى على صور اخرى ولا يعمل على كثير من الصور الا انك تستطتيع تلافى هذا العيب بالميزة الرهيبة (تابع المزايا بالاسفل).
مزاياه
1-سهل الاستخدام جدا .
2-يمكنك من خلال اى صورة من الصور المثبته على الجهاز سواء الفلاشة الداخلية او الخارجية مسطب عليها البلجن ,عمل باكاب من جميع الصور وعلى اى جزء من الفلاشة – (هذه الميزه تجعلك تتغلب على عيب عدم عمل البلجن على اغلب الصور فلو انه عمل معك على صورة واحده تستطيع من خلالها اخذ باكاب او نسخة من اى صورة على الجهاز .

ثالثا : تسطيب نسخة انيجما بامتداد (zip) على الفلاشة الخارجية طريقة الاستاذ احمد غازى

هى طريقة جميلة جدا تمكنك من تسطيب عدة صورة انيجما على الفلاشة الخارجية عن طريق تسطيب صورة على الفلاشة الداخلية للجهاز ثم تسطيب بلجن على الصورة الداخلية وعن طريق هذا البلجن يتم تسطيب عدة صور على الفلاشة الخارجية المقسمة .
الطريقة لم استخدمها بعد.... ولكن من متابعتى على المنتدى استخلصت الاتى :
مزاياها
1-الطريقة تمكنك من تسطيب اكثر من صورة على الفلاشة الخارجية بسهولة ويسر كما انها تفيد اصحاب التوب بوكس بشكل رائع حيث تجعلهم يتمتعوا بصور لا يدعمها الجهاز .
2-الطريقة تتعامل مع جميع صور انيجما بامتداد (zip) وهى صورة متوفرة بكثرة ومنتشرة لاغلب الفرق .
عيوبها
1-الطريقة تلزمك بتسطيب صورة معينة على الفلاشة الداخلية (صورة opennfr-5.3 ) .
2-على حسب تجارب البعض والعهدة عليهم ان بلجن ( NFR4X Multiboot) لا يتعامل مع جميع صور الانيجما بطريقة صحيحة .
3-لا اعلم ان كان لهذه الطريقة بلجنات اخذ باكاب او نسخة من الصور الموجوده على الجهاز كما يقوم بلجن (image manager) فى طريقة الامتداد (tar) ولكنى لم اجد من يتحدث عن ذلك .
وان شاء الله سأقوم بتجربة هذه الطريقة واكون معلومات شاملة عنها وباذن الله سانقلها لكم .

رابعا روابط تحميل

1- برنامج MiniTool Partition Wizard Free .
http://www.minitool.com/C3883AF0-D8F...C/pwfree91.exe

2- بلجن NFR4X Multiboot(موجود بداخل الصورة opennfr-5.3 )
3- بلجن (DuckBA-E2-plugin)
https://www.mediafire.com/?d1lw6l5166we83f
4- بلجن (image manager)
http://www.masrawysat.com/vb/attachm...8&d=1490273114

5- برنامج SH4_STB_Admin_Tool_Morly_v1.2.1
http://gulf-up.com/do.php?id=202586


بعض الصور الخام بالامتداد (tar.gz) لترومان بريمير +1
1- BlackHole-3.0.2
https://www.mediafire.com/?4s4nd2b8br4858i
2- HDMU_16614
http://50.87.103.40/sub/images/spark...mix_USB.tar.gz

3- neutrino3 (النسخة باللغة الالمانية وانا سطبتها بس لما اتعامل معها هى غالبا باكاب)
http://opkg.familienforum.biz/FFTEAM...B-image.tar.gz
4- openatv-6.0
https://www.mediafire.com/?58xw7o16u1bwtct
5- PBNIGMA-VX-6.0
https://www.mediafire.com/?m325mry9zamw2a3
6- Pkteam 5.5
http://e2.pkteam.pl/IMAGE%20GOLDEN%2...4-p0217.tar.gz

