[برشلونى للابد]

السلام عليكم
لو سمحتم عندى مشكله فى الجهاز
لما بقلب شوية فى القنوات الريسيفر بيهنج وبيفضل معلق والريموت مش بيستجيب لحد ما اطفيه واشغله تانى من الخلف
مع العلم ان الجهاز عندى بقاله حوالى شهر او اكتر كان شغال تمام وعملتله ضبط مصنع وجربت عملت سوفت الانقاذ وحملت اخر سوفت بعدها
بس المشكلة لازلت موجوده
هو فيه حاجتين استجدوا ومش عارف ليهم علاقه ولالا
اول حاجه كابل الاتش دى بتاع الجهاز فجاه بقا يعمل طقطقه كده فى الريسيفر ومبقاش يشتغل فغيرت الكابل واشتغل تمام الكابل الجديد
تانى حاجه التلفون عندنا مش شغال لانهم بيغيروا الكابلات بالتالى النت مش شغال عندنا
مش عارف دول ليهم علاقه بالمشكلة ولالا
ياريت يكون فى حل للمشكلة دى لانى من اسكندرية وكنت شارى الجهاز من القاهره يعنى الضمان بتاعه فى القاهره

[م/محمد إبراهيم]

نفس المشكلة دى عندى احيانا وانا بقلب الاقى الجهاز هنج ومعرفش ايه السبب وعلى تلفزيون عادى .
غيرت اكتر من سوفت قديم وجديد لكن معملتش سوفت انقاذ .
مع العلم انه شغال تمام على الانيجما.
ناس تقول افصل عنه النت وناس تقول خرج الفلاشة
الجهاز عندى من سنتين ونص اشتغل سنه بدون تهنيج وبعد كدا ظهرت المشكلة
يارب حد يكون عندة الحل الاكيد

[برشلونى للابد]

هو المشكلة دى ابتدت تظهر لما النت فصل
ومعرفش ايه العلاقه
مع العلم انى مشغله بفلاشه واى فاى
وكانت شغال تمام معايا لحد ما النت فصل

[م/محمد إبراهيم]

انا جربت كل الحلول شغلته نت بكابل وواى فاى وفصلت عنه النت خالص وشغلته بفلاشة ومن غير فلاشة وبرضو بيهنج بعد فترة من فتحة اثناء التقليب واحيانا من غير تقليب اكون سايبه على قناة واجى اقلب الاقيه مهنج

[م/محمد إبراهيم]

من يوم مابدا الجهاز بريمر +1 يهنج وانا شغال على الانيجما على طول لكن بحول على سبارك افتح قناة دهوك واثبته عليها وبحاول ماغيرش القناه لتفادى التهنيج ولما الماتش يخلص ارجع للانيجما

[Dr. Hazem Tamim]

المشكلة شوية غريبة لان الجهاز جديد وانا عندى البريمير بلس والتوب بوكس
والمشكلة مش موجدودة بس المشكلة دى احيانا بتحصل لما تنزل ملف قنوات جاهز مثلا او النت يكون معلق والبلاجن شغالة خلينا نجرب واحدة واحدة
افصل النت واقفل كل البلاجن وجرب الامور ظبطت يبقى تمام
لو ما ظبطتش حاول تعمل ظبط مصنع وتنزل القنوات يدوى
وتابعوا معايا ما دام المشكلة متكررة لازم يكون لها حل

[برشلونى للابد]

النت عند رجع من ساعتين كده
والجهاز اشتغل تمام ومبقاش يهنج لما النت جه
انا مش فاهم ايه علاقه النت بالتهنيج
طب معنى كده ان الجهاز مش هيشتغل حلو بدون نت ؟

[Dr. Hazem Tamim]

المشاركة الأصلية كتبت بواسطة برشلونى للابد

النت عند رجع من ساعتين كده
والجهاز اشتغل تمام ومبقاش يهنج لما النت جه
انا مش فاهم ايه علاقه النت بالتهنيج
طب معنى كده ان الجهاز مش هيشتغل حلو بدون نت ؟

لو فصل النت وانت قفلت البلاجن غالبا هتلاقيه بيشتغل كويس لانه لما بيفصل النت الرسيفر بيحاول يعمل اتصال وفي نفس الوقت البلاجن بيحاول يجيب مفاتيح ****** لما العمليات دي بتقف بتضغط على ذاكرة الرسيفر كما لو ان فيه برنامج مهنج علي الكمبيوتر ولو كنت شيلت السلك ذي ماقلتلك وقفلت البلاجن كنت هتلاقيه اشتغل كويس

[برشلونى للابد]

طيب هجرب كده اقفل البلاجن واخلع فلاشه الوايرلس
واجرب وارد عليك

[Dr. Hazem Tamim]

المشاركة الأصلية كتبت بواسطة designer11

انا جربت كل الحلول شغلته نت بكابل وواى فاى وفصلت عنه النت خالص وشغلته بفلاشة ومن غير فلاشة وبرضو بيهنج بعد فترة من فتحة اثناء التقليب واحيانا من غير تقليب اكون سايبه على قناة واجى اقلب الاقيه مهنج

بالنسبة للي بيحصل ده ممكن يكون النظام له فترة طويلة من غير ما يتعمله سوفت إنقاذ لو تجرب تنزله سوفت إنقاذ ممكن يظبط معاك

[برشلونى للابد]

تمام استاذ حازم الحل بتاع حضرتك صحيح 100%
لما قفلت كل البلاجن وشيلت فلاشه الوايرليس
الجهاز اشتغل تمام ومهنجش معايا
كده فيه نت اشغل بلاجن مفيش مشغلهومش
تمام جدا
ومتشكر جدا لحضرتك :)
حاجه اخيره معلش بالنسبة للبلاجن انا مشغل بس wildcard فيهم كلهم عشان ******* فيه حاجه تانيه مهمه تشتغل ولا لا ؟

[Dr. Hazem Tamim]

كل بلاجن وله وظيفة مثلا الاوسكام للسيرفر المجانى ولو انت حاطط بياناته على الويكارد خلاص انت مش محتاج حاجة تانى
الا لو عايز تشغل حاجات تانية والحمد لله اننا وصلنا لحل المشكلة

[برشلونى للابد]

شكرا ليك ياغالى
وانا فعلا حاطط المجانى على الويكارد ومش مشغل غيره
تسلم يا كبير

[Dr. Hazem Tamim]

فى خدمتك اخى الفاضل