7- Taapat
http://taapat.ho.ua/Download/openpli....rootfs.tar.gz

8- ViX4E2PROJECT-2.2.009-blue
https://www.mediafire.com/?3s3yvyscpprsiip

وفى النهاية اتمنى ان اكون وفقت فى ايصال المعلومة وخالص الشكر للاساتذة الذين سبق ان استفدت منهم وهم اساس ومرجع لموضوعى

1- الاستاذ معاذ muaath
2- الاستاذ احمد غازى ahmed gazye
3- الاستاذ وسيم $waseem$
4- الاستاذ احمد عبدالله (ahmed_abd_alla )

[abo mazen2012]

جزاك الله خيرا ونرجو التثبيت

[amrsalah45]

المشاركة الأصلية كتبت بواسطة abo mazen2012

جزاك الله خيرا ونرجو التثبيت

جزاك الله خيرا على ردك الكريم

[vigo]

ما شاء الله عليك
موضوع رائع
بس يا ريت حضرتك توضح غير مزايا ان يكون عندك كذا باكاب تتنقل بينهم بسهولة هل
فى فرق فى سرعة الجهاز مثلا

[amrsalah45]

المشاركة الأصلية كتبت بواسطة vigo

ما شاء الله عليك
موضوع رائع
بس يا ريت حضرتك توضح غير مزايا ان يكون عندك كذا باكاب تتنقل بينهم بسهولة هل
فى فرق فى سرعة الجهاز مثلا

انا عن نفسى ماحستش باى فرق بين الصورة على الجهاز والصورة على الفلاشة الخارجية من ناحية السرعة دائما الاختلاف فى الصورة نفسها
فى صور خفيفه وجميله ودعمها حلو بس وحشه على الشيرنج زى pkteam
وفى صور خفيفه وسريعه وممتازه على الشيرنج بس دعمها قليل ولو حبيت تنزل عليها بلجنات او اسكينات خارجية بتعمل كراش زى blackhole

دى ميزة الفلاشة الخارجية بتقعد تجرب الصور وتتعرف عليها فى اسرع وقت
انا عن نفسى بداية معرفتى بالانيجما من شهر واحد بس لما اشتريت جهاز ترومان بريمير +1 بس شغلى على الفلاش الخارجى خلانى جمعت معلومات كتيرة عن بعض الصور اللى جربتها
ولسه بدور على صور مختلفة واصدارات احدث
بصراحة انا حابب كده

[vigo]

المشاركة الأصلية كتبت بواسطة amrsalah45

انا عن نفسى ماحستش باى فرق بين الصورة على الجهاز والصورة على الفلاشة الخارجية من ناحية السرعة دائما الاختلاف فى الصورة نفسها
فى صور خفيفه وجميله ودعمها حلو بس وحشه على الشيرنج زى pkteam
وفى صور خفيفه وسريعه وممتازه على الشيرنج بس دعمها قليل ولو حبيت تنزل عليها بلجنات او اسكينات خارجية بتعمل كراش زى blackhole

دى ميزة الفلاشة الخارجية بتقعد تجرب الصور وتتعرف عليها فى اسرع وقت
انا عن نفسى بداية معرفتى بالانيجما من شهر واحد بس لما اشتريت جهاز ترومان بريمير +1 بس شغلى على الفلاش الخارجى خلانى جمعت معلومات كتيرة عن بعض الصور اللى جربتها
ولسه بدور على صور مختلفة واصدارات احدث
بصراحة انا حابب كده

للاسف معظم المطورين وقفوا دعمهم للمعالج او للجهاز انا الجهاز عندى من 2014 و كان ممكن كل يومين انزل باكاب جديد بس لغاية لما بقيت اثبت علي صور tapaat من وجهة نظرى من افضل الصور

[amrsalah45]

المشاركة الأصلية كتبت بواسطة vigo

للاسف معظم المطورين وقفوا دعمهم للمعالج او للجهاز انا الجهاز عندى من 2014 و كان ممكن كل يومين انزل باكاب جديد بس لغاية لما بقيت اثبت علي صور tapaat من وجهة نظرى من افضل الصور

بص يا غالى انا ما بحبش الباكاب بصفة عامة بحب دائما النسخة الخام
بالنسبة لتوقف الدعم .. انا مش متفق معاك لان فى نسخ بتنزل جديده زى pkteam وزى tapaat وزى HDMU وزى Openatv
النسخ دى ليها اكثر من اصدار وليها اصدارات حديثه

بالنسبة لصورة tapaat فانا معاك انها نسخة رائعة وانا جربتها بس فى نسخة زى بلاك هول سريعة وجميلة عيبها فقط فى دعم الصورة نفسها للبلجنات ودى بتفرق مع ناس ومش بتفرق مع ناس زى انا
انا كل اسبوع بجرب نسخة واصدار جديد .. انا اديلى شهر وتعاملت مع ما يقارب من 10 صور تقريبا

[mr.helmy]

لا شك جهد كبير يستحق التقدير وثمة سؤال يحيرنى ففى الطريقتين ورغم انى مقسم الفلاشة بحيث يكون كل قسم جيجا او اكثر وحين اشغل النسخة المسطبة على الفلاشة الخارجية وبعد تنزيل عدد من البلجنذ تأتى رسالة تفيد انه لا توجد مساحة فى الذاكرة فضلا عن ثقل فى استجابة الريموت والسؤال هناك مساحة اكثر من 700 ميجا باقية فى القسم الخاص بهذه النسخة لايراها نظام النسخة فاين هى ولم لا تراهام وهل من طريقة ليراها0 وكل النسخ الاخرى تعانى من نفس المشكلة 0 واذن هى مشكلة عامة وليست خاصة بصورة من الصور وفى انتظار الاجابة تقبل اخى ارق تحياتى

[amrsalah45]

المشاركة الأصلية كتبت بواسطة mr.helmy

لا شك جهد كبير يستحق التقدير وثمة سؤال يحيرنى ففى الطريقتين ورغم انى مقسم الفلاشة بحيث يكون كل قسم جيجا او اكثر وحين اشغل النسخة المسطبة على الفلاشة الخارجية وبعد تنزيل عدد من البلجنذ تأتى رسالة تفيد انه لا توجد مساحة فى الذاكرة فضلا عن ثقل فى استجابة الريموت والسؤال هناك مساحة اكثر من 700 ميجا باقية فى القسم الخاص بهذه النسخة لايراها نظام النسخة فاين هى ولم لا تراهام وهل من طريقة ليراها0 وكل النسخ الاخرى تعانى من نفس المشكلة 0 واذن هى مشكلة عامة وليست خاصة بصورة من الصور وفى انتظار الاجابة تقبل اخى ارق تحياتى

شكرا لردك الكريم
انا عن نفسى ما قابلتنيش المشكلة بتاعة الذاكرة دى من قبل
وبصراحة معنديش معلومة اقدر افيدك بيها .. بس ده شئ غريب فعلا .. كل اللى اقدر اساعدك بيه هو فقط بعض الاقتراحات
1- فرمت الفلاشة وقسمها من جيد ونزل نسخة واحدة على احد الاقسام وضيف نفس العدد من البجنات وشوف فيه تغيير ولا لا لو استمرت حاول تغير برنامج التقسيم والفرمته .. حاول تستخدم البرنامج اللى فى الموضوع.
2- جرب تزود مساحة الجزء فى الفلاشة وجرب تنزله نسخة
3- وانت بتقسم الفلاشة جرب ما تقسمشى الاقسام بنفس المساحة يعنى خليها تدريجي كده .. جزء جيجا والتانى جيجا ونص والتالت اتنين جيجا وهكذا

انا بعتذرلك انى مش عاطيك سبب قاطع بس انا جديد لانج فى الانيجما وعلاقتى بيها كلها ما تعديش شهر فلسه مش خبير فيها .

[mr.helmy]

لقد اكتشفت ان فى حالة استخدام البلجن nfr... تقسم الفلاشة الى جزء صغير باسم swap على fat 32 والجزء الاكبر على ext 4 اى تقسم الفلاشة الى جزئين فقط0 ثم نبدأ فى نقل صور الانجيما كما شرح اخونا العزيز احمد غازى ثم نسطبها صورة صورة والبلجن هو الذى سيتولى وضع الصور فى اماكنها الخاصة داخل الفلاشة وعقب كل صورة سيعطيك بيانا بالمتبقى وهذا وتفضلوا جميعا بقبول تحياتى

[amrsalah45]

المشاركة الأصلية كتبت بواسطة mr.helmy

لقد اكتشفت ان فى حالة استخدام البلجن nfr... تقسم الفلاشة الى جزء صغير باسم swap على fat 32 والجزء الاكبر على ext 4 اى تقسم الفلاشة الى جزئين فقط0 ثم نبدأ فى نقل صور الانجيما كما شرح اخونا العزيز احمد غازى ثم نسطبها صورة صورة والبلجن هو الذى سيتولى وضع الصور فى اماكنها الخاصة داخل الفلاشة وعقب كل صورة سيعطيك بيانا بالمتبقى وهذا وتفضلوا جميعا بقبول تحياتى

طيب مداه طبيعى بس اية علاقته بموضوع الذاكرة انا ما اعرفشى

[mr.helmy]

شكرا مرة اخرى اخى الكريم وهل هناك امكانية فى حالة تسطيب النسخ بامتدادtar.gz
ان تنزل الاعدادات وملف القنوات من النسخة الاصلية على الفلاشة الرئيسية للنسخة الجديدة على النسخة الجديدة المسطبة على الفلاشة الخارجية فى حالة استخدام اسلوبك وتقبل اخى ارق تحية

[abo_nouir]

ما شاء الله رووووووووعه بس فيه حته مهمه مشكله عدم ظهور الفلاشه علي البرنامج ch4 وحلها بعد الفورمات من علي الكمبيوتر لازم انقل الفلاشه للريسيفر تحياااااتي

[amrsalah45]

المشاركة الأصلية كتبت بواسطة mr.helmy

شكرا مرة اخرى اخى الكريم وهل هناك امكانية فى حالة تسطيب النسخ بامتدادtar.gz
ان تنزل الاعدادات وملف القنوات من النسخة الاصلية على الفلاشة الرئيسية للنسخة الجديدة على النسخة الجديدة المسطبة على الفلاشة الخارجية فى حالة استخدام اسلوبك وتقبل اخى ارق تحية

بالنسبة لملف القنوات فطبعا ينفع
اما الاعدادت فلا لانها بتختلف من صورة لصورة

[amrsalah45]

المشاركة الأصلية كتبت بواسطة abo_nouir

ما شاء الله رووووووووعه بس فيه حته مهمه مشكله عدم ظهور الفلاشه علي البرنامج ch4 وحلها بعد الفورمات من علي الكمبيوتر لازم انقل الفلاشه للريسيفر تحياااااتي

شكرا لردك الكريم
ثانيا بتأسف لانى مش ذاكر النقطة بتاعة سؤالك فى الموضوع .. اختصرت لانى حسيت ان الموضوع هيكبر وممكن يبقى رخم على الناس
- جزئية التقسيم هتحط الفلاشه فى الكومبيوتر وتفتح برنامج MiniTool Partition Wizard Free وتقسم الفلاشة على النحو اللى تحبه وعدد الاقسام حسب الشرح .
- جزئية وضع صورة انيجما على اجزاء الفلاشة الخارجية .. هتشيل الفلاشة من الكومبيوتر وتحطها فى الريسيفر وبعدين تفتح برنامج SH4_STB_Admin_Tool_Morly_v1.2.1 وتابع الشرح
يعنى طريقة وضع صورة انيجما بتم من برنامج SH4 والفلاشة فى الريسيفر مش الكومبيوتر .